Morgunblaðið - 15.11.2007, Blaðsíða 21

MORGUNBLAÐIÐ FIMMTUDAGUR 15. NÓVEMBER 2007 21
AKUREYRI
Smáralind Sími 554 3960
Kringlan Sími 533 4533
Nýtt í Temp Majeur
lúxuslínunni
Teins Majeur er lúxusfarði frá Yves Saint
Laurent. Teint Majeur inniheldur m.a
sólvörn 18, ver húðina gegn áreiti,
og gefur henni mikinn raka.
Teint Majeur inniheldur einnig virk efni s.s.
Gandoderma Lucidum sem viðheldur æsku
húðarinnar og nostra við hana, við allar
aðstæður. Teint Majeur þekur einstaklega vel.
Hygea Smáralind
Jólalitir Yves Saint Laurent innihalda:
• 2 glæsilega nýja Rouge Pur Shine varaliti og naglalökk í stíl
• 4 glitrandi augnskugga, jólapalettu, kinnalit, og hjartamen
með einum varalit og einu glossi.
Dagana 15.,16.
og 17. nóvember
mun ráðgjafi frá
Yves Sant Laurent
kynna í Hygeu
Smáralind, nýja og
glæsilega jólaliti,
ásamt Teint Majeur
lúxusfarða.
M
b
l 9
35
96
5
Fimmtudagur 15. nóvember
Samvera eldri borgara kl. 15.00
Gestur samverunnar er Balvin Kr. Baldvinsson söngvari.
Undirleikari Valmar Valjaots.
Kaffiveitingar, helgistund og spjall að venju.
GLERÁRKIRKJA
ENN hefur verið ákveðið að breyta
fyrirhuguðu skipulagi á íþróttasvæði
Þórs í Glerárhverfi, en þar á að koma
upp aðstöðu til keppni í frjálsíþrótt-
um fyrir Landsmót UMFÍ 2009 og
keppnisvelli í knattspyrnu fyrir Þór.
Samningar þar að lútandi hafa þegar
verið undirritaðir en þegar til átti að
taka þótti skipulagið ekki henta.
Keppnisvellir vestast
Málið hefur verið til skoðunar
undanfarið hjá verkefnisliði sem
skipað er fulltrúum Þórs, Ung-
mennafélags Akureyrar, Íþrótta-
bandalags Akureyrar og Akureyrar-
bæjar. Í gær náðist samstaða um að
breyta uppröðun mannvirkja frá því
sem áður hafði verið ákveðið, skv.
upplýsingum Hermanns Jóns Tóm-
assonar, formanns bæjarráðs, en
hann er fulltrúi Fasteigna Akureyr-
arbæjar í verkefnisliðinu.
Gert var ráð fyrir því að frjáls-
íþróttavöllur yrði á austurhluta
svæðisins en knattspyrnuvöllur að
vestan og áhorfendastúka þar á milli.
Skv. ákvörðun fundarins í gær verð-
ur stúkan hins vegar vestast á svæð-
inu, síðan kemur frjálsíþróttavöllur
og innan hans keppnisvöllur í knatt-
spyrnu og austast verður æfinga-
svæði fyrir knattspyrnu.
Hermann Jón segir að með þessu
móti nýtist svæðið mun betur til
knattspyrnuæfinga, aðkoma áhorf-
enda batni og stúkan nýtist fyrir
áhorfendur á keppni beggja félaga.
„Það er ekki verið að tala um
stærri stúku en gert er ráð fyrir í nú-
verandi samningi, en áhersla verður
lögð á að byggja hana þannig að hún
nýtist sem best. Breytt uppröðun á
ekki að þýða aukinn kostnað þó ein-
hverjir fjármunir færist hugsanlega
á milli kostnaðarliða,“ segir hann.
Enn er skipu-
laginu breytt
Morgunblaðið/Skapti Hallgrímsson
Breyting Keppt verður á hægra
grassvæðinu og áhorfendastúka
verður í brekkunni lengst til hægri.
Eftir Skapta Hallgrímsson
skapti@mbl.is
ÞRÁTT fyrir að ljósleiðari Símans
frá Akureyri og austur á land liggi í
gegnum hús Stórutjarnaskóla í
Ljósavatnsskarði, hefur skólinn ekki
möguleika á að greiða fyrir ADSL-
tengingu þaðan, heldur þarf hann að
greiða kílómetragjald fyrir teng-
inguna frá Akureyri. Það kostar um
60 þúsund krónur á mánuði. Fram
kom í Morgunblaðinu í gær að bóndi
í Dæli, ekki langt frá Stórutjörnum,
gafst upp á biðinni eftir góðri net-
tengingu og er að leggja ljósleiðara
að bænum fyrir eigin reikning.
Sveitarfélagið Þingeyjarsveit
kaupir tveggja megabita tengingu
frá Akureyri, sem notuð er í Stóru-
tjarnaskóla, Litlulaugaskóla og á
skrifstofu sveitarfélagsins á Laug-
um. Bandbreiddin er margfalt minni
en nauðsyn krefur, að sögn kennara
sem hefur umsjón með tölvukerfi
skólanna.
Í húsnæði Stórutjarnaskóla er
stafræn símstöð af fullkomnustu
gerð í eigu Símans. Þar er ljósleið-
arinn og frá læstu herberginu, þar
sem þær græjur er að finna, eru 7
metrar að tölvustofu skólans. Það er
vegna samkeppnissjónarmiða, skv.
þeim upplýsingum sem forráðamenn
skólans fá, sem þeir verða að greiða
fyrir tenginguna alla leið frá Akur-
eyri.
„Við fengum þau svör hjá Síman-
um að Póst- og fjarskiptastofnun
hefði neitað fyrirtækinu um að leyfa
okkur að njóta þeirrar sérstöðu að
ljósleiðarinn liggur hér í gegnum
húsið. Síminn má ekki veita okkur
afslátt, vegna samkeppnissjónar-
miða,“ sagði Jónas Reynir Helgason,
kennari og umsjónarmaður tölvu-
mála, í samtali við Morgunblaðið í
gær. Hann segir það ekki tæknilega
stórt vandamál að auka bandbreidd-
ina verulega, en kostnaðurinn við
það færi upp úr öllu valdi miðað við
núgildandi fyrirkomulag. Talsmönn-
um skólans og sveitarfélagsins þykir
nóg um nú þegar.
Kílómetragjald tímaskekkja
„Við getum farið inn á algengar
vefsíður eins og mbl.is. Um daginn
reyndi ég að sýna börnunum
kennslumynd af vef Námsgagna-
stofnunar en það gekk ekki vegna
þess hve bandbreiddin er lítil. Mynd-
in hökti og stoppaði svo. Við hefðum
hugsanlega getað horft á myndina ef
netið hefði hvorki verið í notkun í
Litlulaugaskóla né á skrifstofu sveit-
arfélagsins, en það er ekki gott að
þurfa að treysta á það,“ sagði Jónas
Reynir í gær.
Ólafur Arngrímsson skólastjóri að
Stórutjörnum og Jónas Reynir eru
sammála um að hið svokallaða kíló-
metragjald sé algjör tímaskekkja.
„Ef við hugsum okkur nettenging-
arnar eins og þjóðvegakerfið þá
væru bara vegir á stöku stað á land-
inu ef það væri sambærilegt.
Ástandið er auðvitað algjörlega óvið-
unandi. Dreifbýlið verður undir í
baráttunni,“ segir Ólafur skólastjóri.
Hann bætir við: „Frjálsræði í við-
skiptum er vissulega ákveðinn afl-
vaki í samfélaginu en arðsemissjón-
armiðin gera upp á milli fólks.
Arðsemishyggjan er afrakstur borg-
arkjarna; hún gengur upp þar sem
fjölmenni er mikið en ekki í fámenni.
Þegar menn byggja upp samfélag
verður ekkert jafnræði ef arðsemis-
krafan verður ofaná.“
Ólafur og Jóns Reynir taka dæmi
sem þeim þykir mjög lýsandi fyrir
það óréttlæti sem þeim þykir við-
gangast. „Það, að við skulum þurfa
að borga svona mikið fyrir netteng-
ingarnar, er eins og við þyrftum að
greiða kílómetragjald þegar við fær-
um suður til að eiga erindi við ein-
hverja opinbera stofnun, en Reyk-
víkingar þyrftu ekki að greiða það
gjald vegna þess að þeir búa svo ná-
lægt stofnuninni.“
Borga 60 þúsund fyrir
2 megabita tengingu
Morgunblaðið/Skapti Hallgrímsson
Lok, lok og læs Jónas Reynir Helgason, kennari og tölvuumsjónarmaður í
Stórutjarnaskóla. Á bak við þessar dyr er símstöð og ljósleiðarinn.
Ljósleiðari við hlið
tölvustofu en greitt
er fyrir tuga km
gagnaflutning
Í HNOTSKURN
»Markmið núgildandi sam-gönguáætlunar var að allir
grunnskólar landsins yrðu í
fyrra komnir með 10-100
megabita tengingu og árin
2007-2008 yrðu allir með
10-1.000 megabita tengingu.
Bandbreiddin í Stórutjarna-
skóla er nú 2 megabitar.