Morgunblaðið - 08.08.2008, Blaðsíða 4
4 FÖSTUDAGUR 8. ÁGÚST 2008 MORGUNBLAÐIÐ
FRÉTTIR
FRÉTTASKÝRING
Andrés Þorleifsson
andresth@mbl.is
SÍÐUSTU ár hefur orðið
sprenging í fjölda þeirra sem
stunda jaðarsport á hvers konar
tækjum. Hvert sem Morgunblaðið
leitaði sögðu menn að fjölgað hefði
verulega í hópnum og höfðu menn
almennt engar áhyggjur af því að
aftur kynni að fækka með versn-
andi efnahagsástandi.
Tugir byrja í kajakróðri
Mikil aukning hefur einnig orðið
í hópi kajakræðara á undanförnum
árum. Annars vegar er um að ræða
sjókajaka, sem eru um fimm metra
langir og eru eins og nafnið gefur
til kynna ætlaðir til notkunar úti á
sjó, og hins vegar eru til straumka-
jakar, sem notaðir eru í ám.
Tala má um sprengingu í fjölda
ræðara, en síðustu ár hafa rúmlega
50 bæst við félagsskap Kayak-
klúbbsins á hverju ári, sem er
stærsti félagsskapurinn á Íslandi
með um 400 manns. Munu með-
limir hans vera fjölbreyttur hópur
og er mest um að ræða útivist-
arfólk sem hugsar frekar um
íþróttina sem alhliða útivist heldur
en keppni.
Að sögn Páls Gestssonar, for-
manns Kayakklúbbsins, kostar
rúmlega 100 þúsund krónur að
byrja. Það sé það ódýrt að hann
eigi ekki von á að þrengingar í
efnahagsástandi skipti máli.
Fjölskyldan á vélhjóli
Fyrir fjórum árum voru um 100 í
Vélhjólaíþróttaklúbbnum (VÍK) en
að sögn Hrafnkels Sigtrygssonar,
formanns klúbbsins, eru þeir nú
um 1.000. Þá telur hann að hér sé
að finna um 7.000 torfæruhjól.
Hrafnkell telur skýringuna að
nokkru liggja í því að æfing-
arsvæðum fyrir íþróttina hefur
fjölgað ört, fyrir fáeinum árum hafi
aðstaðan nánast ekki verið til.
VÍK stendur fyrir tvenns konar
keppnum. Annars vegar er um að
ræða svokallað motókross, þar sem
ekin er stutt hringlaga keppn-
isbraut, og hins vegar „enduro“,
sem þýtt hefur verið sem þolakstur
á íslensku. Þar er keppt á lokaðri
braut á mun stærra landsvæði og
reynir mikið á þol keppenda. Ofan
á þetta nota menn götuskráð tor-
færuhjól til að ferðast um landið.
Fleiri svífa um loftið
Á síðustu fimm árum hefur með-
limum Fisfélags Reykjavíkur fjölg-
að úr um 50 í um 120 manns. Þar er
hópur áhugamanna um fisflug, svif-
vængjaflug, svifdrekaflug og svo-
kallað paramótorflug, þar sem svif-
vængur er notaður en sætið er með
mótor sem knýr loftskrúfu við bak
flugmannsins. „Fjölgun á vélfisum
væri mun meiri ef aðstaða væri
betri,“ segir Ágúst Guðmundsson,
formaður félagsins. Flugið stundi
jafnt menntskælingar sem ellilíf-
eyrisþegar. Stofnkostnaður sé þó-
nokkur en eftir það kosti lítið að
stunda íþróttina.
Fjör Það er ekki að undra þótt fólk sæki í hvers kyns jaðarsport enda getur fjörið verið mikið. Sífellt fleiri hafa látið draumana rætast.
Sækja í öðruvísi íþróttir
Æ fleiri stunda óhefðbundnar íþróttir á tækjum Tugir bætast við hóp
kajakræðara árlega Meira en tvöfalt fleiri í fisflugi nú en fyrir fimm árum
Hrafnkell Sigtryggsson er formaður Vélhjólaíþrótta-
klúbbsins, sem er stærsta félagið á landsvísu um torfæru-
vélhjólaíþróttina. Hann segir stærstu breytinguna sem
hefur orðið á hópnum vera þá að æ fleira fjölskyldufólk
sækir í íþróttina.
„[Þetta] er stærsta breytingin á hópnum, það er fjöl-
skylduvinkillinn sem er að koma inn,“ segir Hrafnkell,
og tekur dæmi af félaga sínum sem fer á vélhjólið ásamt
konu sinni og börnum.
„Strákurinn minn er tíu ára. Hann er ekkert að keppa
en hann hjólar um brautina,“ segir Hrafnkell, „Að setja strákana í þetta er
það sniðugasta sem ég hef gert í þessu. Þeir fara ekkert einir að hjóla. Ég
er með einn sem er 17 ára, Helga Má, sem hefur hjólað í sex til sjö ár. Ann-
ar, Hlynur Örn, sem er tíu hefur hjólað í hálft ár. Við erum saman í þessu
öllum stundum og svo er konan aðeins farin að prófa,“ segir Hrafnkell, og
bendir á að þetta hafi í för með sér að konum fjölgi í hópnum.
Fjölskyldan hjólar saman
Eftir Halldór Armand Ásgeirsson
haa@mbl.is
STARFSMENN Landhelgisgæsl-
unnar fóru um borð í trilluna Júlíönu
Guðrúnu norðvestur af Garðskaga í
gær og sigldu henni í land. Eigandi
hennar, Ásmundur Jóhannsson, hef-
ur ítrekað haldið til veiða á henni án
aflaheimilda og var báturinn fyrst
innsiglaður í gær.
Þessar veiðar hefur Ásmundur
stundað í mótmælaskyni gegn ís-
lenska fiskveiðistjórnunarkerfinu
sem hann kallar „stærsta glæpamál
Íslandssögunnar“. Samkvæmt upp-
lýsingum frá lögreglunni á Suður-
nesjum hefur Ásmundur nú verið
boðaður í yfirheyrslur.
Rannsóknardeild lögreglunnar
sér nú um málið og ákvörðun verður
tekin um hvort Ásmundur verður
kærður fyrir athæfi sitt.
„Nú hefjast málaferli. Ég fer í
mál. Mannréttindanefnd Sameinuðu
þjóðanna hefur ályktað skýrt gegn
þessu. Nú er að byrja nýr kafli í
þessu máli og ég er tilbúinn til að
fara alla leið.“
Ásmundur segir að þegar hann
var útgerðarmaður hafi kvótinn ver-
ið hirtur af honum. „Árið 1988 áttum
við eftir 186 tonn en fengum upp-
haflega 1.150 tonn. Við höfðum ekki
pólitískt bakland og kvótanum var
hreinlega stolið af okkur.“
Júlíana færð til hafnar
og innsigluð af lögreglu
Fiskveiðistjórnunarkerfinu mótmælt kröftuglega
Mótmæli Landhelgisgæslan stöðvaði Ásmund Jóhannsson í gær.
Eftir Pétur Blöndal
pebl@mbl.is
ÁSMUNDUR Jóhannsson, sem
sækir miðin frá Sandgerði án
aflaheimilda, seldi hlut sinn í út-
gerðarfélaginu Festi hf. í Grinda-
vík árið 1991 til meðeiganda síns
Sigmars Björnssonar vélstjóra.
Fyrirtækið átti loðnuskipið
Þórshamar og á þessum tíma-
punkti var það með 342 þorsk-
ígildi í kvóta í botnfiski og auk
þess tæp 200 tonn í rækju og
rúmlega 2% aflahlutdeild í loðnu.
„Þetta voru nú allt aðrar tölur
en nefndar eru í dag,“ segir Sig-
mar spurður um söluandvirðið.
„Mig minnir að það hafi verið á
bilinu 70 til 90 milljónir króna.“
Sigmar segist svo sem aldrei
hafa haft neinar skoðanir á þessu
kvótakerfi. „Maður gleymir nú
svona á 30 árum. En í upphafi
kvótakerfisins árið 1984 höfðum
við heimild til að veiða um 1.000
til 1.200 tonn af öllum mögu-
legum fiski en engar loðnuveiðar
voru leyfðar á þeim tíma. En
strax og loðnu var úthlutað aftur
þá var skorið af aflaheimildum
okkar í botnfiski á móti því. Og
það sat í honum. Það lentu ekki í
þessu nema fjögur loðnuskip, hin
voru ekki með neinar botn-
fiskheimildir. Svo var tekið
meira og meira en hinir loðnu-
bátarnir gátu náttúrlega ekki
farið niður fyrir núllið. Og fyr-
irtæki með fleiri skip gátu fært
heimildirnar á milli skipa. Ás-
mundur sagðist því hafa séð sitt
óvænna og seldi sig út úr grein-
inni á sínum tíma.“
Þegar skornar voru niður
botnfiskheimildir loðnuskipa á
sínum tíma, þ.e. þegar loðnu-
kvóta var aftur úthlutað, var
rökstuðningurinn sá að loðnu-
veiðar hefðu verið bannaðar að
hluta á viðmiðunarárunum og
þess vegna hefðu loðnuskipin
verið meira í bolfiski en ella.
Loðnuveiðar voru bannaðar um
áramótin 1981-1982 en þær voru
leyfðar aftur í litlum mæli í
nóvember 1983 og svo jukust
veiðarnar verulega 1985 og 1986.
Ásmundur seldi kvót-
ann fyrir 17 árum
Eftir Halldór Armand Ásgeirsson
haa@mbl.is
Fjármálastjóri
Garðabæjar ráð-
stafaði með ólög-
mætum hætti
9,2 milljónum
króna í eigin
þágu á nokkurra
mánaða tímabili.
Þetta uppgötvaðist við reglubundið
innra eftirlit á bæjarskrifstofum
Garðabæjar í fyrradag, skv. tilkynn-
ingu frá bæjarfélaginu í gær.
Fjármálastjórinn viðurkenndi að
um óheimila ráðstöfun hefði verið að
ræða og hefur hann þegar látið af
störfum. Hann hefur ennfremur
undirritað greiðslutryggingu til bæj-
arins vegna málsins.
Að sögn Gunnars Einarssonar,
bæjarstjóra í Garðabæ, millifærði
fjármálastjórinn einfaldlega upp-
hæðir úr sjóði bæjarins inn á eigin
reikninga.
Hann segir ennfremur að málið
hafi ekki enn verið kært til yfirvalda.
„Það er í farvatninu að tilkynna mál-
ið til yfirvalda.“
Fjármála-
stjóri dró
sér fé
Ráðstafaði 9,2 millj-
ónum í eigin þágu
Í gæslu vegna
hnífstungu
HÉRAÐSDÓMUR Reykjavíkur
hefur úrskurðað tvo karlmenn til að
sæta gæsluvarðahaldi til nk. mánu-
dags vegna hnífstunguárásar sem
átti sér stað í miðborginni aðfaranótt
sl. föstudags. Þriðji maðurinn var
handtekinn í fyrradag.
Í árásinni var karlmaður stunginn
í bakið á horni Hverfisgötu og Ing-
ólfsstrætis og fluttur á slysadeild
Landspítalans.
Samkvæmt upplýsingum lögregl-
unnar var staðið að árásinni með
þeim hætti að tveir menn voru á
gangi á Hverfisgötu og urðu á vegi
tveggja manna og einnar konu. Að
sögn lögreglu lenti fólkið í einhverj-
um orðaskiptum, sem endaði með því
að annar mannanna var stunginn í
bakið.