Morgunblaðið - 08.08.2008, Blaðsíða 8

&'( )*
+ ,- -
& . /
&
( &  0$ 0# 0" 0! 0 0




Eftir Hjálmar Stefán Brynjólfsson
hsb@mbl.is
Akureyri | Lögreglan kynnti í gær
átak gegn fíkniefnabrotum á Norð-
urlandi. Átakið felur í sér aukið sam-
starf á milli lögregluumdæmanna
fjögurra á Norðurlandi: Blönduósi,
Húsavík, Sauðárkróki og Akureyri.
Lögreglustjórar umdæmanna
undirrituðu samkomulag þess efnis í
gær. Samkvæmt því verður komið á
fót sérstöku teymi þriggja lögreglu-
manna við rannsóknardeild lögregl-
unnar á Akureyri ásamt lögreglu-
manni með fíkniefnahund.
Tveir lögreglumannanna í teym-
inu verða frá sérsveit ríkislögreglu-
stjóra. Starfsstöð fíkniefnateymisins
verður á Akureyri en umboð þess
nær til allra fjögurra lögregluum-
dæma á Norðurlandi.
Gert til að ná betri árangri
„Samkomulagið skapar nýtt
starfsumhverfi í fíkniefnamálum á
Norðurlandi,“ segir Björn Bjarna-
son dómsmálaráðherra. „Þetta er
gert til að ná betri árangri í þessum
málaflokki. Við vinnum þetta átak
sem tilraun fram að áramótum og
höldum áfram í samræmi við reynsl-
una af henni.“
Unnið var að mun færri fíkniefna-
málum hjá lögreglunni á Akureyri
árið 2007 en undangengin ár. Sam-
tals voru málin 78 á síðasta ári en
meira en 100 þrjú ár í röð þar áður.
Rannsóknarlögreglumenn á Akur-
eyri telja að hægt sé að ná betri ár-
angri, og að átakið geri kleyft að
sinna málum af sama krafti og áður.
Lögregluátak gegn fíkniefnabrotum
 Sérstakt teymi í fíkniefnamálum norðanlands
 Unnið að færri málum árið 2007 en undangengin ár Í HNOTSKURN»Átakið felur í sér aukiðsamstarf á milli lögreglu-
umdæmanna á Norðurlandi.
»Komið verður á fót sér-stöku teymi þriggja lög-
reglumanna við rannsókn-
ardeild lögreglunnar á
Akureyri.
»Með átakinu verður hægtað sinna fíkniefnmálum á
Norðurlandi af sama krafti og
á undangengnum árum.
8 FÖSTUDAGUR 8. ÁGÚST 2008 MORGUNBLAÐIÐ
FRÉTTIR
Eftir Helga Bjarnason
helgi@mbl.is
Norður-Hérað | Lax er byrjaður að
veiðast í Jökulsá á Dal. Er þetta
fyrsta alvöru laxveiðin í ánni sjálfri.
Enn sem komið er hefur veiðin ein-
göngu verið í neðsta hluta árinnar.
Lítið hefur verið reynt á Jökuldal en
menn eru ekki úrkula vonar um að
lax finnist þar áður en jökulvatn fer
að flæða í hana á yfirfalli Kára-
hnjúkastíflu, en Landsvirkjun áætlar
að það gerist um miðja næstu viku.
Um 40 laxar höfðu í gær veiðst á
vatnasvæði Jöklu, þar af 10 úr Jöklu
sjálfri, allir neðan brúar á Hringvegi.
Skilyrði sköpuðust til veiða í Jöklu
eftir að Kárahnjúkastífla var byggð
enda áin að mestu tær bergvatnsá
eftir það. Veiðiþjónustan Strengir
tók ána á leigu og hefur verið að
sleppa seiðum til að auka laxgengd
en náttúrulegir laxastofnar eru auk
þess í hliðarám.
Fallegir veiðistaðir
„Þetta er spennandi og mikið
verkefni, Jökla nær yfir stórt svæði
og hyljirnir eru stórir,“ segir Sig-
urður Staples, Súddi, veiðileið-
sögumaður hjá Strengjum. Hann var
fenginn úr Breiðdalnum til að leita
að góðum veiðistöðum í Jöklu með
heimamönnum. Þeir hafa einbeitt
sér að neðsta hluta Jökulsár, enda
næg verkefni þar. Ekkert hefur ver-
ið farið upp á Jökuldal, enn sem kom-
ið er. Þröstur Elliðason, eigandi
Strengja, vonast til að laxveiði verði
einnig í efri hluta árinnar en reyna
þurfi betur á það. Guðmundur Óla-
son, veiðivörður í Jöklu, segir að far-
ið verði til veiða á efra svæðinu um
helgina og reynt að kanna vel ákveð-
in svæði, jafnvel alla leið upp í Hrafn-
kelu.
Laxveiði hefur lengi verið í þver-
ám Jökulsár en lítil í ánni sjálfri, eins
og gefur að skilja. Skúli Björn Gunn-
arsson, sem ólst upp á bökkum ár-
innar, segir að lax hafi stundum
veiðst í net á vatnaskilum, þar sem
lækir renna út í ána. Hann hefur sett
í laxa þar í sumar og veiddi einn á
flugu og segir að þarna séu margir
fallegir veiðistaðir.
Að sögn Skúla eru sögur til af lax-
veiðum á Jökuldal en þær hafa ekki
verið staðfestar. Þar veiðist hins veg-
ar bleikja sem hann telur að sé kom-
in úr vötnum frammi á heiði. Skúli
Björn getur ekki frekar en aðrir
svarað því hvort þrengingar í Jök-
ulsá, ofan við brúna á Hringveginum,
hamli því enn að lax gangi upp á Jök-
uldal, segir að reynslan verði að
skera úr um það.
Allt úr skorðum vegna yfirfalls
Jökulvatn fer að flæða aftur í
Jöklu í næstu viku, þegar Hálslón
fyllist. Yfirfallið setur allt úr skorð-
um hjá þeim sem standa að ræktun
árinnar, því það kemur á besta veiði-
tímanum. Ekki þýðir að bjóða veiði-
mönnum að veiða í „kakóinu“, eins
og það er kallað. Þröstur vonast þó
til að laxinn skili sér upp í Hrafnkelu
sem er bergvatnsá og hann sjáist á
ármótum á Jökuldal, þótt jökulvatnið
nái yfirhöndinni í ánni sjálfri. Laxa-
seiðum var sleppt þarna í fyrra og
ættu þau að skila sér.
Þröstur segir að laxveiðin verði þó
alltaf mest í neðri hluta árinnar og
þverám þar. „Ég vonast til að Jökla
og hliðarár hennar verði fyrsta
flokks laxveiðisvæði,“ segir Þröstur.
Tíu laxar úr Jöklu
Lax hefur ekki sést uppi á Jökuldal en þar verður reynt að
veiða um helgina, áður en Hálslón fyllist og áin litast
Morgunblaðið/Helgi Bjarnason
Veiði Veiðiverðir og veiðimenn hafa verið duglegir að kanna nýja veiðistaði á neðra veiðisvæði Jökulsár á Dal. Hér
eru menn að veiðum uppi í Kaldá, einni af þverám Jöklu í Jökulsárhlíð.
FRÉTTASKÝRING
Eftir Skúla Á. Sigurðsson
skulias@mbl.is
TÖLVUPÓSTUR með titilinn „Ver-
um á varðbergi á útsölunum“ gengur
nú á milli fólks á veraldarvefnum. Í
honum eru íslenskir verslunarmenn
sakaðir um óheiðarleg vinnubrögð á
útsölum. Sérstaklega er fataversl-
unum borið á brýn að endurmerkja
flíkur skömmu fyrir útsölu til að
reiknað útsöluverð verði hærra.
Í bréfinu eru reynslusögur fólks í
þessa veru og verslanir sakaðar um
kerfisbundnar og ítrekaðar hækk-
anir fyrir útsölur. „Ef satt er, þá er
kaupmannastéttinni á Íslandi ekki
treystandi,“ segir í upphafi bréfsins.
Vara verður samkvæmt reglum
Neytendastofu um útsölur að hafa
verið til sölu og seld á því verði sem
tilgreint er sem fyrra verð áður en
hún fer á útsölu. Samkvæmt 14.
grein laga um eftirlit með órétt-
mætum viðskiptaháttum og gagnsæi
markaðarins verður að vera um
raunverulega verðlækkun að ræða
og skal fyrra verðs getið.
Rétt staðið að merkingum
„Það koma alltaf öðru hvoru
kvartanir um þetta og að sjálfsögðu
eru verslanir að brjóta lög ef þær
gera þetta,“ segir Jóhannes Gunn-
arsson, formaður Neytendasamtak-
anna. Ekki er kvartað meira til sam-
takanna nú miðað við fyrri
útsölutíðir en Jóhannes hvetur fólk
til að leita til Neytendastofu telji það
á sér brotið með þessum hætti.
Þar á bæ hafa borist álíka margar
ábendingar og venjulega þegar út-
sölur standa yfir.
Matthildur Sveinsdóttir hjá neyt-
endaréttarsviði Neytendastofu segir
stofnunina hafa grennslast fyrir um
hvernig staðið væri að útsölumerk-
ingum hjá þeim verslunum sem at-
hugasemdir bárust um. Skýringar
verslunarmanna hafi verið fullnægj-
andi og vinnubrögð við útsölumerk-
ingar í öllum tilfellum staðist lög.
Óheiðarleiki borgar sig ekki
Svanur Valgeirsson, rekstr-
arstjóri Debenhams, segir rétt stað-
ið að málum í versluninni en hennar
er meðal annarra getið í bréfinu.
Hann játar því að útsöluvörur hafi
verið endurmerktar en það hafi ekki
verið í óheiðarlegum tilgangi. Á
meðan ógreiddar vörur hafi beðið
verðmerktar á lager fyrirtækisins
hafi þær hækkað í verði vegna mik-
illar styrkingar evrunnar. Til að
mæta hinum aukna innkaupakostn-
aði hafi þurft að hækka verð og
merkja þær upp á nýtt.
Réttast hefði verið að mati Svans
að fjarlægja eldri verðmerkingar til
að fyrirbyggja misskilning. Hann
segir af og frá að Debenhams snuði
viðskiptavini sína með þessum hætti.
„Við værum fljót að keyra okkur út
af markaðnum ef við stunduðum
svona óheiðarleg vinnubrögð. Allar
svona kúnstir koma bara í bakið á
fyrirtækjum,“ segir Svanur.
Verslunarmenn
heiðarlegir við
verðmerkingar
Ásakanir um blekkingarleiki ekki réttar
Morgunblaðið/Valdís Thor
Rétt merkt? Neytendastofa segir
að svo hafi verið í öllum tilvikum.
Í HNOTSKURN
» Í tölvupóstinum eru versl-unarmenn sakaðir um að
merkja vörur hærra verði rétt
fyrir útsölur, lækka ekki verð
merktrar útsöluvöru og aðrar
blekkingar.
» Verslunarmenn segja end-urmerkingar og verð-
hækkanir koma til af snörpum
gengisbreytingum undanfar-
inna mánuða.
» Brot gegn lögum um eft-irlit með óréttmætum við-
skiptaháttum og gagnsæi
markaðarins og reglum sett-
um með stoð í þeim geta varð-
að sektum eða allt að sex mán-
aða fangelsi.
Í hlýindunum síðustu vikur hefur
verið mikið rennsli í Hálslón frá
Brúarjökli. Hluti þess fer til Fljóts-
dalsstöðvar. Þegar lónið fyllist fer
yfirfallið niður í farveg Jökulsár.
Yfirborð lónsins var í 622 metra
hæð yfir sjávarmáli í gærmorgun
og hefur hækkað um liðlega hálfan
metra á dag að undanförnu. Miðað
við innrennslið síðustu daga og
veðurútlit gerir Landsvirkjun ráð
fyrir að Hálslón nái yfirfallshæð,
625 metrum, í næstu viku, á
þriðjudag, miðvikudag eða
fimmtudag.
Vatnsrennsli í Jöklu mun aukast
nokkuð hratt eftir að lónið fyllist
og gæti orðið á bilinu 200 til 300
rúmmetrar á sekúndu eða jafnvel
meira. Landsvirkjun spáir því að
vatn muni renna á yfirfalli fram í
október.
Lónið fyllist um miðja vikuna