Morgunblaðið - 16.03.2008, Síða 64

64 SUNNUDAGUR 16. MARS 2008 MORGUNBLAÐIÐ
UNDANKEPPNI Músíktilrauna
lauk sl. föstudagskvöld, en þá
kepptu síðustu níu hljómsveitirnar
um að komast í úrslit. Keppnin var
óvenju jöfn þetta kvöld miðað við
kvöldin fjögur sem á undan fóru og
tónlistin líka óvenju fjölbreytt.
Fyrsta sveit á svið að þessu sinni,
Finnur, var þó á kunnuglegum slóð-
um, kraftmikið rokk með smá harð-
kjarnakryddi og votti af þungarokki.
Ágæt hljómsveit en lagasmíðar og
óöguð spilamennska stóð ekki alveg
undir öllum hamaganginum.
Næsta sveit, Bisexualevening (4
Boys and Tulips), skipti heldur en
ekki um gír, rólyndisleg útpæld
flétta þar sem lifandi hljóðfæraleik
og rafeindahljóðum var blandað
saman á smekklegan hátt. Taktur í
laginu var smekklega unninn og gít-
arspil frábært, en framvinda í laginu
ekki mikil. Seinna lagið var
skemmtilegra, vel sungið af tveimur
söngkonum.
Gítarinn var líka í stóru hlutverki
hjá Elís, en nú var það rafmagns-
gítar, tveir reyndar, sem voru vel
fléttaðir saman. Lagið var óspenn-
andi, en söngur fínn. Seinna lagið
var betra, kveinstafakennt og vel
flutt.
Þeir félagar í Johnny Computer
nýttu líka gítara vel í laglínum og
annar gítarleikarinn skreytti lögin
vel með smekklegu gítarspili. Þó
ekki hafi verið mikil átök í fyrra lagi
sveitarinnar þá var samt heilmikið
að gerast.
Harðkjarna-
krydd og
dauðadjass
TÓNLIST
Austurbær
Músíktilraunir Tónabæjar og Hins húss-
ins föstudaginn 14. mars. Þátt tóku Finn-
ur, Bisexualevening (4 Boys and Tulips),
Elís, Johnny Computer, Swive, 15 rauðar
rósir, Agent Fresco, Earendel og Hughrif.
MÚSÍKTILRAUNIR 15 rauðar rósir Hver spilaði sitt lag og á mismunandi hraða.
Bisexualevening (4 Boys and Tulips) Rólyndisleg útpæld flétta af
lifandi hljóðfæraleik og rafeindahljóðum.
Elís Kveinstafakennt og vel flutt,
en fyrra lagið þó óspennandi.
Swive Tregablandin rómantík.