Morgunblaðið - 03.07.2008, Page 36

36 FIMMTUDAGUR 3. JÚLÍ 2008 MORGUNBLAÐIÐ
MINNINGAR
SKÁKSVEIT Rimaskóla varð í 5.
sæti af átta þátttökusveitum á
Evrópumóti Grunnskóla sem lauk í
Varna í Búlgaríu um helgina. Sveitin
hlaut 15 vinninga af 28 mögulegum,
vann tvær viðureignir, gerði þrisvar
jafntefli og tapaði tvisvar. Sveitin
var skipuð Hjörvar Steini Grétars-
syni, Herði Aron Haukssyni, Sigríði
Björgu Helgadóttur og Hrund
Hauksdóttir. Efst varð pólsk sveit,
þá kom sveit frá Búlgaríu, í 3. sæti
varð rúmensk sveit og í 4. sæti búlg-
örsk sveit. Þetta er i fyrsta skipti
sem Rimaskóli telur þátt í þessu
móti en barnaskólinn í Vestmann-
eyjum og Salaskóli hafa einnig verið
meðal þátttakenda. Teflt var í fimm
aldursflokkum og var Rimaskóli í
elsta aldursflokknum, 16 ára og
yngri, en yngstu þátttakendur þessa
móts voru átta ára og yngri. Mótið
var haldið í fimmta sinn. Það er vel
til fundið hjá forsvarsmönnum skák-
félaga og grunnskólanna að taka
þátt. Sveitir frá Austurblokkinni
hafa hingað til verið langmest áber-
andi í þessu móti og er styrkur
þeirra meiri en gengur og gerist.
Þess vegna má líta á mótið sem góða
æfingu fyrir Norðurlandamót
grunnskóla sem fram fer i haust.
Ingvar Ásbjörnsson sem um langt
skeið hefur verið einn besti liðs-
maður Rimaskóla hóf nám við MR
sl. haust og er Rimaskóli ekki með
jafnöfluga sveit og áður. En Hjörvar
Steinn Grétarsson er þarna enn þá
og hann stóð sig frábærlega vel á
„Gullnu söndunum“ við strendur
Varna. Eftir jafntefli í fyrstu umferð
gerði Hjörvar sér líti fyrir og vann
sex síðustu skákir sínar og hlaut því
6 ½ vinning af sjö sem var besti ár-
angur fyrsta borðs manna á mótinu.
Meira er þó um vert hversu gott
handbragð er á sigurskákum hans.
Hörður Aron hlaut 3 vinninga á 2.
borði og tefldi vel á köflum. Þá virð-
ist Sigríður Björg Helgadóttur vera
í mikilli framför en hún hlaut 4 vinn-
inga af sjö og var óheppin að fá ekki
meira því hún misst auðunnið tafl
niður í tap í sjöttu umferð. Hrund
Hauksdóttir var yngsti meðlimur
sveitarinnar og bætti mjög við
reynslu sína. Liðsstjóri og þjálfari
liðsins var Skákmeistari Reykjavík-
ur, Davíð Kjartansson.
Stórmótið í Dortmund hafið
Eitt sterkasta reglulega skákmót
ársins, Sparkassen-mótið í Dort-
mund hófst um síðustu helgi en þar
tefla átta skákmenn tvöfalda umferð.
Vladimir Kramnik fer þar fyrir
nokkrum öflugum stórmeisturum en
af topp 10 listanum eru þar einnig
Úkraínumaðurinn Vasilí Ivantsjúk,
Ungverjinn Peter Leko og Azerinn
Skariyar Mamedyarov. Þá er sigur-
vegaranum á Aeroflot-mótinu í
Moskvu einnig boðið til leiks en þar
er á ferðinni ungur Rússi, Ivan Ne-
pomniachtsjí. Að loknum tveimur
fyrstu umferðunum hafa Kramnik,
Leko sem lagði Ivantsjújk að velli í 2.
umferð og Þjóðverjinn Jan Gustars-
son tekið forystuna og eru með 1 ½
vinning. Það er ekki verra fyrir
Kramnik að hafa Loek Van Wely
meðal keppenda því Hollendingur-
inn er nánast skyldupunktur hjá
Kramnik. Í skák þeirra byggir
Kramnik stöðu sín upp á fremur
óvenjulegan hátt, sniðgengur
„þrætubókina“ og hrifsar til sína
frumkvæðið með 10. Re5. Van Wely
er merkilega grandalaus um hætt-
urnar og eftir nokkra hnitmiðaða
leiki 17. Bxe4 og 18. c5 hefur svartur
ratað í mikil vandræði. Vandinn vex
stórum er svartur nær ekki að valda
g7-peðið nægilega vel, 22. f5 var
nauðsynlegt og að lokum verða veik-
leikarnir á svörtu reitunum og
hornalínunni a1-h8 honum um megn:
Dortmund 2008; 2. umferð:
Vladimir Kramnik – Loek Van
Wely
Slavnesk vörn
1. d4 d5 2. c4 c6 3. Rf3 Rf6 4. e3 e6
5. b3 Rbd7 6. Bb2 b6 7. Bd3 Bb7 8.
0–0 Bd6 9. Rbd2 0–0 10. Re5 De7 11.
Df3 Hfd8 12. Dh3 h6 13. f4 Bb4 14.
Rdf3 Re4 15. Rxd7 Hxd7 16. Re5
Hc7 17. Bxe4 dxe4 18. c5 bxc5 19. a3
Ba5 20. dxc5 Dxc5 21. b4 Db5 22.
Dg3 Bb6
23. Rd7 g6 24. Rf6+ Kf8 25. Be5
Hcc8 26. Dh4 h5 27. Rh7+ Ke8 28.
Bd6 Hc7 29. Hfd1
– og svartur gafst upp.
Alþjóðlegt mót Hellis
Skákfélagið Hellir stendur fyrir
alþjóðlegu móti sem hefst 16. júlí nk.
Í húsnæði SÍ í Faxafeni 12. kepp-
endur eru alls 10 talsins en með
mótinu er ýmsum ungum skákmönn-
um gefinn kostur á að vinna sér
áfanga að alþjóðlegum titli. Þátt-
tökulistinn lýtur þannig út:
Vladimir Lazarev (Frakkland),
Björn Þorfinnsson, Magnús Örn Úlf-
arsson, Heikki Westerinen (Finn-
land), Róbert Lagerman, Sigurður
Daði Sigfússon, Hjörvar Steinn
Grétarsson, Omar Salama, Andrzej
Misuga (Pólland) og Atli Freyr
Kristjánsson.
Rimaskóli í fimmta sæti á EM
Oflug Skáksveit Rimskóla fyrir framan keppnisstaðinn í Varna í Búlgaríu,
frá vinstri: Hrund Hauksdóttir, Hjörvar Steinn Grétarsson, Hörður Aron
Hauksson og Sigríður Björg Helgadóttir.
helol@simnet.is
SKÁK
Varna, Búlgaríu
20.-29. júní 2008
Evrópumót grunnskóla 16 ára og yngri
Helgi Ólafsson
Bikarkeppnin
Dregið hefir verið í þriðju umferð
bikarkeppninnar og spila eftirtaldar
sveitir saman:
INDA - Grant Thornton
Norðanstrengur - Vís
Hrafnh. Skúlad. - Kristinn Kristinss.
Bregi jarðverk - Björgvin Már
Þröstur Árnas. - Sparisj. Skagafj/Siglufj.
Eykt - Vegas
Unaós - Pottormarnir
Ómar Freyr Ómarss. - Omar Sharif
Úrslit annarrar umferðar:
Pottormarnir – Eyþór Jónsson 102-82
Eðvarð Hallgrímsson – VÍS 53-127
Grant Thornton – Erla Sigurjónsd. 161-37
Omar Sharif – Gunnar B. Helgason 90-69
Söluf. garðyrkjum.– Kristinn Kristins. 67-84
Hulda – Hrafnhildur Skúladóttir 62-141
Spsj. Skagafj og Siglufj.–
Valdimar Elíass. 166-55
Landsbankinn – Inda 91-149
Vegas – BBF 143-92
Haraldur Gunnlss. – Þröstur Árnas. 79-110
Ómar F. Ómarsson – Mr. Bæjó 119-116
Breki jarðverk – Sparisj. í Keflavík 114-26
Björgvin Már – kriskris.is 123-62
Gylfi Baldursson – Unaós 41-51
Málning hf. – Norðanstrengur 64-100
BYR – Eykt 64-104
Sumarbrids í fullum gangi
á Akureyri
Undanfarið hefur verið spilað á
fimm borðum öll þriðjudagskvöld og
skemmtileg barátta farið fram.
Í bikarkeppni BSÍ hefur ein Akur-
eyrarsveit þegar dottið út þegar BYR
tapaði gegn Eykt 64-104 en sveit Víð-
is Jónssonar, Pottormarnir vann sveit
Eyþórs bróður hans frá Sandgerði.
Eldri borgarar í Hafnarfirði í frí
Föstudaginn 27. júní var spilað á 12
borðum. Meðalskor var 216. Úrslit
urðu þessi í N/S:
Ólafur Ingvarsson – Þorsteinn Sveinss. 258
Magnús Oddss. – Oliver Kristóferss. 235
Bragi Björnss. – Auðunn Guðmundss. 233
A/V
Sigríður Gunnarsd. – Lilja Kristjánsd. 264
Oddur Halldórsson – Eyjólfur Ólafss. 254
Jón Lárusson – Halla Ólafsdóttir 253
Þetta var síðasta spilamennskan á
þessu vori. Næst verður spilað þriðju-
daginn 12. ágúst.
BRIDS
Umsjón Arnór G.
Ragnarsson| norir@mbl.is
eytt saman í gegnum árin. Helgarnar
á skíðum í bláfjöllum og utanlands-
ferðir til Austurríkis. Ég á líka góðar
minningar af útilegum og þá sérstak-
lega úr Þórsmörk. Ég hafði svo mikla
ánægju af því að umgangast þig. Þú
hafðir þann eiginleika að láta fólki líða
einstaklega vel í kringum þig. Alltaf
varstu glaðvær og stutt í grínið. Þú
gast líka verið þrjóskur og mikill
keppnismaður. Þú varst hlýr per-
sónuleiki og mikill leiðbeinandi í þér.
Þú varst frábær. Við áttum sérstakt
samband þú og ég. Í fyrstu varstu
mér meira sem uppalandi en seinna
eftir að ég varð fullorðinn urðum við
góðir vinir. Þú hélst áfram að ala mig
upp en leitaðir líka til mín með ákveð-
in mál. Í seinni tíð rifjaðir þú ósjaldan
upp skemmtilegt atvik sem þér var
minnisstætt úr skíðaferð til Austur-
ríkis þegar ég var yngri. Við vorum
þar fjölskyldurnar saman á skíðum.
Uppi í fjalli var búið að leggja þessa
fínu braut og fólki boðið að spreyta
sig á tímatöku. Þegar niður var kom-
ið, þá var prentaður miði með tíma
hvers og eins. Þú að sjálfsögðu skor-
aðir á mig í keppni. Ég byrjaði og
komst niður með ágætisárangri og
var nokkuð sáttur við tímann. Nú var
röðin komin af þér. Þú tókst vel á því
en þegar niður var komið sástu að
tíminn hefði getað verið betri. Þú
varst því snöggur til og hirtir gamlan
miða sem lá á jörðinni með þessari
fínu tímatöku. Ég varð síðan svaka-
lega hissa þegar ég sá „tímann þinn“
og þurfti auðvitað að játa mig sigr-
aðan. Þú leiðréttir þetta nú seinna en
þarna náðir þú mér algjörlega. Þetta
lýsir ágætlega þínum frábæra húmor
og þessari glettnu stríðni. Oft hlógum
við saman af þessu atviki. Síðustu ár
var keppnin meira komin í golfið. Þú
auðvitað búinn að leiðbeina mér í
þeirri íþrótt í mörg ár og loksins gát-
um við tekið alvörukeppni saman.
Mínir skemmtilegustu hringir á
sumrin voru ávallt einvígin sem við
háðum. Við áttum alltaf frábæran dag
á vellinum og slökuðum síðan vel á
eftir hringinn og spjölluðum saman
um daginn og veginn.
Elsku Jón minn, ég á eftir að sakna
þín sárlega.
Elsku Gerða, Lára, Ásta, Pétur og
aðrir ættingjar og vinir, ég votta ykk-
ur mínu dýpstu samúð. Megi guð vera
með ykkur. Ykkar vinur,
Brynjólfur.
Kæri vinur
Við burtför þína er sorgin sár
af söknuði hjörtun blæða.
En horft skal í gegnum tregatár
í tilbeiðslu á Drottin hæða.
og fela honum um ævi ár
undina dýpstu að græða.
Ég kveð þig, hugann heillar minning blíð,
hjartans þakkir fyrir liðna tíð,
lifðu sæl á ljóssins friðar strönd,
leiði sjálfur Drottinn þig við hönd.
(Guðrún Jóhannsdóttir.)
Elsku Nonni, takk fyrir allt og allt.
Elsku Gerða, Lára, Gingi, Ásta,
Pétur, Helga María og Jón Skúli, við
vottum ykkur okkar dýpstu samúð og
biðjum góðan guð að styrkja ykkur í
þessari miklu sorg.
Bryndís og Garðar.
Það varð mér mikið áfall þegar mér
var sagt frá andláti Jóns. Ég get ekki
varist tárum þegar ég hugsa til þess
að hann sé farinn og komi ekki aftur.
Á stundum sem þessum þá leitar hug-
urinn víða og á stuttum tíma þá fara í
gegnum huga minn fjölmargar minn-
ingar um þann tíma sem liðinn er frá
því ég kynntist Jóni. Ég hitti Jón
fyrst þegar ég sótti um vinnu í Snæ-
fiski árið 2000. Í starfsviðtalinu sá ég
að þarna var ákveðinn maður og ég
man að ég hugsaði að þessum manni
yrði ég að sýna hvað ég gæti svo ég
fengi starfið. Ég var svo ákveðin í að
fá starfið að ég hringdi nokkrum sinn-
um í hann til að minna á mig og það
varð úr að Jón lét eftir og ákvað að
ráða mig. Ég hóf störf í Snæfiski þeg-
ar fyrirtækið var til húsa í Þverbrekk-
unni. Ég komst fljótt að því að þetta
litla fjölskyldufyrirtæki hafði stóra
sál og mér fór strax að líða sem einni
af fjölskyldunni. Á þeim tíma sem ég
vann í Snæfiski þá stækkaði fyrirtæk-
ið, við fluttum í nýtt og betra húsnæði
og það varð alltaf meira og meira að
gera. Margar gleðistundir koma upp í
hugann eins og hin árlegu jólahlað-
borð sem voru alltaf jafnskemmtileg
og sumarbústaðaferðin sem ein-
kenndist af gleði, hlátri og skemmtun
í bland við góðan mat auðvitað. Þetta
var frábær tími sem ég á aldrei eftir
að gleyma.
Jón var frábær yfirmaður og ég tel
að hann hafi mótað mig bæði sem
starfsmann og sem persónu. Þegar ég
hóf háskólanám þá lauk starfi mínu
hjá Snæfiski en mér fannst ég eiga
Jóni mikið að þakka. Hann hafði
kennt mér heilmikið sem ég tók með
mér í mitt nám og nýttist mér vel. Ég
hikaði ekki við að hringja í Jón ef mig
vantaði einhverjar upplýsingar vegna
námsins og hann miðlaði ávallt sinni
miklu reynslu sem kom mér oftar en
ekki á rétta sporið. En Jón var ekki
aðeins frábær yfirmaður, hann var
einnig einstakur maður, ákveðinn,
sterkur og góður vinur. Kvöldið fyrir
brúðkaupið mitt þá sat ég og raðaði
gestunum niður á borð. Þegar ég kom
að Jóni og Gerðu þá setti ég þau á
borð með fjölskyldunni minni og mín-
um nánustu vinum. Mér fannst þau
eiga þar heima vegna þess að ég lít á
þau bæði sem fjölskyldu og vini.
Ég sendi ykkur, elsku Gerða, Ásta,
Pétur, Lára, Gingi, Helga María og
Jón Skúli mínar innilegustu samúðar-
kveðjur. Ég mun hugsa til ykkar og
megi Guð vaka yfir ykkur á þessum
erfiða tíma.
Fanney Steinsdóttir.
Jón Ólafsson kunningi minn er dá-
inn. Það er svo sárt að sjá eftir góðum
félaga. Hann var frábær einstakling-
ur, hrókur alls fagnaðar og alltaf með
húmorinn til staðar. Ég kynntist Jóni
fyrst í skíðadeild Fram upp úr 1982
þegar ég gerðist þjálfari þar, það tók-
ust á með okkur góð vinabönd. Jón
var drifkraftur mikill og deildin
stækkaði hratt, hann stjórnaði móta-
haldi með mikilli eljusemi og dugnaði,
þó að yfirbyggingin á mótshaldi hafi
verið of þunnskipuð þá reddaði Jón
því. Eitt skiptið setti ég upp skíða-
skóla fyrir almenning um páska, það
komu um 100 manns. Jón var fljótur
að sjá að þarna voru miklir peningar
fyrir skíðadeildina, hann sá að við réð-
um ekkert við þennan fjölda og kom
strax með samningatilboð, skíðadeild-
in fær 70% og þið hinir 30% og ég verð
skólastjórinn. Það var aldrei hægt að
segja nei við Jón. Ég man eftir að við
vorum á skíðum í Aspen í Colarado í
mars 1999, 30 manna hópur frá Ís-
landi í níu daga skíðaferð; næstsíðasta
daginn kom Jón að tali við mig um að
setja upp skíðaskóla fyrir hópinn,
kenna þeim frítt. Mér fannst það ansi
mikil fórn að binda mig í kennslu í 1
dag og njóta þess ekki að fá að leika
mér, en hvað gerir maður ekki fyrir
Jón þegar hann spyr, það er ekki
möguleiki að geta sagt nei við hann.
Enda sló þessi kennsla í gegn og vakti
mikla lukku. Jón var fljótur að finna
nafn á skólann, sem hét Skíðaskóli
Jóns Ólafs með Guðmundi. Hann lét
mig taka byrjendur og valdi síðan
besta hópinn sjálfur, og alltaf kallaði
hann úr lyftunni þegar hann fór
framhjá: „Gengur þetta ekkert hjá
þér?“ og svo fylgdi hlátur mikill. Í vet-
ur spjölluðum við saman um skíðfar-
arstjórn og ferðir, við gátum gantast
með það að segja „mundu eftir vatn-
inu“. Þegar farið er í ræktina í einn
tíma drekkur maður einn lítra af
vatni, en að skíða 6 tíma og drekka
einn kaldan í hádeginu er ekki nóg.
Bruni í lærum og verkir eru afleiðing
af vatnsskorti, þannig að við vorum
alltaf með þetta slagorð þegar við
skrifuðum hvor öðrum póst, ég heima
og Jón á Ítalíu eða Austurríki:
„Mundu eftir vatninu“. Á vordögum
hittumst við nokkrum sinnum og
ræddum um lífið og framtíðina. Í lok
maí sátum við á kaffihúsi og Jón var
að segja mér plönin um að vera einnig
fararstjóri í golfferðum, og auðvitað
voru sagðir nokkrir brandarar. Þegar
við kvöddumst, þá sagði Jón: „Ég
borga núna og þú borgar næst.“
Með þessum fáu orðum vil ég
þakka fyrir að hafa kynnst þér, þú
hefur verið mér frábær félagi sem
hefur reynst mér vel og gefið mér góð
ráð og mikinn fróðleik. Ég sendi mín-
ar dýpstu samúðarkveðjur til Gerðar,
Láru, Ástu, Péturs Marinós og fjöl-
skyldu ykkar sem eiga um sárt að
binda.
Sagt hefur verið að fæðing og dauði
sé gjöf frá guði, og hann hefur gefið
okkur hversdagsleikann til að
blómstra í honum. En þar sem lífið er
styttra en andartak, vertu þá hjá mér
andartak til að faðma mig eilíflega.
Þinn vinur
Guðmundur Gunnlaugsson.
Jón Ólafsson
 Fleiri minningargreinar um Jón
Ólafsson bíða birtingar og munu
birtast í blaðinu á næstu dögum.