Morgunblaðið - 22.11.2007, Page 17

MORGUNBLAÐIÐ FIMMTUDAGUR 22. NÓVEMBER 2007 17
Nýtt fjármagn til rannsókna
sprotafyrirtækja
Rannís
Rannsóknamiðstöð Íslands
Laugavegi 13, 101 Reykjavík
www.rannis.is
Boðað er til opins kynningarfundar um Eurostars, nýjan
möguleika á fjármögnun verkefna sprotafyrirtækja sem
stunda rannsóknir og þróun.
Fundurinn verður þriðjudaginn 27. nóvember kl. 8:30 - 10:00
í Húsi atvinnulífsins.
Fundurinn er ætlaður væntanlegum umsækjendum en umsóknarfrestur
er til 2. febrúar 2007.
Dagskrá
Davíð Lúðvíksson forstöðumaður hjá Samtökum iðnaðarins er fundarstjóri.
Snæbjörn Kristjánsson, landsfulltrúi í stjórn Eurostars fjallar um umsóknar- og
matsferlið.
Boðið verður upp á morgunverð á fundinum.
Tækniþróunarsjóður, sem heyrir undir iðnaðarráðherra,
mun koma að fjármögnun þeirra verkefna sem fá
brautargengi hjá Eurostars.
Í LISTASAFNI Reykja-
nesbæjar stendur yfir sýn-
ing á 18 olíumálverkum
eftir Björgu Örvar.
Björg hefur löngum
málað form sem vísa til líf-
færakerfisins, s.s. æða-
kerfis, taugakerfis, þvag-
kerfis o.s.frv. Margt sýnist
vera myndir af framþróun
á sviði líftækni sem teknar
eru á ólíku stigi úr ein-
hverri rannsóknarstofu
þar sem verið er að „til-
rauna“ með erfðabreytta varahluti í
líkamann. Rauðtónuð formin ýta þá
undir tilfinningu fyrir ferskum lif-
andi líffærum, en kaldhvítur grunn-
urinn, sleikt pensilskrift og glansandi
yfirborð gefa þeim „sótthreinsað“
vísindalegt yfirbragð.
Í hverri mynd er heill og spenn-
andi myndheimur þar sem form
dragast að hvert að öðru líkt og
frumur sem tengja sig saman til að
forma líffæri. Að þessu leytinu er
hver mynd eins og augnablik í sköp-
unarsögu.
Á sama tíma er þetta líka aðferð til
að byggja upp myndflötinn óræðan.
Einhver sjálfsprottin Flúx-náttúru-
geometría sem grundvallast af form-
um og línum sem halda saman mynd-
fleti í stað líkama og gegnir engu
hlutverki í þessu samhengi nema út
frá fagurfræðilegu sjónarmiði. Fann
ég enga löngun til að reyna að skilja
verkin rökrænt enda er rannsókn-
arferli listakonunnar, allavega á
striganum sjálfum, tilfinningalegs
eðlis.
Það býr heilmikið í þessum mál-
verkum Bjargar, en hvað sýninguna
varðar skilar þessi líflegi mynd-
heimur sér ekki sér út í sýning-
arrýmið. Hann er lokaður innan
hvers myndramma fyrir sig. Rýmið
er frekt og þetta takmörkuð lita-,
form- og myndbygging ræður illa við
ytra áreitið. Og eftir því sem maður
fjarlægist hverja mynd þá deyr hún
út og nær ekki að tengjast öðrum
myndum, hvað þá að draga þær sam-
an í rýminu. Máski svipað og þegar
maður horfir á einhvern öreindaheim
í smásjá og dregur sig síðan til baka.
Vísindalegt yfirbragð Björg Örvar sækir í líf-
færakerfi sem hún svo mátar við fagurfræði.
Augnablik í
sköpunarsögu
Myndlist
Listasafn
Reykjanesbæjar
Opið alla daga frá kl.13-
17:30. Sýningu lýkur 2. des-
ember. Aðgangur ókeypis.
Björg Örvar
Jón B.K. Ransu
SIGTRYGGUR Bjarni Baldvinsson
heldur áfram ótrauður í leit að sann-
leikanum um vatnið – leit að því
hvernig birta speglar vatnsyfirborð,
hvernig vindurinn gárar og straum-
urinn mótar, í anda Leonardos da
Vinci sem skoðaði og skrifaði ítarlega
á þúsundum handritasíðna um fyr-
irbæri náttúrunnar, ljós, skugga og
birtu og hvernig best væri að mála
fyrirbærin, en skrif hans eru
heillandi smáatriðalýsingar á t.d.
vatnsyfirborði, straumföllum eða
birtubrigðum laufblaða.
Í sýningarskrá vottar Sigtryggur
öðrum listamönnum sem fengist hafa
við myndefnið virðingu sína, eins og
Þorvaldi Skúlasyni og Roni Horn.
Einnig má nefna listakonuna Viju
Celmin sem gert hefur raunsæjar
grafíkmyndir af yfirborði sjávar, ef-
laust fleiri ef út í það er farið, en Sig-
tryggur er þó ekki eingöngu raunsær
í verkum sínum. Sum þeirra byggjast
meira á mynstri og hér ganga þau
verk mjög vel upp, þegar ljósmynda-
raunsæið víkur skapast rúm fyrir
vangaveltur um flæðandi og svífandi
eiginleika vatnsins, sem hugsanlega
komast betur til skila en í ströngu
raunsæi. Í sumum verka sinna brýt-
ur Sigtryggur myndflötinn upp með
láréttum eða lóðréttum línum sem
undirstrika abstrakt eiginleika verk-
anna. Þannig má á sýningunni greina
mismunandi þræði í leit listamanns-
ins og gefur það verkum hans aukna
breidd og leggur áherslu á togstreit-
una milli raunsæis, abstraktlistar og
hreinnar rómantíkur, en að mínu
mati má greina í nálgun listamanns-
ins ákveðna lotningu gagnvart við-
fangsefninu, sem minnir á viðhorf
nítjándu aldar mannsins gagnvart
náttúrunni sem birtingarmynd al-
mættisins. Sigtryggur Bjarni sýnir
hér að hann er í góðum gír í rann-
sóknum sínum og málverk hans fara
vaxandi.
Öldurót Hver er sannleikurinn að baki öllu þessu vatni?
Birtan og vatnið
MYNDLIST
Gallery Turpentine
Til 24. nóvember. Opið þri. til fös. 12-18,
lau. 12-17. Aðgangur ókeypis.
Málverk – Sigtryggur Bjarni Baldvinsson
Ragna Sigurðardóttir
LÍFSGLEÐI og vinnuandi ein-
kenna myndir myndlistarmannsins
og leikmyndahöfundarins Sigurjóns
Jóhannssonar sem sýnir vatns-
litamyndir í Gallerí Fold. Rætur
Sigurjóns í myndlistinni liggja í sjö-
unda áratugnum og sýningum og
starfi með SÚM-hópnum, en Sig-
urjón á sér líka farsælan feril í leik-
myndahönnun þó hann hafi ekki
lagt myndlistina á hilluna.
Myndir hans í Gallerí Fold byggj-
ast á minningum frá síldarárum á
Siglufirði, þar sem listamaðurinn er
fæddur. Það má sjá tengsl við leik-
myndir í þessum hópmyndum þar
sem fólk kemur saman á rytmískan
hátt í litum og formum og andlits-
drættir einstaklingsins víkja fyrir
heildarsvip hópsins. Léttleiki í lit er
ríkjandi í myndunum, vinnugleði og
orka. Hús í bakgrunni snúa á alla
kanta, eins og til að undirstrika
leikgleði í verkunum. Í þremur
myndum birtist sama parið, í faðm-
lögum eða glímu, endurtekning sem
kemur á óvart þar sem um málverk
en ekki þrykk er að ræða, og ruglar
áhorfandann kankvíslega í ríminu.
Það er þéttskipað á veggjum gall-
erísins og fjöldi mynda og einsleitni
viðfangsefnis verður til þess að þær
renna nokkuð saman í eitt. Átök eða
nýjabrum eru ekki markmið mál-
arans en stemning og lífsgleði á
myndfletinum ásamt krafti í hrynj-
andi forma bæta það að nokkru
leyti upp og skila sér til áhorfand-
ans.
Morgunblaðið/Sverrir
Síldarár Myndir Sigurjóns í Gallerí Fold byggja á minningum frá síld-
arárum á Siglufirði, þar sem listamaðurinn er fæddur.
Persónur liðins tíma
MYNDLIST
Gallerí Fold
Til 25. nóv. Opið mán.-fös. 10-18, lau. 11-
14 og sun. 14-16. Aðgangur ókeypis.
Vatnslitir – Sigurjón Jóhannsson
Ragna Sigurðardóttir
VATNSLITAMYNDIR og skúlptúrar eru uppistaða sýn-
ingar Margrétar H. Blöndal í Hafnarhúsi, en hún sýnir
þar í tveimur sölum. Í báðum sölum er um innsetningar að
ræða, vatnslitamyndirnar raðast á veggina eins og frásögn
án upphafs og endis og skúlptúrar í B-sal leitast sömuleið-
is við að skapa eina heild.
Vinnuaðferð listakonunnar er sú að fá rýmið í lið með
sér, virkja það og birta eiginleika þess í samvinnu við lista-
verkin, en Margrét hefur getið sér gott orð fyrir áræðnar,
persónulegar og ljóðrænar innsetningar sem má líkja við
málverk í rými.
Í skúlptúrhluta sýningarinnar í Hafnarhúsi reynist sal-
urinn Margréti þó ósamvinnufús, verkin eru rýr og ná
ekki að tengjast á lifandi hátt, þrátt fyrir tilraunir til að
tengja þau innbyrðis. Listakonan byggir einatt á tilfinn-
ingu og innsæi og vísun í sammannlega reynslu er grund-
vallarþáttur í list hennar eins og sjá má í vatnslitamynd-
unum. Í skúlptúrverkunum má finna vísanir í líkamlega
nánd en engu að síður síast innsetningin milli skilning-
arvitanna eins og sandur milli fingra og tómleikatilfinn-
ingin nær yfirráðum yfir heildarmyndinni sem skortir þá
sjónrænu og tilfinningalegu spennu sem einkennir verk
Margrétar þegar best lætur.
Slíka spennu má finna í vatnslitamyndum listakonunnar
sem unnar eru með vatnslitum og ólífuolíu, myndefnið er
ljóðrænt og opið sjónarhorn á hversdagslega hluti, lita-
samsetningar og efniskennd. Myndirnar segja sögu auga
sem hvarflar, nemur staðar á vissum stað og heldur síðan
áfram að næsta punkti. Sumar þeirra minna á myndir í
framköllun eins og hún var fyrir tíma stafrænnar tækni,
þegar myndbrot birtust hægt á myndfletinum, fljótandi í
framköllunarvökvanum. Margrét hugar vel að upphengi
myndanna og skapar með þeim lífræna innsetningu sem
skoða má aftur og aftur eins og ljóðabók.
Slitrótt lína
MYNDLIST
Listasafn Reykjavíkur, Hafnarhús
Til 31. desember. Opið alla daga frá kl. 10-17.
Þreifað á himnunni, Margrét H. Blöndal
Ragna Sigurðardóttir
Hengt upp á streng Í skúlptúrverkum Margrétar H.
Blöndal má finna vísanir í líkamlega nánd.