Morgunblaðið - 15.11.2007, Blaðsíða 47
■ Í kvöld kl. 19.30
Sígaunar og fögur fljóð
Píanókonsert eftir Haydn, fjórða sinfónía Schumanns og
nýtt verk eftir Tryggva M. Baldvinsson.
Stjórnandi: Kurt Kopecky
Einleikari: Edda Erlendsdóttir
■ Lau. 17. nóvember kl. 17
Kristallinn – kammertónleikaröð SÍ í
Þjóðmenningarhúsinu.
Felix Mendelssohn: Oktett fyrir strengi
■ Fim. 22. nóvember kl. 19.30
Pétur Gautur. Tónlist Griegs við stórvirki Ibsens. Petri
Sakari stjórnar, Guðrún Jóhanna Ólafsdóttir syngur og
Gunnar Eyjólfsson segir söguna og flytur valda kafla.
Miðasala
S. 545 2500
www.sinfonia.is
... en platan ku sú
síðasta úr ranni
þessara elskuðu – og hötuðu
– ránfugla… 52
»
reykjavíkreykjavík
Eftir Höskuld Ólafsson
hoskuldur@mbl.is
EGILL Helgason kallar hann/hana
rotþró íslenskra bloggheima og
sannarlega er bloggarinn Mengella
umdeildur. Nú á dögunum birtist á
síðunni (mengella.blogspot.is) listi
með sex nöfnum sem síðuskrifari
sagði að stæðu á bak við síðuna og
tilkynnti svo að nú væri mál að
linnti. Þessi færsla reynist nú hafa
verið eitt stórt „grín“ þótt þeim ein-
staklingum sem nefndir voru í færsl-
unni þyki grínið ekki sérstaklega
fyndið. Ein þeirra er Þórdís Björns-
dóttir skáld sem kom af fjöllum þeg-
ar hún var bendluð við síðuna. „Ég
hef ekki hugmynd af hverju ég er á
þessum ritstjórnarlista. Ég hef
aldrei lesið þessa síðu, er ekki einu
sinni með bloggsíðu sjálf og kann því
satt að segja mjög illa að vera bendl-
uð við bloggsíðu sem hefur verið
sögð full af rasisma.“
Þórdís segist þó ekki ætla að leita
réttar síns frekar öðruvísi en það
komi fram að hún hafi ekkert með
síðuna að gera.
Tiltæki Mengellu að herma upp á
annað fólk hefur orðið uppspretta
mikilla vangaveltna um nafnleysi í
bloggheimum. Almennt er nafnleysi
ekki talið mönnum til tekna og fjöl-
margir eigendur bloggsíðna hafna
athugasemdum frá þeim sem ekki
koma fram undir nafni.
Hitt er svo annað mál að mjög
mikið þarf til að stjórnendur
bloggvefjar gefi upp raunverulegt
nafn bloggara og sterk rök þurfa að
liggja að baki kröfu um slíkt, hvort
sem sú krafa kemur frá yfirvöldum
eða einstaklingum sem telja að sér
vegið eða á sér brotið.
Lélegt grín í bloggheimum
Morgunblaðið/Kristinn
Engin Mengella Þórdís Björnsdóttir þvertekur fyrir að koma að síðunni.
Tveir höfundar
af yngri kynslóð-
inni slá saman í
útgáfufagnað
annað kvöld á
Litla ljóta and-
arunganum við
Lækjargötuna.
Höfundarnir eru
þeir Valur Gunn-
arsson sem send-
ir frá sér bókina
Konungur norð-
ursins og
Eyvindur Karls-
son sem fagnar útkomu sinnar
fyrstu skáldsögu Ósagt. Fyrir utan
ritsnilldina eru þeir félagar báðir
liðtækir tónlistarmenn og því verð-
ur fléttað saman tónlist og upp-
lestri. Auk þess mun hljómsveitin
Malneirophrenia troða upp en
sveitin gaf út diskinn Una sinfonia
dell’amore e della morte. Þá mun
hljómsveitin Misery Loves Comp-
any leika nokkur lög og sem fyrr
mun andi Leonard Cohen, Jacques
Brel og Tom Waits svífa yfir vötn-
um.
Ungir höfundar fagna
sinni fyrstu skáldsögu
Hljómsveitin múm hélt víst
magnaða tónleika í kirkju heilags
Páls í New York fyrir helgi og sam-
kvæmt heimildum Morgunblaðsins
voru um 1.500 aðdáendur sveit-
arinnar mættir í þessa fallegu og
frægu kirkju sem stendur við Col-
umbus-breiðstræti á Manhattan-
eyju. Sveitin er nú víst komin aftur
til meginlands Evrópu þar sem í
hönd fer mikið ferðalag sem endar
um miðjan desembermánuð í Glas-
gow í Skotlandi.
Tónpredikun múm
Eftir Ásgeir H. Ingólfsson
asgeirhi@mbl.is
HVAÐ eiga Björn Jörundur Friðbjörnsson, Bubbi
Morthens, Magni Ásgeirsson, Árni Johnsen og
jólasveinninn sameiginlegt? Jú, þeir hafa allir
komið við sögu eineygða kattarins Kisa, en um
ævintýri hans hefur Hugleikur Dagsson nú gert
tvær teiknimyndasögur. Sú fyrri hét Eineygði
kötturinn Kisi og hnakkarnir og nú er nýútkomin
Eineygði kötturinn Kisi og leyndarmálið. Um-
ræddur köttur á sér fyrirmynd í raunverulegum
ketti, eineygða kettinum Dr. Jóni, en saga hans
er rakin í bókarauka fyrri bókarinnar. En smám
saman hafa sögurnar af Kisa og vinum hans
þróast út í nokkurs konar áramótaskaup Hug-
leiks, samanber persónugalleríið sem nefnt er
hér að ofan. „Ég held að ég hafi sagt það ein-
hvers staðar að þetta væri mín Spaugstofa. En ég
lagði ekki upp með það þegar ég byrjaði að gera
sögurnar,“ segir Hugleikur í símann frá Amst-
erdam þar sem hann er búsettur. Hann getur þó
lítið frætt mig um listalífið ytra. „Ég veit bara
ekkert hvað er að gerast í Amsterdam, ég er bara
innandyra að vinna alla daga. Ég þurfti að skipta
um umhverfi og fá vinnufrið, það hefur virkað
mjög vel,“ en þessa dagana er hann bæði að
leggja lokahönd á Kaupið okkur – þriðju bók sína
þetta árið (á eftir Ókei bæ! og áðurnefnda Kisa-
bók) – og leikritið Baðstofan.
Kaupið okkur er framhald af örsögunum sem
Hugleikur er vafalítið þekktastur fyrir, en sög-
urnar um Kisa eru kærkomin tilbreyting. „Ein
ástæðan fyrir að ég skrifaði Kisa í upphafi var að
geta flippað án nokkurrar ástæðu, að geta bullað.
Spýtukarlasögurnar í okkur-bókunum, þetta
þarf að vera einn rammi, þetta þarf að vera
spýtukallasaga og það þarf að koma skýrt fram
hvað gerist á myndinni og helst þarf alltaf að
vera hörð ádeila eða harður brandari innifalinn.
En Kisabækurnar skrifa ég án þess að ákveða
fyrirfram hvert leiðinni er heitið.“
Vantar samkeppni
Í lok nýju bókarinnar eru nokkurs konar próf-
íl-myndir af helstu persónum og athygli vekur að
Hugleikur teiknar þær myndir ekki sjálfur. „Ég
ætlaði að teikna þessar myndir sjálfur en svo
var ég bara ekki nógu sáttur við eigin portrett
þannig að ég skellti keppni á MySpace (mys-
pace.com/hugleikur) og fékk fjölmargar teikn-
ingar,“ segir teikniskáldið sem virðist nokkuð
einmana í teiknisögunum hér heima. „Mér
finnst vanta samkeppni. Þessir gömlu gisp-arar
láta í sér heyra af og til en annars er voðalega
lítið að gerast. Ég held að ég hafi viljað sýna að
ég kynni að teikna aðeins betur en sést í
spýtukallasögunum og um leið að kalla á
samkeppni, ef ég kem með tvær mismunandi
gerðir af myndasögum fara fleiri að sjá hvað er
hægt.“
Óumdeildur
Þá er einnig hart deilt um sjónvarpsefni í sög-
unum um Kisa. En hvar stendur Hugleikur í
þeirri deilu? „Ég er sko Gilmore Girls-maður.
Mér finnst þetta mjög góðir þættir og svo sagði
einn vinur minn: Já, þú fílar Gilmore Girls, þá
hlýturðu að fíla Everwood. Þá varð ég mjög
reiður að einhver skyldi líkja þeim saman.“ Sjálf-
ur kannast teikniskáldið hins vegar ekki við að
vera umdeildur. „Ég held að ég sé löngu hættur
að hneyksla fólk ef ég gerði það á annað borð. Ég
hef mest fengið jákvæð viðbrögð og öllum finnst
þetta ógeðslega fyndið og kalla þetta umdeilt en
það er þó ekki búið að deila um þetta ennþá.“
Spaugstofa Hugleiks
Hugleikur Dagsson gefur út aðra bók um eineygða köttinn Kisa
Ljósmynd/Tómas Lemarquis
Einbeittur Hugleikur er með bæði augun á eineygðum köttum og spítuköllum.