Morgunblaðið - 28.03.2008, Síða 20

20 FÖSTUDAGUR 28. MARS 2008 MORGUNBLAÐIÐ
HÖFUÐBORGARSVÆÐIÐ
ÞAÐ má segja að með þessum upp-
skriftum viljum við kippa kart-
öflunni inn í 21. öldina. Það kunna
allir að sjóða og baka, en færri hafa
kynnst kartöflubrauði og súkku-
laðikökum sem gerðar eru úr kart-
öflum,“ segir Bergvin Jóhannsson,
formaður Landssambands kart-
öflubænda, í tilefni af því að sam-
bandið hefur gefið út uppskrifta-
bækling í tilefni af ári kartöflunnar.
Einar K. Guðfinnsson, sjávar-
útvegs- og landbúnaðarráðherra,
var á meðal gesta á veitingastaðnum
Friðriki V á Akureyri í fyrrakvöld
þegar sem bæklingurinn var kynnt-
ur og gestum boðið að smakka á tíu
kartöfluréttum sem finna má upp-
skriftir af í bæklingnum. Var Einari
afhent fyrsta eintak bæklingsins.
Bæklingurinn mun liggja frammi í
matvöruverslunum án endurgjalds
fyrir þá sem vilja kynnast nýjum
hliðum á kartöflunni.
„Kartaflan á sér tryggan sess í
eldhúsum landsmanna enda eru rétt
250 ár síðan kartöflurækt hófst hér á
landi,“ segir Sigríður Bergvinsdóttir
sem sér um útgáfu bæklingsins og
hefur staðið í ströngu við að búa til
uppskriftir og elda kartöflurétti fyr-
ir verkefnið. „Við finnum þó að neyt-
endur vilja prófa eitthvað nýtt og
þess vegna erum við að gefa út ný-
stárlegan bækling með nýjum upp-
skriftum og fróðleik. Nokkrir ein-
staklingar leggja okkur lið með
skemmtilegum frásögnum sem
tengjast kartöflunni og það er
öruggt að flestir ættu að finna sinn
uppáhaldskartöflurétt í bækl-
ingnum,“ segir Sigríður ennfremur.
Ljósmynd/Kristján
Kartöflur Guðbjörg Ósk Sveinsdóttir og Svanur Berg Jóhannsson afhentu
Einari K. Guðfinnssyni bæklinginn. Til hægri er Sigríður Bergvinsdóttir.
Kippa kartöflunni
inn í 21. öldina
HELGI og Hljóðfæraleikararnir
bjóða í dans í kvöld á Græna hatt-
inum á Akureyri, í tilefni 20 ára
starfsafmælis hljómsveitarinnar.
Þetta verður fyrsti viðburðurinn í
röð ýmissa skemmtana sem staðið
verður fyrir á árinu, en á döfinni eru
t.a.m. bókaútgáfa, bolaprentanir og
nýr diskur til að gleðjast yfir þessum
merka áfanga.
„Já, þetta er alveg dagsatt,“ segir
Helgi Þórsson forsprakki hljóm-
sveitarinnar. „Við erum víst orðnir
þetta gamlir. En látum samt hvergi á
sjá og höfum hreinlega aldrei verið
ferskari. Við erum reyndar engan
veginn sambærilegir við klisjuna um
rauðvínið, hún endist illa og verður
verri og verri eftir því sem hún er
endurtekin oftar. Við erum aftur á
móti ferskir eins og nýbruggað rabb-
arbaravín og komum sterkir undan
vetrinum, albúnir í nýja vertíð í
rokkinu.“
Helgi lofar góðri skemmtun í
kvöld og segir að áhersla verði lögð á
gamla smelli í bland við sjaldheyrð-
ari lög. „Já, við ætlum nú að bjóða
okkar yndislega múgi og margmenn-
inu upp á nýtt lag, en reiknum ann-
ars fastlega með að spila lögin sem
lifað hafa lengst á tónleikum. Svo
pússum við rykið af nokkrum göml-
um perlum líka. Þetta verður alveg
himnesk kvöldstund, reikningsskil
fyrir 20 dásamleg ár.“
Upphafið má rekja til hljómsveit-
ar í Hrafnagilsskóla; hún hét því ag-
gressíva nafni Attack og meðlimirnir
voru Atli Rúnarsson trommari, gít-
arleikarinn Brynjólfur Brynjólfsson,
Bobbi, og bassaleikarinn Beggi,
Bergsveinn Þórsson, sem allir eru
enn að. „Þá vantaði söngvara. Höfðu
heyrt ógurleg org í mér þegar ég
gerði tilraun með það hve hátt ég
gæti öskrað, fengu mig í prufu og ég
var ráðinn,“ segir Helgi. Þegar
þarna var komið hét sveitin reyndar
Múspellssynir. Nafnið sótt í Snorra
Eddu. „En það voru vandaræði með
nafnið; menn spurðu Mús hvað? Það
gekk ekki. Á þessum tíma hétu
hljómsveitir gjarnan ... og eitthvað;
Langi Seli og skuggarnir, Adam and
The Ants. Þetta var okkar svar við
því; Helgi og Hljóðfæraleikararnir.
Hljómsveitin fór hraustlega af
stað, segir Helgi, síðan dormaði hún
um tíma, „en við höfum samt verið
með tónleika og alls kyns uppákom-
ur á hverju ári, misjafnlega margar
þó. En síðustu 10 ár höfum við spilað
mikið.“
Sveitarmennirnir koma hver úr
sinni tónlistaráttinni þannig að úr
verður einhvers konar popprokk-
grautur, að sögn Helga. Þeim finnst
gaman að spila hart rokk „en stund-
um erum við þverflautur og getum
verið á blíðu nótunum.“
Textarnir eru alltaf frumsamdir
og Helgi og félagar hans semja stöð-
ugt nýtt efni. „Sköpunin á sinn þátt í
því að hljómsveitin lifir,“ sagði hann.
„Þetta hefur aldrei snúist um biss-
ness – bara gleði.“
„Hefur aldrei snúist um
bissness – bara gleði“
Helgi Forsprakkinn, Helgi Þórsson, á góðri stundu á sviði með félögum
sínum, Hljóðfæraleikurunum, í sveitinni sem við hann er kennd.
Helgi og Hljóð-
færaleikararnir
fagna 20 árum
AKUREYRI
ALCAN á Íslandi hefur samið við verktaka-
fyrirtækið Klæðningu um lagningu um 2,3
km langrar vatnsleiðslu frá álverinu í
Straumsvík að golfvelli Golfklúbbsins Keilis
í Hafnarfirði og ennfremur um gerð uppi-
stöðulóns á golfvellinum. Kælivatnið úr ál-
verinu hefur hingað til farið beint í sjóinn en
verður nú nýtt til að vökva golfvöllinn og
greiðir Alcan kostnaðinn við verkið.
Framkvæmdir hófust eftir páska. Karl
H. Jónsson, yfirverkstjóri Klæðningar, seg-
ir að ljúka eigi 1. áfanga 15. apríl og verkinu
í heild 1. október í haust.
Lögð verður niðurgrafin lögn frá álverinu
yfir hraunið inn að 8. braut golfvallarins.
Þar verður gerð um 1.300 fermetra sett-
jörn, sem verður annars vegar hindrun á
golfvellinum og hins vegar nokkurs konar
miðlunarlón fyrir vökvunarkerfið. Jafn-
framt verður byggður dælubrunnur með
tveimur dælum til að dæla vatni í tjörnina.
Ólafur Ágústsson, vallarstjóri Keilis, seg-
ir Keilismenn vera mjög þakkláta Alcoa fyr-
ir þennan rausnarskap, sem muni lækka
rekstrarkostnað á vellinum. Lögnin bjóði
líka upp á spennandi kosti varðandi ræktun
á grasi, því vatnið sé allt að 20 gráða heitt.
Vatn frá Alcan
á velli Keilis
Framkvæmdir Unnið við lagningu vatns-
leiðslunnar, sem verður niðurgrafin, en
göngustígur verður lagfærður í leiðinni.
Eftir Steinþór Guðbjartsson
steinthor@mbl.is
SAMKVÆMT skýrslu slökkviliðs-
ins á höfuðborgarsvæðinu bjuggu
1.254 manns í óleyfilegum íbúðum í
atvinnuhúsnæði á svæði slökkvi-
liðsins í febrúar 2007. Könnun í
Hafnarfirði og Garðabæ í ár gefur
vísbendingar um að fjöldinn hafi
tvöfaldast á einu ári, að sögn
Bjarna Kjartanssonar, sviðsstjóra
forvarnarsviðs slökkviliðsins á höf-
uðborgarsvæðinu.
Mikil fjölgun
Slökkviliðið á höfuðborgarsvæð-
inu kortlagði í janúar og febrúar í
fyrra fjölda og dreifingu óleyfi-
legra íbúða í atvinnuhúsnæði á
starfssvæði slökkviliðsins. Sam-
bærileg könnun var gerð 2003. Þá
var farið í fullgilda eldvarnaskoðun
í hverju húsi sem búseta fannst í en
fjöldi íbúa ekki áætlaður. Til að fá
hugmynd um fjölgun íbúa í um-
ræddu húsnæði milli áranna 2003
og 2007 var áætluð íbúatala fyrir
árið 2003 út frá hlutfalli áætlaðrar
íbúatölu 2007 og fjölda búsetuein-
inga 2007 (íbúðir eða sjálfstæð her-
bergi).
Bjarni Kjartansson segir að fyrri
könnunin hafi verið gerð, þegar
ljóst hafi verið að farið var að búa í
iðnaðarhúsnæði í auknum mæli og
eldvarnir ekki verið í lagi. Í fyrra
hafi aftur verið farið af stað vegna
skýrra vísbendinga um mikla aukn-
ingu íbúa í þessum byggingum.
Niðurstaðan varð sú að bygg-
ingum með óleyfilega búsetu fjölg-
aði um meira en 60% á tímabilinu
og búsetueiningum um 115%. Var-
lega áætlað jókst íbúafjöldi svipað
og fjöldi búsetueininga eða um
115%.
2003 voru 124 byggingar á höf-
uðborgarsvæðinu með óleyfilega
búsetu en 201 bygging 2007. Bú-
setueiningum fjölgaði úr 394 í 842
og íbúum úr 587 í 1.254. Búsetuein-
ingunum fjölgaði mest í Reykjavík
eða úr 185 í 423. Í Kópavogi fóru
þær úr 102 í 213, úr 73 í 138 í Hafn-
arfirði, úr 8 í 37 í Mosfellsbæ, úr 25
í 29 í Garðabæ, úr engri í eina á Sel-
tjarnarnesi og talan var óbreytt á
Álftanesi eða ein búsetueining
hvort ár. Nýjustu tölur úr Hafn-
arfirði og Garðabæ eru frá því á
þessu ári.
Bjarni Kjartansson segir að nú
séu húsin metin eftir alvarleika
ágalla og eigendur varaðir við lok-
un ef þurfa þykir. Hins vegar fái
eigendur nokkurt svigrúm til þess
að leysa sín mál, annaðhvort með
úrbótum þar sem þær séu heim-
ilaðar eða með því að láta af þessari
notkun húsanna.
Um miðjan mánuðinn lét
slökkviliðsstjóri loka þremur íbúð-
um á höfuðborgarsvæðinu. Bjarni
segir að reynt sé að forðast lokanir
en þeim sé beitt sé þörf á því.
Ólöglegt húsnæði kortlagt
Íbúum í óleyfi-
legu húsnæði
fjölgar ört
Í HNOTSKURN
» Slökkviliðið skráir ólög-legar íbúðir í atvinnu-
húsnæði og sýna tölur að slík-
um íbúðum og þar með íbúum
hefur fjölgað mjög mikið á
skömmum tíma.
» Oft vantar flóttaleiðir ogreykskynjara í íbúðir í iðn-
aðarhúsnæði.
» Kortlagningin nær ekki tilólöglegra íbúða í sam-
þykktum íbúðahverfum og er
vísað á byggingafulltrúa.
Morgunblaðið/Frikki
Breytingar Iðnaðarhúsnæði hentar oft ekki fyrir þá starfsemi sem það var hugsað fyrir í byrjun og bæjaryf-
irvöld í Hafnarfirði ætla til dæmis að breyta skipulagi í iðnaðarhverfi til að búseta verði heimiluð.