Morgunblaðið - 08.08.2008, Blaðsíða 2

2 FÖSTUDAGUR 8. ÁGÚST 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Ylfu Kristínu K. Árnadóttur
ylfa@mbl.is
NEMENDUR í 8.-10. bekk við
Korpuskóla, sem hingað til hafa
þurft að hafast við í heilsuspillandi
bráðabirgðakennslustofum, þurfa
næstu tvo vetur að sækja kennslu í
Víkurskóla. Á þeim tíma verður
byggð fjölnota viðbygging við
Korpuskóla sem mun rúma kennslu
fyrir fyrrnefnda árganga.
Foreldrar nemenda í Korpuskóla
samþykktu þetta á fjölmennum
fundi í gær. Um er að ræða ályktun
sem Júlíus Vífill Ingvarsson, for-
maður menntaráðs, og Ragnar Þor-
steinsson fræðslustjóri unnu í sam-
ráði við fulltrúa foreldra og
samþykkt var af foreldraráði og for-
eldrafélagi Korpuskóla.
Í ályktuninni segir einnig að leitað
verði til opinberra aðila um að fram-
kvæma og kosta lögmæta sýnatöku
sem ekki verður hægt að vefengja
fyrir dómstólum svo „þeir foreldrar
sem þess óska geti leitað réttar síns
telji þeir að heilsutjón eða annar
skaði hafi orðið af viðveru í sýktu
bráðabirgðakennsluhúsnæðinu við
Korpuskóla frá árinu 2005“.
Lausar kennslustofur víða
Korpuskóli var tekinn í notkun ár-
ið 2005 og var strax frá upphafi of lít-
ill miðað við nemendafjölda. Bráða-
birgðakennslustofur sem standa á
lóð skólans voru því teknar í notkun
strax sama ár og hefur kennsla á
unglingastigi farið þar fram. Fund-
urinn í gær var haldinn í kjölfar þess
að úttekt á bráðabirgðastofunum í
júní leiddi í ljós að þar væru myglu-
sveppir og bakteríur í miklu magni.
Júlíus Vífill sagði að lausar
kennslustofur væru allt of víða í
borginni en þær væru nauðsynlegar
til að bregðast við auknum nemenda-
fjölda. Það væri stefna menntaráðs-
ins að vinda ofan af þessari þróun en
það tæki tíma þar sem stofurnar
væru um 100 talsins.
Ragnar Þorsteinsson fræðslu-
stjóri sagði þá ákvörðun að senda
nemendurna í Víkurskóla meðan
byggt væri við Korpuskóla langsam-
lega farsælustu leiðina og undir það
tók Svanhildur Ólafsdóttir, skóla-
stjóri Korpuskóla, sem sagðist
styðja fyrirkomulagið heilshugar.
Eftir framsögur var spurningum
foreldra svarað en þegar síga fór á
seinnihluta fundarins var varpað
fram gagnrýni, undir lófataki við-
staddra, á að fjölmiðlum og stjórn-
málamönnum væri boðið á þennan
fyrsta kynningarfund með foreldr-
um nemendanna. Kvöddu þá Júlíus
Vífill og aðrir borgarfulltrúar og
embættismenn og þökkuðu fyrir sig.
Blaðamanni var hins vegar vísað inn
á bókasafn meðan hann beið þess að
sjá hvort ályktunin yrði samþykkt,
sem hún svo var, eftir nokkrar um-
ræður og lófaklapp.
Þurfa að sækja
nám í öðrum skóla
Morgunblaðið/Kristinn
Einbeitt Fjöldi foreldra mætti í gær á fundinn í Korpuskóla.
Nemendur 8.-10. bekkjar í Korpuskóla sendir í Víkurskóla
ERLENDIR ferðamenn eru oft fljótir að læra á íslenskt veðurfar, hér eru
tveir á Laugaveginum í Reykjavík í gær og greinilega staðráðnir í að sýna
ekki á sér bilbug í steypiregninu. En í dag er spáð sól og ljúfu veðri um
mestallt landið, rigning verður þó á norðanverðum Austfjörðum.
Morgunblaðið/Golli
Hressandi regn á Laugavegi
Eftir Þorbjörn Þórðarson
thorbjorn@mbl.is
HÆSTIRÉTTUR staðfesti í gær úr-
skurð héraðsdóms þess efnis að ekki
væru fyrir hendi skilyrði fyrir því að
fyrrverandi sambýlismanni konu,
sem kært hafði hann áður fyrir lík-
amsárás, yrði gert að sæta áfram-
haldandi nálgunarbanni gagnvart
henni. Maðurinn hafði áður sætt
nálgunarbanni frá 31. janúar. Einn af
þremur dómurum skilaði sératkvæði
og vildi framlengja nálgunarbannið.
Lögreglan á höfuðborgarsvæðinu
gerði kröfu um að maðurinn héldi sig
í 50 metra fjarlægð frá heimili kon-
unnar og að hann hringdi ekki í hana
eða nálgaðist hana á annan hátt.
Ákæru vegna ætlaðrar líkams-
árásar mannsins gagnvart konunni
var vísað frá héraðsdómi 10. apríl sl.
vegna annmarka á ákæru. Áverkar
konunnar voru rifbeinsbrot, sprungin
hljóðhimna auk þess sem hún var með
fjölda marbletta víðs vegar um líkam-
ann. Meirihluti Hæstaréttar, skipaður
Jóni Steinari Gunnlaugssyni og Ólafi
Berki Þorvaldssyni, staðfesti úrskurð
héraðsdóms, þar sem segir að þrátt
fyrir að fullnægjandi rök hafi á sínum
tíma staðið til þess að nálgunarbanni
yrði beitt í því skyni að vernda konuna
verði ekki fallist á að þær forsendur
séu nú fyrir hendi. Í niðurstöðu meiri-
hlutans kemur jafnframt fram að ekki
liggi fyrir rökstudd ástæða til að ætla
að maðurinn muni fremja afbrot gagn-
vart konunni.
Í sératkvæði Páls Hreinssonar
kemur m.a. fram að vitnisburðir sem
fram hafi komið við rannsókn málsins
varpi ljósi á alvarleika þess ofbeldis
sem konan hafi mátt sæta af hálfu
mannsins. Af orðalagi 110. gr. laga
um meðferð opinberra mála og lög-
skýringagögnum megi ráða að beita
megi banninu ef fyrri hegðun manns
veiti vísbendingu um að raunveruleg
hætta sé fyrir hendi á að maður raski
friði þess sem í hlut á.
Fyrir héraðsdómi kom fram að
maðurinn hafði ekki virt upphaflegt
nálgunarbann en hann hafði án nauð-
synjar haft samband við konuna í
tengslum við sambúðarslit þeirra, en
bæði hafa þau lögmenn sem sinna
hagsmunum þeirra.
Nöfn ekki birt opinberlega
Velta má vöngum yfir því hvaða
hagsmuni maðurinn hafi af því að
nálgunarbann yfir honum sé ekki
framlengt. Um takmarkaða frels-
isskerðingu er að ræða. Í málum af
þessu tagi eru nöfn aðila aldrei birt
opinberlega. Rök um hugsanlega op-
inbera smán sem gæti fylgt því að
vera úrskurðaður í nálgunarbann
eiga því ekki við.
Nálgunarbanni hafnað
 Fær að nálgast sambýliskonu sína þrátt fyrir gróft ofbeldi  Hafði áður sætt
nálgunarbanni sem hann virti ekki  Sætir rannsókn vegna kynferðisofbeldis
Upphaf málsins var að 23. sept-
ember í fyrra barst tilkynning um
mikil læti úr íbúð konunnar og
mannsins, sem þá voru í sambúð.
Þegar lögregla kom á staðinn var
maðurinn í átökum við nágranna
sem komið hafði að. Konan lá hins
vegar í rúmi og virtust áverkar á
líkama hennar verulegir. Konan
kærði manninn einnig fyrir líkams-
árás 21. desember sl. Í skýrslutök-
um kom fram að konan hafði haft
samfarir við aðra menn sem sam-
býlismaður hennar tók upp á
myndband. Konan sagði að þetta
hefði verið andstætt vilja hennar
en hún hefði orðið að láta að vilja
mannsins því að öðrum kosti hefði
hún mátt þola líkamlegt ofbeldi af
hans hálfu. Maðurinn neitaði því
ekki að slíkt hefði átt sér stað.
Hinn 10. janúar á þessu ári kærði
konan manninn fyrir ítrekuð kyn-
ferðisbrot á árunum 2005-2008.
Líkamsárás og kynferðisofbeldi
LITHÁSKUR karlmaður á þrí-
tugsaldri, sem var handtekinn á
Keflavíkurflugvelli grunaður um
að smygla fíkniefnum innvortis,
hefur verið úrskurðaður í gæslu-
varðhald til föstudagsins 15. ágúst.
Að sögn lögreglunnar á Suður-
nesjum stöðvuðu tollverðir mann-
inn í venjubundnu eftirliti við kom-
una til landsins og í ljós kom að
hann var með hylki innvortis.
Grunur leikur á um að fíkniefni
séu í hylkjunum, en hvorki liggur
fyrir magnið né um hvaða fíkniefni
sé að ræða.
Beðið eftir meltingunni
Þess er beðið að hylkin fari sína
leið í gegnum meltingarkerfi
mannsins en það getur tekið
nokkra daga eða vikur. Maðurinn
er undir stöðugu eftirliti þar sem
líf hans er í hættu ef gat kemur á
hylkin eða umbúðirnar sem eru í
meltingarvegi hans.
Handtekinn
með hylki
innvortis
Úrskurðaður í
gæsluvarðhald
„Ég er tvístígandi,“ segir Guðrún Ragnarsdóttir, en hún á tvö börn í
Korpuskóla sem munu nú í haust og á næsta ári setjast á skólabekk í Vík-
urskóla. „Ég vil að sjálfsögðu að barnið mitt sé í skóla í sínu hverfi en styð
þetta af heilsufarslegum ástæðum.“
Páll Melsteð á son sem er að byrja í 9. bekk og fer þ.a.l. í Víkurskóla. „Ég
er hlynntur því að það verði byggt við Korpuskóla en mér finnst það verri
kostur að börnin verði send í annan skóla,“ segir Páll en að hans mati hefði
átt að reyna að útvega annað bráðabirgðahúsnæði við skólann.
Að sögn Katrínar Skaptadóttur fara nú í hönd erfiðir tímar. „Mitt barn
hefur aldrei fengið almennileg afnot af þessu skólahúsi. Hann byrjaði á
Korpúlfsstöðum, fór svo í skúrana og mun nú útskrifast úr Víkurskóla.
Þetta er eina lausnin í stöðunni en ég vona að börnin komi vel út úr þessu.“
Byrjuðu á Korpúlfsstöðum, fóru
svo í skúrana og loks í Víkurskóla