Morgunblaðið - 03.12.2007, Síða 39

Morgunblaðið/Kristinn Ingvarsson
Meira! Gagnrýnandi vill fá að heyra meira í Ragnheiði og dáist að því
hversu vel Haukur bróðir hennar náði „hinum lesteríska anda á köflum“.
FÉLAGI minn góður segir þegar
sýður í sveiflupottinum: „Þetta er
eintóm gleði!“ Það á vel við þá
skemmtun er Gröndalssystkinin,
Haukur, altisti og klarínettuleikari
– tenóristi þetta kvöld – og Ragn-
heiður söngkona, buðu gestum
Múlans upp á, er þau leituðu fanga
í efnisskrá Billie Holliday. Þau
voru studd af fínni hrynsveit sem
skartaði Ásgeiri Ásgeirssyni á gít-
ar, Þorgrími Jónssyni á bassa og
Eric Qvick á trommur.
Efnisskráin var römmuð inn í
söngdans Arlens „Get Happy“ og
þar var Haukur á Zoot Sims skón-
um. Aftur á móti var Lester Yo-
ung á dagskrá hans þetta kvöld.
Það fer enginn í föt Lesters, en
aðdáunarvert var hversu Haukur
náði hinum lesteríska anda á köfl-
um; ekki síst í sólóinu í „Easy Li-
ving“. Á frumútgáfunni með Billie
er Buster Bailey þar á klarínett og
Benny Goodman lék oft með henni
eins og í „What A Little Moonlight
Can Do“ sem Ragga söng sérdeilis
glæsilega – og þá kemur spurn-
ingin: Ætlar helsti djassklarínettu-
leikari okkar, síðan Finnur Eydal,
ekki að blása djass á klarínettið á
næstunni?
Hrynsveit kvöldsins var eilítið
vélræn á köflum enda Basie-
sveiflan ekki innborin ungum
mönnum. Gítarsólóar Ásgeirs Ás-
geirssonar voru sérdeilis klið-
mjúkir og fallegir, en áttu rætur í
boppi. Haukur er eini djassleikari
íslenskur, sinnar kynslóðar, sem
nær að tengjast svingtímanum á
sannfærandi hátt.
Ragga Gröndal hefur sungið
geysivel undanfarið, en mér hefur
alltaf þótt vanta dálítið upp á að
hún væri alvörudjassöngkona;
bæði voru rýþmískum tengingum
hennar og laglínufloti ábótavant.
Nú var allt annað upp á ten-
ingnum. Hún reyndi að sjálfsögðu
ekki að líkja eftir Billie á einn eða
annað hátt – nema að vera hún
sjálf – og túlkun hennar á „Lover
Man“ og „Mean To Me“ voru frek-
ar í ætt við Söruh Vaughan. En
það sem skipti máli var að nú hef-
ur Ragga náð valdi á djasssöngs-
tækninni og tilfinningar hennar fá
þar frjálsa útrás. Mættum við fá
meira að heyra.
Ragga höndlar sveifluna
TÓNLIST
Múlinn á DOMO
Ragnheiður og Haukur Gröndal.
Miðvikudagur 28.11. 2007
 Vernharður Linnet
MORGUNBLAÐIÐ MÁNUDAGUR 3. DESEMBER 2007 39
ATTRACTIVE RYKKÚSTUR
Afflurrkunarkústur sem afraf-
magnar. Langir flræ›ir sem ná í
afskekktustu afkima og skilja
ekkert eftir! Ótrúlega sni›ugt!
fiú flarft enga fötu, fyllir bara brúsann me›
vatni og hreinsiefni. Ótrúlega einfalt!
MOPPUSETT FLASH M/SPREYBRÚSA
Ármúla 23 • Reykjavík
Sími: 510 0000
Mi›ási 7 • Egilsstö›um
Sími: 470 0000
Brekkustíg 39 • Njar›vík
Sími: 420 0000
Grundargötu 61 • Grundarfir›i
Sími: 430 0000
- hrein fagmennska!
20% afsláttur
fiRIFIN VERÐA
LEIKUR EINN
ULTRAMAX MOPPUSETT
Blaut- og flurrmoppur fyrir allar
ger›ir gólfa. Fatan vindur fyrir
flig. Hrein snilld!
Slökkvilið
Höfuðborgarsvæðisins
Forðist að koma
kerti fyrir nálægt
opnum glugga þar
sem vindur getur
sveiflað gluggatjöld-
um í kertalogann
Munið að
slökkva á
kertunum
i
ÍSLENSKA menningarhátíðin
Reykjavík to Rotterdam, sem hald-
in var í Rotterdam, þótti heppnast
afbragðsvel. Henni lauk 24. nóv-
ember sl. og var uppselt á alla við-
burði, þó svo aukasýningum eða
tónleikum hafi verið komið á.
Langar biðraðir voru við við-
burðastaði og sóttu 1.500 manns
hátíðina, dagana þrjá sem hún stóð
yfir. Allir gestir fengu að smakka
íslenskan mat og drykki, m.a. ís-
lenskt brennivín.
Hljómsveitin Rökkurró flutti sína
fyrstu tónleika á hátíðinni utan
landsteinanna, spilaði fyrir fullu
húsi og seldi auk þess alla geisla-
diska sína, að því er segir í tölvu-
pósti frá skipuleggjendum hátíð-
arinnar, Reykjavik to Foundation.
Þá þótti tónlistarhópurinn Evil
Madness vera einn af hápunktum
hátíðarinnar, skipaður Jóhanni Jó-
hannssyni, Stilluppsteypu, BJ Nil-
sen og DJ Musician. Hann hafi spil-
að fyrir „250 furðu lostna
áheyrendur“, eins og það er orðað.
Undirbúningur er þegar hafinn að
næstu Reykjavik to hátíðum, í
Kaupmannahöfn og Berlín 21.-24.
maí á næsta ári. Nánar má lesa um
þær á www.reykjavik.to.
Morgunblaðið/Árni Torfason
Rass Pönksveitin Rass spilaði á
Reykjavík to Rotterdam.
Vel sótt Ís-
landshátíð