Morgunblaðið - 10.11.2007, Page 55

MORGUNBLAÐIÐ LAUGARDAGUR 10. NÓVEMBER 2007 55
GESTIR í spurningaleiknum Orð
skulu standa í dag eru Gunnhildur
Hrólfsdóttir rithöfundur og Halldóra
Kristín Thoroddsen rithöfundur. Á
milli þess sem þær velta fyrir sér
m.a. orðunum „heimsbarn“ og
„blóraböggull“ botna þær þennan
fyrripart:
Verðkönnunarvörurnar
virðast kosta minna.
Um síðustu helgi var fyrripart-
urinn þessi:
Bráðum kemur brennivín
í búðir – hvílík sæla.
Í þættinum botnaði Hlín Agnars-
dóttir:
Þá drekka allir eins og svín,
öskra, veina og æla.
Davíð Þór Jónsson „orti“ hins veg-
ar fyrripart við fyrripartinn:
Afi minn og amma mín
úti á Bakka smæla.
Því bráðum kemur brennivín
í búðir – hvílík sæla.
Hlustendur yfirfylltu pósthólf
þáttarins, m.a. Magnús Halldórsson
með þessa tvo:
En templararnir tárin sín
í tunnum sjálfsagt mæla.
Frjálshyggjunnar fyllisvín
fagna og þessu hæla.
Jónas Frímannsson:
Drykkfelldum finnst breyting brýn,
en bindindismenn skæla.
Þorgils V. Stefánsson á Akranesi:
Þá bólgnar kaupmanns buddan fín,
en Bakkus? „fleiri þrælar“.
Sigurlín Hermannsdóttir var á
öðrum nótum:
Sem ég heiti Sigurlín
með sanni vil því hæla.
Óskar Jónsson:
Bónusgrísinn, blindfullt svín,
brotið gler og æla.
Kristinn Hraunfjörð:
Þeir skúrkar ættu að skammast sín
er skynlaus börnin tæla.
Kristján G. Kristjánsson bætti
hressilega í:
Utandyra eins og svín,
útmiginn með stæla
róni nokkur rámur hrín,
hans raus er bara þvæla,
og heldur virðist grátt það grín
á gangstéttina að æla.
Marteinn Friðriksson m.a.:
Ég ætla að drekka eins og svín
og engar hvatir bæla.
Sigurður Einarsson í Reykjavík:
En munum Villa móttó fín:
Mjöðinn má ei kæla!
Erlendur Hansen á Sauðárkróki
kaus þessa leið:
Siggi Kári, kempan fín,
kúnstug barnagæla.
Haltu á flösku heim til þín,
svo hætti þau að væla.
Kristján Ásgeirsson:
Frá morgni þar til dagur dvín
dreggjum má í sig þvæla.
Loks Anna Sigurðardóttir:
Þá skaltu ekki, skepnan þín,
um skárri heilsu væla.
Verðkannanir lítils virði
Morgunblaðið/Árni Sæberg
Kannanir Leitið og þér munuð finna.
Hlustendur geta sent sína botna í
netfangið ord@ruv.is eða bréfleið-
is til Orð skulu standa, Rík-
isútvarpinu, Efstaleiti 1, 150
Reykjavík.
Orð skulu standa