Fréttablaðið - 11.04.2009, Blaðsíða 50

● heimili&hönnun
„Við höfum opnað stofu þar sem
þjónustan miðar að því að koma
vöru, sem er jafnvel á algjöru
frumstigi, í framleiðslu, markaðs-
setja hana og selja,“ segir Egill
Sveinbjörn Egilsson iðnhönnuður
sem hefur ásamt fleirum opnað
nýja hönnunarstofu, Projekt
Studio, á annarri hæð við Granda-
garð 2, þar sem Saltfélagið var
áður til húsa.
Að sögn Egils er markmið fyrir-
tækisins ekki bundið við eigin
vöruhönnun heldur að aðstoða
hönnuði með hugmynd í farteskinu
að framkvæma hana. „Íslenskir
hönnuðir hafa þegar stimplað sig
inn í hönnunarheiminn og því
mikil vægt að nýta tækifærið til að
koma sem flestum vörum í fram-
leiðslu, búa til úr þeim aukin verð-
mæti,“ bendir hann á og bætir við
að Projekt Studio þjónusti líka
fyrirtæki og bæjarfélög. „Við
getum heimsótt tiltekið bæjarfélag
til að koma auga á hvar verðmæt-
in liggja, hvort sem þau eru reka-
viður eða öflugt leiklistarlíf, og að-
stoðað við frekari framþróun.“
Egill segir að hingað til hafi að-
gangur íslenskra hönnuða að sér-
þekkingu á sviði framleiðslu og
markaðssetningar verið takmark-
aður. „Með samnýtingu þessar-
ar þekkingar, ásamt þeirri fram-
leiðslugetu sem við höfum hér,
ætti að vera hægt að auka fram-
leiðslu á vörum, fyrir innlendan
og erlendan markað. Þarna komum
við til sögunnar þar sem við erum
með sérþekkingu á sviðum mark-
aðsfræði, tækni og hönnunar. Páll
Einarsson er vöruhönnuður, Svein-
björg Jónsdóttir grafískur hönn-
uður, Ninja Ómarsdóttir mark-
aðsfræðingur og sjálfur er ég iðn-
hönnuður,“ segir Egill og bætir við
að draumurinn sé að efla íslenska
hönnun og framleiðslu almennt
og nýta betur þá hluti sem lands-
mönnum gefist á hverjum stað til
að skapa fleiri störf og auka verð-
mæti. - rve
Frá hugmynd í hillu
● Projekt Studio er nýtt hönnunarfyrirtæki sem aðstoðar hönnuði, fyrirtæki og jafn vel
heilu bæjarfélögin við að hrinda hugmyndum í framkvæmd og skapa úr þeim verðmæti.
„Eitt og annað er í pípunum, þannig að það er ljós fram undan,“ segir Egill, en fyrir-
tækið hefur þegar tekið að sér verkefni fyrir ýmsa aðila eins og Villimey og Intelscan.
Starfsfólk Projekt Studio kann vel við sig í gömlu húsakynnum Saltfélagsins og segir
þar góðan anda ríkja. Frá vinstri: Egill, Ninja og Sveinbjörg. Á myndina vantar Pál.
FRÉTTABLAÐIÐ/VALLI
Snyrtivörurnar eru komnar aftur!
Frábært verð á nátturulegum snyrtivörum.
Smáratorgi 3 / 201 Kópavogi / sími: 522 7860 / / Korputorgi / 112 Reykjaví k / sími: 522 7870
11. APRÍL 2009 LAUGARDAGUR4