Morgunblaðið - 10.02.2008, Blaðsíða 75
MORGUNBLAÐIÐ SUNNUDAGUR 10. FEBRÚAR 2008 75
ÍS
L
E
N
S
K
A
/S
IA
.I
S
/O
R
K
4
07
10
0
1/
08
Óþarfa gluggapóstur finnur sér leið inn á of mörg heimili í dag.
Á tímum rafrænna greiðslna og vefvæðingar ætti gluggapóstur
fyrir löngu að vera leifar gamals tíma, sóunar og óskynsemi.
Svo ekki sé minnst á umhverfisspjöllin.
Með því að fara inn á www.or.is/bodgreidslur getur þú lagt þitt af mörkum
til umhverfisverndar og borgað reikningana þína með boðgreiðslum.
Enginn pappír, enginn gluggapóstur, ekkert vesen.
Skiptu yfir í boðgreiðslur
• Ef allir viðskiptavinir OR skipta yfir í boðgreiðslur sparast 7068 kg
af pappír á ári eða 295 tré.
www.or.is
Fyrstu 100 sem skipta
yfir í boðgreiðslur
fá glaðning frá
Orkuveitu Reykjavíkur
Er þetta
ekki orðið
ágætt?
Þessir söngvarar og 28 manna hljómsveit í Langholtskirkju
mán 11 og mið 13 kl 20 Miðar: Skólinn 552-7366 og midi.is
Eftir Ásgeir H. Ingólfsson
asgeirhi@mbl.is
ÍSLENSKAR bíómyndir ferðuðust
víða á síðasta ári og of langt mál væri
að telja upp öll ferðalögin – við látum
því nægja að geta þeirra sem voru
leystar út með verðlaunum á kvik-
myndahátíðum erlendis. Það kemur
væntanlega fáum á óvart að Mýrin og
Börn luku síðasta ári margverðlaun-
aðar en tvær myndir sem fór ekki
eins hátt um, heimildarmyndin Reiði
guðanna og stuttmyndin Bræðra-
bylta, voru ekki síður sigursælar.
Eins og sést eru þetta oft ársgamlar
myndir, og því munum við líklega
ekki komast að því fyrr en síðar á
þessu ári hvort myndir á borð við
Foreldra, Veðramót, Astrópíu og
Duggholufólkið sigra heiminn.
Mýrin
Kvikmyndin hlaut stærstu verð-
laun sem íslensk kvikmynd hlaut á
síðasta ári, Kristalshnöttinn, að-
alverðlaun kvikmyndahátíðarinnar í
Karlovy Vary, í júlí og tók Baltasar
Kormákur við þeim úr hendi sjálfs
Danny DeVito. Mýrin hlaut einnig
Don Kíkóta-verðlaun Alþjóða-
samtaka kvikmyndaklúbba (FICC) á
sömu hátíð.
Þá hlaut Ingvar E. Sigurðsson
Napapijri-verðlaunin fyrir leik sinn í
myndinni á ítölsku hátíðinni
Courmayeur Noir Festival, en eins
og nafnið gefur til kynna er áherslan
þar lögð á rökkurmyndir. Hátíðin fór
fram í desember á síðasta ári.
Börn
Ragnar Bragason hlaut í júní 2007
verðlaun sem besti leikstjórinn á al-
þjóðlegu kvikmyndahátíðinni í
Transylvaníu í Rúmeníu og bar þar
meðal annars sigurorð af Cannes-
verðlaunahafanum rúmenska
Cristian Mungiu.
Rúmum mánuði síðar vann mynd-
in tvenn verðlaun á Zerkalo-
kvikmyndahátíðinni í Ivanov í Rúss-
landi – annars vegar gagnrýn-
endaverðlaun hátíðarinnar og hins
vegar var Ólafur Darri Ólafsson val-
inn besti leikarinn. Loks hlutu Börn
Gullna svaninn, aðalverðlaun Al-
þjóðlegu kvikmyndahátíðarinnar í
Kaupmannahöfn, í september.
Einnig er rétt að nefna að Gísli
Örn Garðarsson, einn aðalleikari
Barna, var fulltrúi Íslands í hinu ár-
lega Shooting Star-verkefni sem ýtt
var úr vör á Kvikmyndahátíðinni í
Berlín.
Reiði guðanna
Reiði guðanna, heimildarmynd um
gerð Bjólfskviðu (þá er átt við þessa
með Ingvari E. Sigurðssyni, ekki
þessa með tölvugerða skrímslinu
slefandi), hlaut áhorfendaverðlaun í
flokki heimildarmynda á Oxford-
hátíðinni í Ohio í apríl. Því fylgdi
myndin eftir með verðlaunum á
Stony Brook-hátíðinni í Bandaríkj-
unum í júlí, hún hlaut svo verðlaun
sem besta heimildarmynd á Napa
Sonoma Wine Country-kvik-
myndahátíðinni í Kaliforníu í ágúst,
dómnefndarverðlaunin á MOFF –
Santarém-hátíðinni í Portúgal (en
hún er sérstaklega tileinkuð heimild-
armyndum sem fjalla um gerð kvik-
mynda) og loks var hún valinn besta
heimildarmyndin á Red Rock-
kvikmyndahátíðinni í Utah í Banda-
ríkjunum í nóvember.
Bjólfskviða
Helsti heiður Bjólfskviðu sjálfrar
var hins vegar þegar Hilmar Örn
Hilmarsson, tónskáld myndarinnar,
var tilnefndur til kanadísku Genie-
verðlaunanna fyrir myndina. Þau
verðlaun eru oft nefnd kanadíski
Óskarinn – en leikstjóri Bjólfskviðu
er Vestur-Íslendingurinn Sturla
Gunnarsson.
Stuttmyndir
„Bræðrabylta“, stuttmynd Gríms
Hákonarsonar, var valin besta leikna
stuttmyndin á kvikmyndahátíðinni í
Melbourne í Ástralíu í ágúst. Hún
fylgdi því eftir með því að vinna helgi
eina í nóvember aðalverðlaun í flokki
evrópskra stuttmynda á stutt-
myndahátíð í Brest í Sviss, og sömu
helgi hlaut hún þriðju verðlaun á kvik-
myndahátíðinni í Alcine á Spáni. Loks
hlaut hún einnig viðurkenningu á
heimilda- og stuttmyndahátíðinni
Nordisk Panorama.
Stuttmyndin „Skröltormar“ hlaut
verðlaun fyrir handrit Huldars Breið-
fjörð á alþjóðlegri hátíð kvikmynda-
skólanema í Poitiers í Frakklandi,
sem kennd er við Henri Langlois, rétt
fyrir jól.
Áður hafði hún hlotið fern verðlaun
á árlegri kvikmyndahátíð Columbia-
háskóla í New York í maí, að-
alverðlaun, gamanmyndaverðlaun,
áhorfendaverðlaun og verðlaun fyrir
leik Jóhanns Sigurðssonar.
Stuttmyndin „Góðir gestir“ eftir Ís-
old Uggadóttur hlaut aðalverðlaun
bíóhátíðar samkynhneigðra í Kaup-
mannahöfn.
Loks fékk Dagur Kári Sundance/
NHK-verðlaunin sem fulltrúi Evrópu.
Verðlaununum er ætlað að styðja við
athyglisverð verkefni leikstjóra og er
styrkurinn ætlaður næstu mynd
Dags Kára, The Good Heart.
Gleði bíóguðanna
Bræðrabylta Var m.a. valin besta leikna stuttmyndin á
kvikmyndahátíðinni í Melbourne, Ástralíu.
Heimildarmynd Reiði guðanna lýsir óblíðum að-
stæðum við gerð Bjólfskviðu.
Börn Kvikmyndin vann til fernra verðlauna á erlendum
kvikmyndahátíðum á síðasta ári.
Film Servis Festival Karlovy Var
Sigursæl Mýrin hlaut fyrstu verðlaun, Kristalhnött-
inn, á Karlovy Vary-hátíðinni. Baltasar Kormákur
ásamt konu sinni, Lilju Pálmadóttur.
Íslenskar kvikmyndir ferðuðust víða á síðasta
ári og hlutu margvíslegar viðurkenningar