Morgunblaðið - 05.01.2008, Síða 4

4 LAUGARDAGUR 5. JANÚAR 2008 MORGUNBLAÐIÐ
FRÉTTIR
Eftir Steinunni Ásmundsdóttur
steinunn@mbl.is
FARÞEGAR Boeing 757-flugvélar
Icelandair, sem komu frá Las Palm-
as á Kanaríeyjum í leiguflugi fyrir
Úrval-Útsýn, segjast ósáttir við að
áhöfnin skuli ekki hafa gefið þeim
upplýsingar um hvað væri að gerast,
meðan tvívegis var gerð tilraun til að
lenda vélinni í Keflavík í fyrrakvöld í
miklum hliðar- og sviptivindum. 189
farþegar voru um borð og var vélinni
snúið til Egilsstaða. Ástandið í vél-
inni var að sögn farþega mjög erfitt
um tíma og fólk í gríðarlegu uppnámi
og óvissu um hvað væri að gerast.
„Maður hefði róast ef áhöfnin
hefði bara getað komið því til skila að
vélin héngi ennþá saman og að öðru
hverju kæmi fyrir að ekki væri hægt
að lenda í Keflavík vegna svipti-
vinda,“ sagði einn farþega sem gisti
ásamt rúmlega 40 öðrum á Hótel
Héraði á Egilsstöðum í fyrrinótt. Vel
yfir helmingur farþeganna fór með
vél Icelandair eftir áhafnarskipti til
Keflavíkur seint um nóttina, en eftir
gistingu fóru hinir ýmist með innan-
landsflugi eða óku suður í gær.
Börnin fatalaus eftir uppsölur
Á Hótel Héraði sat fólk sem verið
hafði í flugvélinni í smáhópum í gær-
morgun og ræddi atburðinn. Því var
augljóslega mjög brugðið og saman-
kýtt af spennu eftir slakandi sólarfrí
á Kanaríeyjum. Lítil stúlka í hópnum
var klæðalítil hlaupandi um anddyri
hótelsins og passaði að fara ekki
langt frá mömmu sinni. Hún gubbaði
yfir fötin sín í flugvélinni og hafði
engin varaföt að heitið gat. Hún var
ekki eina barnið í þeirri stöðu eftir
kvöldið og nóttina. Sú stutta fékk
lánsföt hjá heimafólki fyrir ferðalag-
ið suður til Reykjavíkur og þaðan
upp á Kjalarnes.
„Það greip um sig verulegur ótti
og maður sá margt fullorðið fólk
grátandi og jafnvel fara með bænir,“
segir maður í hópnum sem vill ekki
láta nafns síns getið. „Fólk er auðvit-
að hrætt við hið óþekkta og er óvant
svona löguðu. Það hefur allt aðra sýn
en flugmennirnir, sem líta á þetta
sem tæknilega örðugleika. Farþeg-
arnir dramatísera hlutina.“
Helga Ragnarsdóttir skýtur inn í
að flugfarþegar séu manneskjur sem
þurfi að tala við og veita upplýsingar.
„Auðvitað voru flugmennirnir á fullu
við að ná vélinni upp, en þetta var
löng óvissustund fyrir okkur og erf-
ið,“ segir Helga.
„Þegar flugvélin var næstum lent í
Keflavík rauk hún upp aftur. Þá var
gert aðflug að annarri braut og hætt
við aftur eftir nánast snertilendingu
og flogið upp. Svo pompaði vélin
svona hrikalega í lofttæmi og hentist
til og argaðist upp aftur á fullu vél-
arafli. Það var allt gefið í botn til að
ná henni upp og seinna skiptið var
miklu mun verra en það fyrra. Svo
gekk nú sæmilega að róa fólk þegar
snúið var til Egilsstaða og búið að
tala við okkur, sérstaklega þegar við
vissum að þar væri gott veður. Tím-
inn hefur samt aldrei liðið jafn hægt
og í þeirri ferð, þetta var endalaust.“
Grátandi að hringja í ættingja
Eftir lendingu á Egilsstöðum var
eldri maður fluttur á sjúkrahús í
losti. Í flughöfninni mátti hvarvetna
sjá grátandi fólk með farsíma í hönd-
um reyna að ná sambandi við ætt-
ingja og vini. Boðið var upp á áfalla-
og læknishjálp í flugstöðinni og leit-
uðu m.a. fjórir farþegar slíkrar að-
stoðar hjá heilsugæslunni á Egils-
stöðum. Hluti fólksins var þó kominn
á hótel áður en áfallahjálp stóð til
boða. Flestum farþegum var boðið
að fljúga með Icelandair-vélinni suð-
ur eftir áhafnarskipti kl. 4 um nótt-
ina en margir höfnuðu því og sögðust
aldrei fara um borð í þessa vél. Sum-
ir sögðust hreinlega ekki ætla að
fljúga aftur í bili og kannski aldrei
framar. Viðmælendur Morgunblaðs-
ins tóku þó flestir fram að fyrir utan
meinlegan skort á upplýsingum
hefði áhöfn vélarinnar staðið sig með
prýði og flugfreyjur veitt hræddu
fólkinu góða aðstoð.
Guðjón Arngrímsson, upplýsinga-
fulltrúi Icelandair, segir að farþegar
hafi aldrei verið í hættu þrátt fyrir
mikinn hliðarvind og hristing í
Keflavík, en í kjölfar tveggja til-
rauna til lendingar í Keflavík hafi
verið ákveðið að snúa vélinni til
Egilsstaða og biðja þar um að lækn-
isaðstoð og áfallahjálparteymi yrði
til reiðu fyrir farþega. Vond veður
hafa talsvert reynt á þolrif flugá-
hafna og -farþega í vetur og eru flug-
farþegar til Egilsstaða þar engin
undantekning.
„Hægt hefði verið að segja okkur
að vélin héngi ennþá saman“
Morgunblaðið/Steinunn Ásmundsdóttir
Brugðið Flugfarþegar sem gistu á Hótel Héraði á Egilsstöðum í fyrrinótt eftir sviptingasama flugferð.
Í HNOTSKURN
»Skelfingu lostnir farþegarum borð í Boeing 757-þotu
Icelandair frá Kanaríeyjum
bjuggust við hinu versta þegar
reynt var tvívegis að lenda á
Keflavíkurflugvelli í slæmu veðri
og vindasömu án árangurs.
»Farþegar gagnrýna að þeimvar ekki sagt fyrr en vélinni
hafði verið snúið til Egilsstaða
hvað á gekk og að ekkert væri að
óttast. Gríðarlegt uppnám var
meðal farþega um borð.
Löng óvissustund
og erfið fyrir far-
þega Icelandair
ÉG VAKNAÐI með rosalega kvíða-
tilfinningu í morgun, er bara í
sjokki og enn skjálfandi,“ segir
Lilja Björk Eysteinsdóttir, sem var
farþegi í flugvélinni frá Las Palmas
í fyrrakvöld ásamt tveimur ungum
börnum og eiginmanni sínum. Lilja
Björk segir reynsluna úr flugvél-
inni blátt áfram hræðilega, ekki síst
af því farþegarnir hafi ekki fengið
neinar upplýsingar á meðan lend-
ingartilraunum í Keflavík stóð.
„Ástandið um borð var hræðilegt,
allir öskrandi og litla stúlkan mín
tveggja ára ældi yfir sig alla, mikill
þrýstingur í vélinni, læti og pomp
og til hliðar. Þetta var rosa töff.
Börn í flugvélinni hljóðuðu og vein-
uðu og allir í flugvélinni bara öskr-
uðu. Fólk bað, grét og signdi sig og
einhverjir hrópuðu að þeir vildu
ekki deyja.
Svo loksins kom flugstjórinn og
sagði okkur að þetta væri út af hlið-
arvindi, ekki hægt að lenda í Kefla-
vík og snúið yrði til Egilsstaða. Við
vissum ekki neitt. Einhver hefði
þurft að segja okkur að það væri í
lagi með vélina. Það héldu allir að
dekkin hefðu ekki komist niður eða
kannski að vængur væri bilaður.
Þetta var skelfilegt.“
Lilja Björk segist vera þrælvanur
flugfarþegi og hafi búið erlendis í
mörg ár. Aldrei nokkurn tímann
hafi hún orðið fyrir öðru eins áfalli
í flugi og sé enn skekin og hrædd.
Sprækari Talsvert var af börnum í þotunni frá Las Palmas og urðu þau að
vonum skelfingu lostin. Kristjana litla gubbaði t.d. af hristingi og hræðslu.
Fólk grét og
signdi sig
ÁKVÖRÐUN Skipulagsstofnunar
um tillögu Vegagerðarinnar og
Framkvæmdasviðs Reykjavíkur-
borgar um matsáætlun Hallsvegar-
Úlfarsfellsvegar, ásamt gatnamót-
um við Vesturlandsveg, á að liggja
fyrir 25. janúar næstkomandi. Í
áætluninni er gerð grein fyrir því
hvernig staðið verður að mati á um-
hverfisáhrifum framkvæmda við
lagningu nýs Hallsvegar frá Víkur-
vegi að Vesturlandsvegi með brú
yfir Korpu. Einnig gerð mislægra
gatnamóta yfir Vesturlandsveginn
og Úlfarsfellsveg í beinu framhaldi
af Hallsvegi.
Tilgangur þessara framkvæmda
er að tengja Grafarvogshverfi og
hverfi í Hamrahlíðum og Úlfarsár-
dal við Vesturlandsveg og bæta
tengingu hverfanna í samræmi við
aðalskipulag Reykjavíkur, að því er
fram kemur í tillögunni. Mislæg
gatnamót eru talin nauðsynleg til að
greiða fyrir umferð inn og út úr
hverfunum beggja vegna við Vestur-
landsveginn.
Í tillögunni kemur m.a. fram að
mikil uppbygging, sem orðið hefur
við fyrirhugað framkvæmdasvæði,
valdi því að ekki sé um að ræða aðra
staðarvalskosti fyrir Hallsveg, Úlf-
arsfellsveg og mislæg gatnamót við
Vesturlandsveg.
Drög að tillögunni sem nú liggur
frammi voru kynnt í haust er leið. Þá
bárust skriflegar athugasemdir frá
Minjasafni Reykjavíkur, Íbúasam-
tökum Grafarvogs, íbúum við neðan-
verð Garðshús, Fuglaverndarfélagi
Íslands, Fornleifavernd ríkisins og
Hverfisráði Grafarvogs. Í tillögunni
eru þessar athugasemdir birtar og
eins hvernig framkvæmdaraðilar
bregðast við þeim.
Vegna athugasemda íbúa verður
m.a. beitt nýju og uppfærðu umferð-
arspálíkani til að greina umferð um
svæðið miðað við nýjustu forsendur.
Þá telur framkvæmdaraðili að for-
sendur hafi ekki breyst frá því að
umhverfisráðherra og Skipulags-
stofnun komust að þeirri niðurstöðu
að lagning Hallsvegar í stokk komi
ekki til greina. Sú hugmynd sé ekki
raunhæfur kostur vegna kostnaðar.
Tillagan liggur nú frammi til
kynningar hjá Skipulagsstofnun.
Einnig er hægt að nálgast tillöguna
á heimasíðu stofnunarinnar
(www.skipulag.is). Frestur til að
gera athugasemdir rennur út 18.
janúar nk.
Lítið svigrúm fyrir ný umferðarmannvirki