Morgunblaðið - 11.05.2008, Side 59
MORGUNBLAÐIÐ SUNNUDAGUR 11. MAÍ 2008 59
VERZLUNARSKÓLINN stendur
fyrir miklum fagnaði laugardaginn
17. maí nk. fyrir afmælisárganga
skólans, þ.e. stúdenta sem eiga af-
mæli sem mælist í hálfum eða heil-
um tug.
Fagnaðurinn verður haldinn í
veislusal Gullhamra í Grafarholti
og hefst með fordrykk kl. 19.
Fulltrúar afmælisárganga og skól-
inn hafa lagt metnað sinn í að gera
veisluna sem best úr garði og vænta
þess að júbílantar fjölmenni, segir í
tilkynningu.
Undirbúningsnefndir allra af-
mælisárganganna hafa starfað í
vetur að undirbúningnum og reynt
hefur verið að ná til allra sem hlut
eiga að máli. Varðandi frekari upp-
lýsingar má benda á heimasíðu
skólans, www.verslo.is.
Hægra megin á síðunni er mynd
af nýstúdent og eldri stúdent og ef
smellt er á þá mynd opnast sér-
stakur stúdentavefur fyrir afmæl-
isárganga.
Einnig má komast beint á stúd-
entavefinn með því að slá inn eft-
irfarandi slóð: http://atl-
as.verslo.is/studentafagnadur.
Á stúdentavefnum er að finna all-
ar upplýsingar er viðkoma fagn-
aðinum, gamlar og nýjar myndir af
nemendum og frá ýmsum við-
burðum úr skólalífinu gegnum tíð-
ina, segir í fréttatilkynningu.
Miðar verða seldir á skrifstofu
skólans og lýkur sölunni þriðjudag-
inn 13. maí. Einnig er hægt að
panta og greiða miða á netinu.
Ungir og eldri Verzlóstúdentar hittast og gleðjast saman.
Ungir og eldri Verzló-stúd-
entar hittast og gleðjast
IÐNHÖNNUN, aldarafmæli, sendi-
bréf og „Frímerkin mín“ eru mynd-
efni á fimm frímerkjaröðum sem Ís-
landspóstur gaf út 8. maí.
Í röð um íslenska iðnhönnun eru
fjögur frímerki þar sem myndefnið
er alíslensk hönnun. Tækin á frí-
merkjunum hafa öll hlotið viður-
kenningu af ýmsu tagi innanlands og
utan. Verðgildi frímerkjanna er 65,
120, 155 og 200 krónur. Hönnuður er
Örn Smári Gíslason, grafískur hönn-
uður.
Hitaveitufagráð Samorku hefur
ákveðið að miða beri 100 ára afmæli
hitaveitu á Íslandi við vorið 2008. Þá
er öld liðin frá því að heitu vatni var
veitt úr hver til kyndingar á bænum
Syðri-Reykjum í Mosfellssveit.
Verðgildi frímerkisins er 75 krónur.
Hönnuður er Pétur Baldvinsson
grafískur hönnuður.
Hafnarfjörður 100 ára
Hinn 1. júní 1908 fékk Hafnar-
fjarðarbær kaupstaðarréttindi.
Hafnfirðingar sóttu um að bærinn
yrði gerður að sjálfstæðu sveitarfé-
lagi 1875. Verðgildi frímerkisins er
80 krónur. Hönnuður er Borgar
Hjörleifur Árnason, grafískur hönn-
uður.
Sendibréf eru sameiginlegt þema
Evrópufrímerkjanna árið 2008.
Myndefnin eru táknmyndir tveggja
sendibréfa sem fara á milli lítillar
stúlku og afa hennar. Hönnuður frí-
merkjanna er Örn Smári Gíslason.
Verðgildi frímerkjanna er 85 og 110
krónur.
Frímerkin mín
Íslandspóstur hefur ákveðið að
hefja útgáfu persónulegra frímerkja
í júní nk., sem nefnd verða „Frímerk-
in mín“. Með þessu gefst viðskipta-
vinum tækifæri til að setja sínar eigin
myndir á frímerki. Í tilefni útgáfunn-
ar gefur Íslandspóstur út svokallað
„opinbert, persónulegt frímerki“
sem sent verður öllum áskrifendum
nýrra frímerkja. Verðgildi frímerk-
isins er „Bréf 50 g innanlands“ sem
er ígildi 75 króna. Hönnuður er Örn
Smári Gíslason, grafískur hönnuður.
Útgáfa nýrra frímerkja
Útgáfa Iðnhönnun er myndefni á
einni af fimm frímerkjaröðum. MORGUNBLAÐINU hefur borist
eftirfarandi athugasemd frá Hlyni
Hallssyni, varamanni VG í Skóla-
nefnd Akureyrar, vegna ummæla
Elínar Margrétar Hallgrímsdóttur
í Morgunblaðinu í vikunni:
„Formaður skólanefndar Akur-
eyrarbæjar sendi nýverið frétta-
tilkynningu sem rétt er að staldra
við. Tilefni hennar var bókun und-
irritaðs á fundi skólanefndar
mánudaginn 5. maí s.l. um aukinn
kostnað við einkarekstur leikskól-
ans Hólmasólar. Fréttatilkynning
hennar birtist í Morgunblaðinu
fimmtudaginn 8. maí undir fyr-
irsögninni „Segir Hlyn fara með
rangt mál“. Í henni fullyrðir for-
maðurinn að undirritaður fari með
rangt mál um að einkarekstur
Hólmasólar sé dýrari en opinberu
leikskólanna. Staðreyndin er hins
vegar sú og það veit formaður
skólanefndar Akureyrarbæjar
mætavel að Akureyrabær greiðir
hærri upphæð með hverju barni á
einkarekna leikskólanum Hólmasól
en fyrir hvert barn á opinberum
leikskólum Akureyrarbæjar. Að
vísu er það svo að rekstraraðilar
leikskólans Hólmsólar eiga að sjá
um sálfræðiþjónustu í stað þess að
samnýta slíka þjónustu með öðrum
leikskólum á Akureyri. Slíkt getur
falið í sér aukakostnað fyrir leik-
skólann. En þetta er algjört auka-
atriði þegar horft er til þess að
samningurinn við rekstraraðila
Hólmasólar er vísitölubundinn en
rekstur annarra leikskóla þarf að
halda sig við fjárhagsáætlun með
fastri upphæð án vísitölubinding-
ar. Það er því fyrirséð að kostn-
aður vegna samnings bæjarins við
leikskólann muni hækka á næstu
mánuðum enda mælist verðbólga
um 12%. Leikskólar á Akureyri
sitja því ekki við sama borð. Ekki
verður heldur séð að Hólmasól sé
að einhverju leyti hagkvæmari
rekstrareining en opinberu leik-
skólarnir eins og talsmenn einka-
væðingar þreytast ekki á að reyna
að telja fólki trú um.
Foreldrar barna við Hólmasól
borga nú verulegar upphæðir fyrir
þjónustu sem er innifalin í leik-
skólagjaldi foreldra annarra leik-
skóla á Akureyri eins og sérstakt
netgjald. Eins eru foreldrar rukk-
aðir fyrir hvert byrjað korter sem
börnin eru umfram umsaminn vist-
unartíma. Eftir stendur að leik-
skólinn Hólmasól er kostnaðar-
samari fyrir Akureyrarbæ og
foreldra.
Í niðurlagi fréttatilkynningar
formanns skólanefndar er eftirfar-
andi fullyrðing: „Hlynur segir fjöl-
breytt skólastarf mikilvægt en ein-
ungis skuli treysta opinberum
aðilum fyrir því.“ Þetta er ekki
rétt enda styð ég foreldrarekna
leikskóla og hef góða reynslu af
starfsemi þeirra. Einkarekinn leik-
skóli í hagnaðarskyni er hins veg-
ar að mínu mati afleit lausn.
Ítrekað skal hér að gagnrýni
mín beinist að einkarekstrarstefnu
Sjálfstæðisflokksins en ekki að
hugmyndafræði Hjallastefnunnar.“
Athugasemd frá Hlyni Hallssyni
SÍÐARI hluti ráðstefnunnar Hafn-
arborgir: Endurbygging hafnar-
svæða og miðborga (Reinventing
Harbour Cities. International
Conference on Urban Planning and
Art in Public Space) fer fram í Nor-
ræna húsinu laugardaginn 10. maí
kl. 10–17.
Ráðstefnan hefur það að mark-
miði að opna umræður og beina sjón-
um að borgarhönnun og hlutverki
lista í opinberu rými hafnarborga.
Frummælendur verða Martin
Biewinga, Jürgen Bruns-Berentelg,
Louise Mielonen Grassov, Yvonne P.
Doderer og Vito Acconci.
Endurskipulagning og breytt
ímynd hafnarborga er áskorun fyrir
borgarhönnuði og listamenn sem
búa og vinna á þessum svæðum.
Einkafyrirtæki og fjárfestar hafa
aukið vald og áhuga á uppbyggingu
eldri borgarhluta sem gefur lista-
mönnum einstakt tækifæri til að
endurskoða þeirra eigin möguleika á
að taka þátt í mótun og þróun opin-
berra rýma.
Ráðstefnan fer fram á ensku.
Ráðstefnan er á vegum Kynning-
armiðstöðvar íslenskrar myndlistar /
CIA.IS í samvinnu við myndlistar-
deild / hönnunar og arkitektúrdeild
Listaháskóla Íslands og Norræna
húsið.
Dagskrá ráðstefnunnar má finna á
www.cia.is/news/conference.htm
Alþjóðleg ráðstefna um borgar-
hönnun og listir í opinberu rými Í TILEFNI 30 ára afmælis Félagsíslenskra landslagsarkitekta, FÍLA,
stendur félagið fyrir fyrirlestri á
Grand hótel þriðjudaginn 13. maí.
Fyrirlesari er Jan Gehl arkitekt
og prófessor frá Kaupmannahöfn.
Hann mun fjalla um efni bók-
arinnar „Nyt byliv“.
Bókin fjallar um rannsóknir og
breytingar á borgarútivist í Kaup-
mannahöfn sl. 40 ár.
Fyrirlesturinn verður á ensku.
Húsið opnar með hádegishress-
ingu kl. 11.30. Fyrirlesturinn hefst
kl. 12.
Fyrirlestur
um Kaup-
mannahöfn NOKKUR umræða hefur verið hér álandi að undanförnu vegna hugsan-
legra heimilda til handa íslensku lög-
reglunni til að bera rafbyssur við
störf sín.
„Í ljósi þeirra staðreynda sem fyr-
ir liggja, bæði hættu á misnotkun,
fjölda dauðsfalla þar sem rafbyssur
koma við sögu og þeirrar staðreynd-
ar að þær valda miklum sársauka
sem getur jafnast á við pyndingar
hefur Íslandsdeild Amnesty Int-
ernational lagt áherslu á að íslensk
lögregluyfirvöld taki ekki upp raf-
byssur hér á landi.“
Kemur þetta fram ífréttatil-
kynningu frá Íslandsdeild Amnesty
International.
Vilja ekki
rafbyssur