Morgunblaðið - 16.03.2008, Síða 17

rekstri Bakkavarar, hætta fjárfest-
ingarbankastarfsemi og gera lífið
auðveldara?
„Þú segir nokkuð,“ segir Ágúst
og hlær. „Nei, nei, alls ekki. Við ein-
beitum okkur að rekstri Bakkavar-
ar og svo verður áfram. Auk þess
var Exista afar farsælt skref fyrir
okkur til að byggja upp öflugt fyr-
irtæki í kringum eignir okkar
bræðra í Kaupþingi og Bakkavör.
Við skulum gera okkur grein fyr-
ir því að Exista er nú í einstakri
stöðu á norrænum fjármálamarkaði.
Exista er langstærsti eigandi öfl-
ugasta tryggingafélags Norð-
urlanda, Sampo, sem einnig er
stærstur eigandi Nordea, að
sænska ríkinu frátöldu, en Nordea
er stærsti banki Norðurlanda. Ex-
ista er jafnframt langstærsti eig-
andi Kaupþings, sem er sá banki
sem hefur vaxið af mestum krafti á
Norðurlöndum á síðari árum. Jafn-
framt er Exista einn af lykilhlut-
höfum í Storebrand, sem er að
skapa sér leiðandi stöðu á norræn-
um líftryggingamarkaði. Þessi staða
okkar hefur vakið mikla athygli á
Norðurlöndum og víðar, enda erum
við nýtt nafn á norrænum fjár-
málamarkaði. Ég er ekki viss um að
margir átti sig á því hve mikil afl
Exista er orðið í tryggingum og
fjármálaþjónustu á Norðurlöndum.“
Peningarnir fara úr landi
– Hvað finnst þér um háa stýri-
vexti Seðlabankans?
„Mér finnst þeir fullkomlega
óraunhæfir. Og það er áhugavert
hvað hefur gerst núna, krónan er að
veikjast gríðarlega og ég sé ekki af
hverju sú þróun ætti ekki að halda
áfram. Samt er Seðlabankinn ekki
byrjaður að lækka vexti ennþá. Ég
sé ekki hvernig Ísland á að hafa
efni á því að halda þessu vaxtastigi.
Af hverju í veröldinni eigum við að
borga þessa vexti til eigenda er-
lendra jöklabréfa? Ég held að við
höfum ekki efni á því og ættum að
hætta því í snarhasti, hvað sem líð-
ur verðbólgumarkmiðum. Það er
einfaldlega ekki hægt að keyra
þjóðfélagið svona áfram. Enginn
rekstur og engin heimili í þessu
landi standa undir þessu vaxtastigi.
Það er ósköp einfalt. Íslendingar
standa ekki undir því að borga 15
eða 16% í vasann á erlendum fjár-
festingarsjóðum. Þessir peningar
fara úr landi og ég veit ekki hvernig
mönnum dettur í hug að þetta sé
hægt til eilífðar. Það er sjálfsagt að
reyna að sporna við verðbólgu, en
krónan mun lækka, hvað sem Seðla-
bankinn gerir.“
– Það hefur einnig verið rætt um
að taka upp annan gjaldmiðil?
„Við neyðumst á endanum til
þess, hjá því verður ekki komist.
Spurningin er aðeins hvernig. Sum-
ir segja að eina leiðin sé að ganga í
ESB og þeir hafa örugglega mikið
til síns máls. Ég er persónulega
ekki hlynntur inngöngu í ESB,
nema ef það væri fyrir þá sök að við
kæmumst í myntbandalagið. Önnur
rök eru léttvæg. Ég held að þetta sé
stóra málið og átta mig ekki alveg á
því hvernig við getum leyst gjald-
miðilsvandann öðruvísi en að ganga
í slíkt bandalag með öðrum þjóð-
um.“
– Hvað um svissneskan franka
eða norska krónu?
„Ég held að það væri ekki rétt að
fara í ríkjabandalag með Noregi eða
Sviss. Ég get ekki séð hvernig það
ætti að ganga fyrir sig, en það er
um að gera að skoða alla möguleika.
Ég er ekki með lausnina á hreinu,
en það verður kannski þrautalend-
ingin að ganga í ESB og leysa með
því gjaldmiðilsvandamálið. Hitt er
annað mál, það þarf að taka ákvörð-
un og það sem fyrst.“
– Þú segir að það stefni í óefni?
„Þetta hefur verið fyllirí og nú er
kominn tími til að taka út timb-
urmennina. Allt tal um nýtt álver
eða stóriðju er eins og að teygja sig
eftir flöskunni að morgni og fá sér
afréttara. Það mun aðeins fresta
timburmönnunum, sem koma óhjá-
kvæmilega fyrr eða síðar. Það veltir
enginn fyrir sér vaxandi útgjöldum
ríkisins, þar sem enginn virðist sjá
þörfina á ráðdeild eða aðhaldi. Það
þýðir einfaldlega ekki að velta vand-
anum á undan sér, menn þurfa að
takast á við hann og ástandið verð-
ur erfitt í eitt til tvö ár á meðan við
erum að trappa okkur niður. En til
langs tíma trúi ég því að grunn-
forsendur efnahagslífsins séu í góðu
lagi og við munum smám saman
sigla út úr þessu ástandi.“
– Nú stendur til að hefja aftur
hvalveiðar í sumar. Þú hefur verið
andsnúinn hvalveiðum, hafa þær
haft áhrif á Bakkavör?
„Ég held að þær hafi neikvæð
áhrif fyrir Ísland. Hvort það hefur
haft áhrif á viðskiptin, hvort ein-
hverjir hætta að kaupa fisk eða ís-
lenskar vörur, þá eru það örugglega
einhverjir, en ekki slíkur fjöldi að
við verðum áþreifanlega vör við
það. En það er verið að leika sér að
eldinum og fyrirtæki eins og
Bakkavör er mjög viðkvæmt fyrir
neikvæðri umræðu um hvalveiðar.
Okkar viðskiptavinir, sem eru eink-
um verslunarkeðjur, hafa skýra
stefnu varðandi umhverfismál og fé-
lagslega ábyrgð fyrirtækja. Hval-
veiðar eru angi af þeirri umræðu og
við finnum áþreifanlega fyrir
óánægju viðskiptavina með stefnu
Íslendinga í hvalveiðimálum. Þeir
hafa ekki hætt viðskiptum. Munu
þeir gera það ef Íslendingar halda
áfram að veiða 15 langreyðar? Nei,
ég held ekki. Vandamálið er að það
þjónar engum tilgangi að veiða 15
langreyðar og urða þær. Það hefur
engin áhrif á stofninn, við högnumst
ekkert á því og það eina sem hefst
út úr því er neikvæð umræða um
Ísland á alþjóðavettvangi. Ekkert
annað.“
» Það þarf að skoða hlutina í stærra sam-hengi. Ég get nefnt Citigroup, UBS,
Morgan Stanley og fleiri virta og heims-
fræga banka sem hafa verið nærri því að
riða til falls síðustu mánuði. Margir bankar
hafa sótt til Mið-Austurlanda eða Kína til að
ná sér í neyðarhlutafé. Slíkt hefur ekki
gerst hjá íslensku bönkunum. Ég hef ekki
séð sambærilegar afskriftir hjá íslensku
bönkunum og hafa verið hjá nokkrum fræg-
ustu bönkum í heimi.
MORGUNBLAÐIÐ SUNNUDAGUR 16. MARS 2008 17
Fátt er mikilvægara en að tryggja æsku landsins örugga og bjarta framtíð. Ef þú gefur fermingarbarni
5.000 kr. gjafabréf í Framtíðarsjóð bætir Sparisjóðurinn 2.000 kr. við gjöfina. Við höfum trú á framtíðinni.
Líttu við á spar.is og kynntu þér kosti Framtíðarsjóðsins
Há raunávöxtun innlánsreikninga
Verðtryggður reikningur
Hægt að semja um reglubundinn sparnað
Hægt að leggja inn hvenær sem er
Það þarf ekki kraftaverk
Við breytum 5.000 kr. í 7.000 kr.
spar.is
F
í
t
o
n
/
S
Í
A