Morgunblaðið - 28.03.2008, Qupperneq 4
4 FÖSTUDAGUR 28. MARS 2008 MORGUNBLAÐIÐ
FRÉTTIR
Í HNOTSKURN
» Pétur telur að mengun frá aukinni umferðgeti stórskaðað lífríki Þingvallavatns.
» Lögverndarsjóður náttúru styður mála-rekstur Péturs og geta þeir sem vilja
styrkja hann lagt inn fé á reikning 1155-15-
30252, kt. 630802-2370.
Eftir Rúnar Pálmason
runarp@mbl.is
Í STEFNU Péturs M. Jónassonar vatnalíffræð-
ings gegn Vegagerðinni sem þingfest var í gær er
þess krafist að úrskurður umhverfisráðherra um
að Vegagerðinni sé heimilt að leggja nýjan Gjá-
bakkaveg verði ógildur. Til vara krefst hann þess
að sá hluti vegarins sem mun liggja næst vatninu
vestur Eldborgarhraun, þ.e.a.s. sá hluti vegarins
sem Pétur segir að valdi mestum skaða, verði
dæmdur ólögmætur.
Í stefnunni er m.a. dregið í efa að skipulags-
stjóri, Stefán Thors, hafi verið hæfur til að úr-
skurða um málefni Gjábakkavegar vegna vensla
hans við umboðsmann Vegagerðarinnar, Stefán
Gunnar Thors, fagstjóra umhverfisdeildar VSÓ
ráðgjafar. Í stefnunni er bent á að Stefán Gunnar
sé sonur Stefáns Thors en sá fyrrnefndi hafi ann-
ast gerð matsskýrslna og komið fram sem um-
boðsmaður Vegagerðarinnar í samskiptum við
Skipulagsstofnun. Þá byggir Pétur kröfur sínar á
því að mat á umhverfisáhrifum hafi átt að fara
fram samkvæmt lögunum eins og þeim var breytt
eftir 2005 en ekki eldri lögum. Þá hafi verið brotið
á andmæla- og upplýsingarétti auk þess sem um-
hverfisráðuneytið hafi brotið gegn rannsóknar-
reglu stjórnsýslulaga með því að ekki hafi verið
leitað til annarra sérfróðra aðila um málið. Þá hafi
ekki verið leitað umsagnar Þingvallanefndar.
Vegagerðin hefur um langt skeið viljað leggja
Gjábakkaveg á milli Laugarvatns og Bláskógar-
byggðar en veginum er ætlað að koma í stað nú-
verandi vegar, Kóngsvegar.
Boðið út og byrjað í vor
Jón Rögnvaldsson vegamálastjóri segir að lög-
fræðingar Vegagerðarinnar telji ekki að stefna
Péturs valdi því að fresta verði framkvæmdum við
Gjábakkaveg á meðan hún er fyrir dómstólum.
Verkið verði boðið út fljótlega og gerir Jón ráð fyr-
ir að framkvæmdir geti hafist nú í vor.
Stefnir Vegagerðinni til að
stöðva nýjan Gjábakkaveg
Morgunblaðið/Ómar
Tært Gott er að kafa í tæru Þingvallavatni.
Vegagerðin telur ekki að stefnan fresti framkvæmdum Styttist í útboð
TVÆR lóur sáust í Kópavogi í fyrradag og á páskadag
sáust fjórar lóur í grennd við Hornafjarðarflugvöll.
Það styttist því í að veturinn kveðji og vorið haldi inn-
reið sína með farfuglunum. Myndin er hins vegar af
æðarfugli og litríkum æðarkóngi og var tekin á Ak-
ureyri fyrir skömmu.
Ljósmynd/Gyða Henningsdóttir
Lóan er komin að kveða burt snjóinn
FOKKERFLUGVÉL sem var í
leiguflugi fyrir Flugfélag Íslands á
leið frá Akureyri með stóran hóp ung-
menna á leið á Íslandsmót á skíðum
gerði tvær tilraunir til lendingar í
miklu hvassviðri á Ísafirði um miðjan
dag í gær en þurfti í bæði skiptin frá
að hverfa. Samkvæmt upplýsingum
Morgunblaðsins var aldrei nein hætta
á ferðum og tóku farþegar þessu með
ró. Vélinni var snúið til Reykjavíkur
og áætlað að farþegarnir færu með
langferðabíl til Ísafjarðar.
Tókst ekki
að lenda
BORGARRÁÐ samþykkti á fundi
sínum í gær að láta kanna hag-
kvæmni þess og fýsileika að koma á
lestarsamgöngum milli Keflavíkur-
flugvallar og miðborgar Reykjavíkur
sem og léttlestarkerfis í Reykjavík.
Fram kemur að borgarráð er
tilbúið að leggja til verkefnisins 10
milljónir króna að því tilskildu að
ríkið leggi fram annað eins á móti.
„Við úttektina verði endurskoðað-
ar og uppfærðar fyrri úttektir sem
unnar hafa verið um lestarsamgöng-
ur á vegum borgarinnar og fjár-
hags-, umhverfis- og skipulagsþætt-
ir greindir. Ennfremur verði lagðar
fram upplýsingar um kostnað vegna
rekstrar lesta milli Reykjavíkur/
Keflavíkur og rekstrar léttlesta á
höfuðborgarsvæðinu. Úttektin verði
unnin í samvinnu við skipulags- og
byggingarsvið Reykjavíkurborgar
og samgönguyfirvöld í landinu,“ seg-
ir m.a. í samþykktinni.
Lestarsam-
göngur
skoðaðar
Borgin vill leggja
fram 10 milljónir
TVEIMUR karlmönnum sem setið
hafa í gæsluvarðhaldi vegna gruns
um aðild að þremur ránum og rán-
stilraun, vopnaðir sprautunálum, hef-
ur verið sleppt úr haldi. Einn maður
situr enn í haldi lögreglu og rennur
gæsluvarðhald yfir honum út í dag.
Ekki hefur verið tekin ákvörðun um
hvort krafist verði áframhaldandi
gæsluvarðhalds.
Í samtali við fréttavef Morgun-
blaðsins, mbl.is, sagði Ómar Smári
Ármannsson, aðstoðaryfirlögreglu-
þjónn hjá lögreglu höfuðborgarsvæð-
isins, að málið teldist upplýst. Ekki
léki grunur á að fleiri væru viðriðnir
málið og sá sem enn væri í haldi lög-
reglunnar væri sá eini sem hefði látið
til skarar skríða hverju sinni.
Hæstiréttur staðfesti í gær gæslu-
varðhaldsúrskurð yfir manninum. Í
úrskurðinum kemur fram að maður-
inn hafi neitað aðild. Hann hafi þó
enga skýringu veitt á því hvers vegna
munir úr ránunum hafi fundist á dval-
arstað hans.
Ránin teljast
upplýst
♦♦♦
ÚTFÖR Jónínu Sigríðar Gísladóttur, ekkju
Pálma Jónssonar í Hagkaupum, var gerð frá
Dómkirkjunni í gær.
Hjörtur Magni Jóhannsson, prestur Fríkirkj-
unnar í Reykjavík, jarðsöng.
Kistuna báru Sigurður Pálmi Sigurbjörns-
son, Jónína Bríet Jónsdóttir, Stella Rín Bielt-
vedt, Jón Felix Sigurðsson, Pálmi Jónsson,
Júlíana Sól Sigurbjörnsdóttir, Melkorka Katr-
ín Tómasdóttir og Gísli Pálmi Sigurðsson.
Morgunblaðið/Ómar
Útför Jónínu S. Gísladóttur
ÚTFÖR Helga Hallvarðssonar, fyrrverandi skip-
herra, var gerð frá Dómkirkjunni í Reykjavík í
gærdag.
Séra Hjálmar Jónsson dómkirkjuprestur jarð-
söng. Líkmenn voru Sigurður Steinar Ketilsson
skipherra, Benóný Ásgrímsson flugstjóri, Pétur
Steindórsson flugstjóri, Hjalti Sæmundsson að-
alvarðstjóri, Einar H. Valsson yfirstýrimaður,
Jón Kr. Friðgeirsson bryti, Benedikt Svav-
arsson vélstjóri og Birgir Jónsson lagerstjóri.
Morgunblaðið/Árni Sæberg
Útför Helga Hallvarðssonar
PÓLSKUR karlmaður sem lögregla
lýsti eftir, vegna gruns um aðild að
hrottalegri líkamsárás í Keilufelli í
Breiðholti sl. laugardag, gaf sig fram
í gærmorgun. Maðurinn var yfir-
heyrður í gærdag og að sögn lög-
reglu verður farið fram á gæsluvarð-
hald yfir honum í dag.
Fimm aðrir karlmenn sitja í varð-
haldi vegna sama máls.
Sá eftirlýsti
gaf sig fram
♦♦♦