Morgunblaðið - 22.11.2007, Page 21

MORGUNBLAÐIÐ FIMMTUDAGUR 22. NÓVEMBER 2007 21
sumars þegar leysingarvatn rennur
til fljótsins og eins á haustin í rign-
ingum. Árstíðabundnar sveiflur á
rennsli fljótsins munu minnka og
sömuleiðis sveiflur af völdum veð-
urs. Vegna rennslisaukningar stytt-
ist viðstöðutími vatnsins í Leginum
um helming, eða úr einu ári í um
hálft ár, en samanlögð viðstaða í
Hálslóni og Leginum verður um það
bil eitt ár,“ segir í bók Helga.
Hann segir Jöklu almennt hafa
verið talda aurugustu jökulsá lands-
ins og talið að hún hafi flutt fram
um 10 milljónir tonna af aur á ári.
Líklegt sé að meginhluti aurburð-
arsins setjist til í Hálslóni, en um
6% berist gegnum virkjunina og í
Lagarfljót, eða um sexhundruð þús-
und tonn á ári. Muni aur í Lag-
arfljóti því fjór- til fimmfaldast.
Skyggni í fljótinu hefur verið 120 til
130 cm við Lagarfljótsbrú en verður
nú 50 til 60 cm.
Ísar óstöðugri og vakir fleiri
Talið er að kólnun í fljótinu vegna
jökulvatnsins verði mest yfir sum-
armánuði og fram eftir hausti, að
meðaltali 0,5 gráður. Á vetrum verði
kólnun nánast engin. Kólnun og
aukinn aur hafa neikvæð áhrif á líf-
ríki með fækkun tegunda og minnk-
andi fjölda einstaklinga af öðrum
tegundum, þó svo að tíminn verði að
leiða slíkt í ljós. Aukið rennsli hefur
áhrif á ísalög, þannig að fljótið legg-
ur seinna en áður, ísar verða óstöð-
ugri og vakir fleiri og stærri. Um
einhverja vatnsborðshækkun verður
að ræða, þó misjafnlega eftir svæð-
um við Lagarfljót og var klapp-
arhaft ofan við Lagarfossvirkjun
sprengt burt til að rýmka farveginn.
Á að sjá til hvort frekari aðgerða í
farvegsrýmkun og staðbundinna
varnargarða er þörf. Breytingar á
grunnvatni við Lagarfljót, einkum
innst og yst, við láglend votlend-
issvæði gætu orðið nokkrar, jafnvel
í formi skemmda á túnum í Fljóts-
dal.
Í bók Helga segir einnig að víst
megi telja að Lagarfljót hætti að
renna í núverandi Jökulsárós og
grafi sér nýjan farveg beint til sjáv-
ar, eins og það hafði áður fyrr, en
bergvatnsáin Jökla muni aftur á
móti leita þangað. Ósinn gæti þá aft-
ur orðið skipgengur.
Í HNOTSKURN
»Jökulsá á Dal er byrjuð aðrenna í farveg Lagarfljóts
og mun þess fljótlega sjá stað
með því að fljótið breyti um lit
og verði grábrúnna og
dekkra.
»Líklegt er talið að aur-burður í fljótinu fjór- til
fimmfaldist og það, ásamt 0,5
gráðu meðaltalskólnun vatns-
ins muni hafa áhrif á lífríki í
og við fljótið og t.d. á ísalög.
Egilsstaðir | Eignarnám verður gert
í landi Egilsstaða II skammt frá
þéttbýlinu á Egilsstöðum.
Bæjarstjórn Fljótsdalshéraðs
samþykkti á fundi sínum í gær að
þessi leið yrði farin eftir að viðræður
milli eigenda og sveitarfélagsins
sigldu í strand vegna ólíkra hug-
mynda um verð á landskikanum.
Bæjarráð hafði áður samþykkt að
svo yrði staðið að málum.
Yfirstjórn Fljótsdalshéraðs vill,
vegna nýs miðbæjarskipulags á Eg-
ilsstöðum, flytja núverandi tjald-
svæði úr miðbæ og yfir þjóðveg 1 að
Egilsstaðakolli. Reisa á verslunar-
og þjónustubyggingar þar sem nú-
verandi tjaldsvæði hefur verið til
margra ára.
Einnig horft til nýrrar
hafnaraðstöðu á Lagarfljóti
Auk uppbyggingar nýs tjaldsvæð-
is er sömuleiðis horft til hafnarað-
stöðu við Lagarfljót, en hún er nú úti
við Lagarfljótsbrú og þykir óhentug
að flestu leyti, auk þess að vera fyrir
þegar kemur að framkvæmdum
vegna nýrrar Lagarfljótsbrúar inn-
an ekki langs tíma.
Talið hefur verið mikilvægt að
tjaldsvæðið verði í göngufæri við
miðkjarna Egilsstaða til að aðgengi
ferðafólks að þjónustu og verslun sé
sem best og þessi staðsetning því
álitin heppileg.
Málið fer nú fyrir Skipulagsstofn-
un til umsagnar, en umhverfisráð-
herra þarf að samþykkja eignarnám-
ið. Dómkvaddir matsmenn munu svo
væntanlega ákvarða bætur til land-
eigenda vegna eignaupptökunnar.
Sætti þeir sig ekki við niðurstöðuna
verður málinu skotið til matsnefndar
eignarnámsbóta til úrskurðar.
Eignarnám gert í landi Egilsstaða
II vegna tilflutnings á tjaldsvæði
Reykjanesbær | Sigríður Jóna Jó-
hannesdóttir, bæjarfulltrúi Sjálf-
stæðisflokksins, var kosin aðal-
fulltrúi í bæjarráð á fundi
bæjarstjórnar síðastliðinn miðviku-
dag. Björk Guðjónsdóttir hættir í
bæjarráði en hún tók sæti á Alþingi
í vor. Hún er áfram forseti bæj-
arstjórnar.
Á sama fundi var Garðar K. Vil-
hjálmsson kosinn varmaður í bæj-
arráð fyrir sjálfstæðismenn.
Böðvar Jónsson er formaður bæj-
arráðs og með þeim Sigríði Jónu er
Steinþór Jónsson fulltrúi Sjálfstæð-
isflokksins. Fulltrúar A-listans í
bæjarráði Reykjanesbæjar eru þeir
Guðbrandur Einarsson og Eysteinn
Jónsson.
Nýr fulltrúi
í bæjarráði
Vogar | Sveitarfélagið Vogar og
Fornleifastofnun Íslands hafa und-
irritað samstarfssamning til sjö ára
um vettvangsskráningu fornleifa í
sveitarfélaginu. Sveitarfélagið er
mjög ríkt af minjum, að því er fram
kemur á vef Voga, en skráðar hafa
verið um 1.300 minjar.
Samningurinn kveður á um að
Fornleifastofnun Íslands mun skrá
allar þekktar minjar á vettvangi og
skila staðsetningarhnitum. Jafn-
framt mun Fornleifastofnun skila
skýrslum með fornleifaskrá, grein-
ingu á minjaflokkum, ástandi minja
og ábendingum um áhugaverða
minjastaði.
Bæjarstjórn bindur miklar vonir
við samstarfið, en stefnt er að því
að nýta upplýsingarnar til að gera
minjar aðgengilegri í sveitarfé-
laginu og styðja þannig við ferða-
þjónustu á svæðinu.
Skrá allar
fornminjar
D i g i t a l S o u n d P r o j e c t o r
Yamaha heimabíó fæst hjá söluaðilum um land allt. Ármúli 26 / Sími 522 3000 / www.hataekni.is
P
IP
A
R
•
S
ÍA

•
7
2
3
2
0
Með einum Yamaha YSP heimabíóhátalara færðu hljóðið úr öllum
áttum, fyrir framan þig, aftan - frá öllum hliðum. Aðeins einn
hátalari, engir bakhátalarar eða snúrur um allt gólf.
Yamaha er leiðandi í heimabíóum og með tækni, sem er upprunnin
frá Yamaha (Digital Sound Projector), er hljóðbylgjunum beint
á nákvæman hátt í ólíkar áttir úr einum hátalara.
YSP heimabíó frá Yamaha er til í mismunandi stærðum, þú velur
þá sem hentar þér best. Komdu í Hátækni og fáðu svarið við því
hvaðan hljóðið kemur með Yamaha YSP.
Hvaðan kemur hljóðið?
YSP-1100YSP-900
Komdu og heyrðu í YSP-línunni frá Yamaha
YSP-4000YSP-3000