Morgunblaðið - 15.11.2007, Side 22

22 FIMMTUDAGUR 15. NÓVEMBER 2007 MORGUNBLAÐIÐ
HÖFUÐBORGARSVÆÐIÐ
Reykjanesbær | Norðurál Helguvík
sf. hefur gert styrktar- og kynning-
arsamninga við fimm íþróttafélög í
Reykjanesbæ. Fyrirtækið styrkir
félögin samtals um 3 milljónir kr. á
árinu, samkvæmt þessum samning-
um sem skrifað var undir í gær.
Norðurál Helguvík sf. er dótt-
urfélag Norðuráls hf. og vinnur að
undirbúningi byggingar álvers í
Helguvík.
Samningarnir voru undirritaðir í
gær að viðstöddum fulltrúum
íþróttafélaganna, Árna Sigfússyni
bæjarstjóra og fleiri embættis-
mönnum bæjarins og stjórnendum
Norðuráls. Skúli Þ. Skúlason, fram-
kvæmdastjóri starfsmannasviðs
Norðuráls, lét þess getið við athöfn-
ina að Norðurál teldi mikilvægt að
vinna með samfélaginu á Suðurnesj-
um, eins og það hefði gert á Vest-
urlandi frá því starfsemin á Grund-
artanga hófst fyrir tíu árum.
Samningarnir eru við fimm deild-
ir í íþróttahreyfingunni í Reykja-
nesbæ, það er að segja knatt-
spyrnu- og körfuknattleiksdeildir
Keflavíkur og Njarðvíkur og fim-
leikadeild Keflavíkur. Að sögn
Skúla nema greiðslur samkvæmt
samningunum um þremur milljón-
um króna á árinu. Á móti fær Norð-
urál kynningu á merki sínu. Ragnar
Guðmundsson, forstjóri Norðuráls,
sagðist eftir undirritun samning-
anna sjá fyrir sér að stuðningur
þess við starfsemi félaganna myndi
vaxa samfara fyrirtækinu, eftir að
álver þess tekur til starfa á Suð-
urnesjum.
Nú stendur yfir undirbúningur að
byggingu álvers fyrirtækisins.
Fram kom hjá Skúla að 30-40
manna verkfræðiteymi sé við vinnu
og er búist við að það muni flytjast í
skrifstofur Norðuráls á Keflavíkur-
flugvelli á næstu mánuðum.
Norðurál styrkir
íþróttafélögin
Morgunblaðið/Helgi Bjarnason
Kynning Stjórnendur Norðuráls gerðu í gær styrktar- og kynningarsamn-
inga við fulltrúa fimm íþróttafélaga í Reykjanesbæ.
SUÐURNES
Eftir Helga Bjarnason
helgi@mbl.is
Reykjanesbær | „Hvort tveggja er
alltaf í vinnslu, á hægum loga,“ segir
Eiríkur Árni Sigtryggsson, tón-
skáld, tónlistarkennari og myndlist-
armaður, sem í gær fékk Súluna,
menningarverðlaun Reykjanesbæj-
ar, afhenta fyrir gott starf að menn-
ingarmálum í bæjarfélaginu. Þá
fengu Víkurfréttir Súluna fyrir að
hafa stutt vel við menningarlífið.
Jafnframt var gengið frá menning-
arsamningum og styrkjum.
Eiríkur Árni útskrifaðist sem tón-
listarkennari árið 1963 og hefur síð-
an kennt, nú í rúma tvo áratugi, við
Tónlistarskóla Reykjanesbæjar.
Hann hefur verið virkur í tónlistar-
lífinu, meðal annars sem kórstjóri og
tónskáld. Hann hefur samið að
minnsta kosti fimm sinfóníur auk
fjölda annarra tónverka. Eiríkur
lagði einnig stund á myndlistarnám
og kenndi myndlist og hefur haldið
fjölda sýninga.
Góð sambúð í fjörutíu ár
„Þetta hefur verið góð sambúð í
fjörutíu ár,“ segir Eiríkur þegar
hann er spurður hvernig gangi að
samræma myndlistina og tónlistina.
„Þetta er sami hluti að mörgu leyti,
svona sköpunarferill, er spurning
um form og liti annars vegar og form
og tóna hins vegar. Ég hugsa til
dæmis oft um liti þegar ég sem tón-
list. Tónblandan gæti alveg samsvar-
að litablöndu. Eyrað blandar eins og
augað,“ segir Eiríkur Árni.
Hann er alltaf með eitthvað í
gangi, á báðum sviðum, auk kennsl-
unnar sem er hans daglega vinna.
„Ég var að ljúka við konsert fyrir
enskt horn og blásarasveit um dag-
inn og strengjakvartett er á síðustu
töktunum. Svo gríp ég alltaf í mál-
verkið.“ Hann sýndi myndir í New
York á síðasta ári og í Las Vegas
fyrr á þessu ári. Nú er hann að und-
irbúa einkasýningu, nokkuð stóra, í
Clermont í Frakklandi á næsta ári.
„Það verður gaman að vera í Frakk-
landi á afmælinu,“ segir Eiríkur en
hann verður 65 ára næsta haust.
Víkurfréttir og Páll Ketilsson rit-
stjóri fengu Súluna fyrir að hafa í
áraraðir stutt við menningarlíf bæj-
arins með margs konar umfjöllun,
bæði í prentaðri útgáfu, á vefnum og
í kapalsjónvarpi. Einnig fyrir að
leggja einstaka verkefni sérstakt lið.
„Hugsa oft um liti
þegar ég sem tónlist“
Morgunblaðið/Helgi Bjarnason
Súlan Eiríkur Árni Sigtryggsson og Páll Ketilsson eru á milli Bjarkar Guð-
jónsdóttur, formanns menningarráðs, og Árna Sigfússonar bæjarstjóra.
Menningarverð-
laun Reykjanes-
bæjar afhent
Í HNOTSKURN
»Súlan er heiti á menning-arverðlaunum Reykjanes-
bæjar. Heitið vísar til fuglsins
í merki bæjarins.
»Árlega eru veittar tværviðurkenninar; til hóps eða
einstaklings sem unnið hefur
vel að menningarmálum og til
fyrirtækis sem stutt hefur við
menningarlífið.
Eftir Jóhönnu Maríu Vilhelmsdóttur
jmv@mbl.is
ÁTTA skáldkonur hafa nú gefið út sjöundu
ljóðabók sína og er hún til heiðurs Jónasi
Hallgrímssyni.
Ljóðin tengjast Jónasi á margvíslegan
hátt, með vísunum, myndmáli eða bragar-
háttum og Jón Reykdal myndlistarmaður
málaði kápumyndina sérstaklega fyrir bók-
ina.
Konurnar eru þátttakendur í félagsstarfi
eldri borgara í Gjábakka í Kópavogi og hafa
notið dyggrar leiðsagnar Þórðar Helgasonar,
dósents í íslensku við Kennaraháskóla Ís-
lands, síðastliðin sjö ár.
Reglulegir fundir
Hópurinn hefur komið saman einu sinni í
viku yfir vetrarmánuðina í þessi sjö ár og
alltaf gefið út ljóðabók í lok árs.
Á fundum ljóðahópsins eru ljóð kvennanna
krufin og gagnrýnd, en auk þess kemur
Þórður með ljóð úr nýjum ljóðabókum til að
ræða um, helst úr nýútkomnum bókum og yf-
irleitt íslenskum. Það má því segja að þær
fylgist vel með nýjustu straumum í íslenskri
ljóðagerð.
Fulltrúar kvennanna, Sigurbjörg Björg-
vinsdóttir, Sigurlaug Ólöf Guðmundsdóttir og
Ragna Guðvarðardóttir, segja að það hafi
verið stórt skref að byrja að yrkja óhefð-
bundið. Þær hafi verið fullar af fordómum
sem hafi svo smám saman horfið og nú sé
bara gaman að þessu. „Ég var mjög hefð-
bundin, en eftir að ég kynntist Þórði hef ég
smátt og smátt verið að losa takið á rími og
stuðlum og höfuðstöfum og fannst það nú í
upphafi ekki vera ljóð. Var nú eiginlega bara
að grínast við Þórð,“ segir Sigurlaug.
Þær eru þó sammála um að þær kunni allt-
af vel við rímið og stuðlana og erfitt sé að
sleppa því alveg. Af nýrri ljóðskáldum eru
þær hrifnastar af Ólínu Þorvarðardóttur og
Ara Jóhannessyni.
Karlarnir gefast upp á þeim
Þær ræða fjálglega um bragarhætti og
ljóðaform og eru greinilega vel að sér í fræð-
unum. Sigurbjörg segir að þær hafi verið að
reyna að fá Þórð til að byrja með annan hóp í
Gjábakka sem væri á byrjendastigi. Þær
finni svolítið fyrir því að öflug útgáfa og ár-
angur fæli nýja meðlimi frá, sem haldi að
þeir hafi ekki nægilega mikið fram að færa til
að vera með. Hópurinn hefur verið mjög
stöðugur og þó nokkrir hafi hætt og aðrir
komið í staðinn, þá er kjarninn sá sami.
Aðspurðar segja þær hópinn alls ekki vera
lokaðan og að nýir meðlimir séu alltaf vel-
komnir. Varðandi kynjahlutfallið segja þær
karla sérstaklega velkomna, þeir sem hafi
bæst í hópinn hafi þó fljótlega gefist upp.
„Ég held þeir hafi bara minnimáttarkennd
gagnvart konum,“ segir Ragna hlæjandi.
Aldurinn skiptir engu máli í starfinu og
ekki eru heldur nein aldurstakmörk.
Þórður segir fátt hafa verið jafn gefandi á
sínum kennsluferli og þetta samstarf og segir
þær allar vera stórskáld. „Ljóðskáld eru allt-
af ung,“ segir Þórður og segir þær ekki gefa
yngri nemendum hans í Kennaraháskólanum
neitt eftir.
Greinilegt er að það er góður andi í hópn-
um og gott samstarf milli kvennanna og
Þórðar. „Ertu nokkuð búinn að fá leið á okk-
ur?“ spyr Sigurlaug lymskulega og Þórður er
fljótur að svara að hann fái aldrei leið á þeim.
Útgáfa mikilvæg
Þórður hefur alltaf lagt mikla áherslu á að
gefið verði út rit í árslok. Það sé svo hvetj-
andi og mikils virði að sjá afraksturinn.
Framfarirnar séu líka greinilegar þegar nýj-
ar og eldri bækur eru bornar saman. Þær
eru sammála um að það hafi verið alveg sér-
stök tilfinning þegar fyrsta bókin kom út.
Hópurinn fjármagnar útgáfuna sjálfur þó
fengist hafi styrkir af og til og þau eru dug-
leg að dreifa bókunum sem víðast, þó mark-
miðið sé ekki að græða á þeim.
Hópurinn heldur útgáfuteiti í Gjábakka á
morgun kl. 17, þar sem höfundar lesa upp úr
nýju ljóðabókinni og eru áhugasamir hjart-
anlega velkomnir.
Skáldkonur í Kópavogi gefa út ljóðabók í tilefni 200 ára fæðingarafmælis Jónasar Hallgrímssonar
„Ljóðskáld
eru alltaf ung“
Morgunblaðið/Ómar
Ljóðavinir Þórður, Sigurbjörg, Sigurlaug og Ragna eru stolt af ljóðaútgáfunni.
Vonsvikinn varð
þrösturinn góði
er hann eftir langflug
í sunnanblæ
og vegaleysu hárri
náði landi
en fann þar enga mey
með rauðan skúf
sauðaliturinn allsráðandi
og kveðja í óskilum.
Inga Guðmundsdóttir
Skúfur