Morgunblaðið - 03.12.2007, Side 1

„KJARNI málsins er að framtíðar-
tónlistin er afnám verðtryggingar
og stöðugt efnahagslíf þar sem
verðbólgan er við eða undir viðmið-
unum Seðlabankans,“ segir Björg-
vin G. Sigurðsson viðskiptaráð-
herra. Þar með tekur hann undir
orð Hreiðars Más Sigurðssonar,
forstjóra Kaupþings, sem fram
komu í viðtali við hann í Morgun-
blaðinu síðastliðinn laugardag, um
að rétt sé að í framtíðinni skuli
stefna að afnámi verðtryggingar.
Hann segir að engin einföld leið
sé til að ná því
markmiði. Al-
gjört jafnvægi í
íslensku hag-
stjórninni eða
upptaka evru
þurfi að koma
til. Eins og stað-
an sé núna sé
veruleikinn ís-
lenska krónan
og þó að hans
skoðun sé sú að Íslendingar eigi að
hefja samningaviðræður og sækja
um aðild að Evrópusambandinu sé
það ekki á stefnuskrá ríkisstjórn-
arinnar. „Á meðan málum er þannig
háttað verðum við að gera okkar
besta innan þess veruleika sem við
lifum í, sem er íslenska krónan.“
Björgvin telur inngöngu í ESB ein-
földustu leiðina til að afnema verð-
trygginguna. Einhliða upptaka
evru sé ekki raunhæfur möguleiki.
Hann bendir á að almenningur
taki lán í erlendri mynt í æ ríkari
mæli, ástæðan sé að erlend lán eru
óverðtryggð og á lágum vöxtum. | 2
Einfaldast að afnema verðtryggingu með inngöngu í ESB
„Framtíðartónlistin er
afnám verðtryggingar“
Björgvin G.
Sigurðsson
Leikhúsin í landinu
Örfá sæti laus
>> 33
STOFNAÐ 1913 330. TBL. 95. ÁRG. MÁNUDAGUR 3. DESEMBER 2007 LANDSPRENT EHF. mbl.is
ÓLYMPÍUDRAUMUR
RAGNA INGÓLFSDÓTTIR HEFUR FARIÐ
ÓTROÐNAR SLÓÐIR TIL AFREKA >> ÍÞRÓTTIR
FRÉTTASKÝRING
Eftir Steinunni Ásmundsdóttur
steinunn@mbl.is
NÚ ÞEGAR Kárahnjúkavirkjun og álver
Alcoa Fjarðaáls á Reyðarfirði hafa verið
gangsett verða ýmsar breytingar í sveitar-
félögunum sem hýsa virkjunina og álverið.
Yfir 1.800 starfsmenn voru við byggingu
virkjunarinnar þegar mest lét, en nú vinna
þar 520 menn, þar af hátt í 70 Íslendingar.
Gert er ráð fyrir að fasteignagjöld
Fljótsdalshrepps af stöðvarhúsi virkjunar-
innar og öðrum mannvirkjun muni nema 30
til 40 milljónum árlega frá næsta ári.
Útsvarstekjur hreppsins í fyrra voru um
200 milljónir króna, verða í ár nokkru
minni og um 120 milljónir næsta ár. Ljóst
er að hreppurinn hefur nú fjárhagslegt
svigrúm til ýmissa framkvæmda og m.a. er
verið að kanna notkun á kælivatni af vélum
stöðvarhússins í hitaveitu fyrir íbúa og til
iðnaðaruppbyggingar í Fljótsdal.
Útsvarstekjur á Fljótsdalshéraði verða í
ár um 1,5 milljarðar króna og gert er ráð
fyrir 1,2 milljörðum á næsta ári. Þar, eins
og í Fljótsdalshreppi, er meginástæða
lækkunar fækkun íbúa í vinnubúðum, en á
Héraði eru það vinnubúðirnar við Kára-
hnjúka sem skipta sveitarfélagið máli.
Álverið atvinnulegt akkeri
Nú eru 400 manns á vegum Bechtel á
Reyðarfirði vegna lokahnykks við álverið.
Þeir fara fyrir jól. Starfsmenn álversins
eru 370 talsins og fjölmargir verktakar
vinna fyrir Alcoa Fjarðaál. Skotið hefur
verið á að 800 störf alls verði til á Austur-
landi vegna álversins. Útsvarstekjur
Fjarðabyggðar í ár voru rúmlega 2,5 millj-
arðar króna, en fara undir 2 milljarða á
næsta ári gangi fjárhagsáætlun eftir. Ár-
legar skatttekjur sveitarfélagsins af ál-
verinu munu nema á annað hundrað millj-
ónum króna. Bæjarstjóri Fjarðabyggðar,
Helga Jónsdóttir, segir álverið akkeri sem
veiti stöðugleika í atvinnulífinu og mögu-
leika á áframhaldandi vexti í íbúafjölda, at-
vinnuuppbyggingu og lífsgæðum fólks í
sveitarfélaginu.
Eftir
álver og
virkjun
Auknar tekjur
og íbúafjölgun
Morgunblaðið/Steinunn Ásmundsdóttir
Virkjun Gangsetning Kárahnjúkavirkj-
unar í Fljótsdalsstöð markaði tímamót.
Eftir Silju Björk Huldudóttur
silja@mbl.is
„ÍBÚAR hér í bænum eru slegnir
yfir þessum atburði og sýna sam-
hug sinn í verki,“ segir séra Sigfús
Baldvin Ingvason, prestur í Kefla-
víkurkirkju. Margir lögðu leið sína
að slysstað við Vesturgötu í
Reykjanesbæ með útikerti og
blóm til minningar um litla dreng-
inn sem lést eftir að keyrt var á
hann þar sl. föstudag. Kyrrðar- og
bænastund var haldin í Keflavík-
urkirkju sl. laugardag og önnur
bænastund verður í kirkjunni í
dag kl. 18.
Karlmaður á fertugsaldri var í
Héraðsdómi Reykjaness síðdegis í
gær úrskurðaður í gæsluvarðhald
til fimmtudags á grundvelli rann-
sóknarhagsmuna. Maðurinn var
handtekinn í Reykjanesbæ síðdeg-
is á laugardag, en hann er grun-
aður um að vera valdur að bana-
slysinu. Ekið var á drenginn á
mótum Vesturgötu og Birkiteigs
og flúði ökumaður af vettvangi.
Drengurinn lést á gjörgæsludeild
Landspítalans á laugardag.
Lögreglan á Suðurnesjum lýsti í
kjölfar slyssins eftir bláum skutbíl
sem sást yfirgefa vettvanginn og
barst að sögn Gunnars Schram,
yfirlögregluþjóns lögreglunnar á
Suðurnesjum, fjöldi ábendinga
sem enn er verið að vinna úr. Að
sögn Gunnars hóf lögreglan á
grundvelli ábendinganna skipu-
legt eftirlit með bílum í bænum
sem passað gætu við lýsingar á
árekstrarbílnum. Segir hann bíl-
inn hafa verið stöðvaðan í akstri
um bæinn síðdegis á laugardag og
manninn sem handtekinn var hafa
verið undir stýri. Aðspurður segist
Gunnar ekki geta tjáð sig um það
hvort grunur leiki á að maðurinn
hafi verið ölvaður þegar slysið
varð, en staðfestir að tekin hafi
verið bæði blóð- og þvagsýni úr
manninum við handtöku. Að sögn
Gunnars var maðurinn yfirheyrð-
ur á laugardag, en hann hefur
ekki játað að vera sá sem ók á
drenginn. Aðspurður segir Gunn-
ar skemmdir sjáanlegar á bílnum
og gætu ummerkin passað við
ákeyrsluna. Lögreglan á Suður-
nesjum óskaði eftir aðstoð frá
tæknideild lögreglunnar á höfuð-
borgarsvæðinu við að rannsaka
bílinn og stendur sú rannsókn enn
yfir.
Víkurfréttir/Ellert Grétarsson
Samúð Margir lögðu leið sína að slysstað við Vesturgötu í Reykja-
nesbæ með útikerti og blóm til minningar um litla drenginn.
Bæjarbúar eru harmi
slegnir yfir banaslysi
 Fjögurra ára drengur sem varð fyrir bíl á föstudag lést á Landspítalanum
 Karlmaður á fertugsaldri úrskurðaður í gæsluvarðhald til fimmtudags
DRENGURINN
sem ekið var á við
Vesturgötu í
Reykjanesbæ sl.
föstudag lést tæp-
um sólarhring
síðar á gjörgæslu-
deild Landspít-
alans í Fossvogi. Hann hét Kristinn
Veigar Sigurðsson og var til heim-
ilis að Birkiteig 17 í Keflavík.
Kristinn Veigar var fjögurra ára,
fæddur 30. september 2003.
TALSMAÐUR George W. Bush
Bandaríkjaforseta hvatti í gær-
kvöldi rússnesk yfirvöld til að
rannsaka ásakanir um að stuðn-
ingsmenn Vladímírs Pútíns Rúss-
landsforseta hefðu beitt svikum til
að tryggja flokki hans, Sameinuðu
Rússlandi, stórsigur í þingkosn-
ingum um helgina.
Kommúnistaflokkurinn, eini
stjórnarandstöðuflokkurinn sem
fékk þingsæti, kvaðst ætla að
krefjast þess að hæstiréttur Rúss-
lands ógilti kosningarnar.
Samkvæmt síðustu tölum í gær-
kvöldi fékk Sameinað Rússland
rúm 63% atkvæðanna og 306 sæti
af 450 í Dúmunni, neðri deild
þingsins. Kommúnistar fengu rúm
11% og 57 þingsæti. | 13
Rannsaki
meint svik
 „Við viljum ekki sjá annað
svona slys í götunni okkar“ | 6
Kristinn Veigar
Sigurðsson