Morgunblaðið - 08.08.2008, Blaðsíða 16
16 FÖSTUDAGUR 8. ÁGÚST 2008 MORGUNBLAÐIÐ
MENNING
Morgunblaðið/Kristinn
Heiðursverðlaun Forseti Íslands afhendir Sigurgeiri verðlaunagripinn í Listasafni Íslands í gær.
SIGURGEIR Sigurjónsson ljósmyndari tók í
gær við Myndstefsverðlaununum 2008 úr
hendi forseta Íslands, Ólafs Ragnars Gríms-
sonar, í Listasafni Íslands. Þessa viðurkenn-
ingu hlýtur Sigurgeir fyrir ljósmyndir sínar
sem „draga upp sterka drætti úr íslenskum
veruleika sem sjá má í fjölmörgum og marg-
víslegum ljósmyndabókum hans“, eins og segir
í tilkynningu. Sigurgeir hlýtur eina og hálfa
milljón króna að launum.
Sigurgeir sagðist í gær fyrst og fremst
ánægður með að vera í svo fríðum hópi til-
nefndra. „Þetta fer í hið ljúfa líf,“ svaraði Sig-
urgeir í gær, spurður að því í hvað verðlauna-
féð myndi fara, og átti þar við listsköpun sína.
Hann hefur enda í nógu að snúast, er að vinna
að stórri bók með landslagstengdum ljós-
myndum frá Íslandi sem kemur út hjá Forlag-
inu á næsta ári og að ganga frá myndum frá
Argentínu í bók sem kemur einnig út á næsta
ári þar í landi. Auk Sigurgeirs voru tilnefnd
Eggert Pétursson myndlistarmaður, Snæfríð
Þorsteins og Hildigunnur Gunnarsdóttir hönn-
uðir, Steinunn Sigurðardóttir tískuhönnuður,
Studio Granda-arkitektar (Margrét Harð-
ardóttir og Steve Christer), Vík Prjónsdóttir
vöruhönnuðahópurinn og Vytautas Narbutas
sviðsmyndahönnuður. helgisnaer@mbl.is
Myndstefsverðlaunin voru veitt í fjórða sinn í gær
Sterkir, íslenskir drættir
Í HNOTSKURN
» Úrval af ljósmyndum Sigurgeirsmá finna á vefsíðunni www.icel-
andportfolio.com.
»Sigurgeir starfar í Reykjavík.Hann hefur gefið út fjölda vin-
sælla ljósmyndabóka, m.a. Hesta,
Svip-myndir, Landscapes og Lost in
Iceland.
SIGURLÍN M.
Grétarsdóttir -
Lína - opnar
myndlistarsýn-
inguna Það sem
augað ekki grein-
ir í dag kl. 17-20 í
DaLí Gallery á
Akureyri. Lína
dregur fram fegurðina í því sem við sjáum í
hversdagsleikanum en augað greinir ekki
vegna smæðar sinnar og setur það fram í olíu-
málverkum sínum. Lína útskrifaðist af fag-
urlistadeild Myndlistaskólans á Akureyri
2007. Hún er annar eigenda DaLí Gallery
ásamt Dagrúnu Matthíasdóttur. Til 24. ágúst.
Myndlist
Það sem augað
ekki greinir
Lína við eitt verka sinna.
TUTTI Bene er nýr lista-
salur sem opnaður verður
kl. 18 í dag á Skólavörðu-
stíg 22b. Dagskrá haustsins
verður fjölbreytt, með sýn-
ingum og fyrirlestrum. Á
Menningarnótt verða
danskir dagar á ensku þar
sem hinn frægi enski
hreimur Dana verður tek-
inn fyrir í hljóðverkum. Við
opnunina í kvöld leikur tón-
listarfígúran Nemo in Slumberland, Davíð Sig-
urðarson sýnir ránsfuglaverk, Klængur Gunn-
arsson sýnir ljósmyndir af húsveggjum og
Davíð Berndsen verður með krakkahornið.
Myndlist
Tutti bene á
Skólavörðustíg
Ljósmynd eftir
Klæng.
FORNLEIFAFRÆÐINGAR í Lund-
únum hafa fundið leifar leikhúss
sem talið er eitt fyrsta leikhús
borgarinnar og hið fyrsta til að
sýna verk Shakespeares þar.
Leikhúsið var opið, undir berum
himni. Leikhúsið er í Shoreditch í
austurhluta Lundúna og var á sín-
um tíma þekkt sem Leikhúsið, með
stórum staf, eða The Theatre. Vitað
er að þar steig Shakespeare á fjöl
sem leikari í leikflokknum Lord
Chamberlain’s Men og talið er að
verk hans hafi verið sýnd þar. Það
voru fornleifafræðingar frá Mu-
seum of London sem rötuðu á stað-
inn eftir miklar rannsóknir en leik-
húsið var vígt árið 1576.
Jo Lyon, yfirmaður fornleifa-
rannsókna safnsins, sagði í frétta-
tilkynningu: „Staðurinn er fundinn
og nú getum við því farið að huga
að smærri þáttum rannsóknanna
eins og því hvernig byggingin gæti
hafa litið út og auka þar með við
þekkingu okkar á því hvernig leik-
hús á Elísabetartímanum litu út.“
Fornleifafræðingar safnsins hafa
þegar rannsakað vettvang leikhús-
anna Rose, Globe og Hope.
Shakespeare
í Lundúnum
Leikhús skáldsins
í borginni fundið
Leikskáldið William Shakespeare.
Eftir Gunnhildi Finnsdóttur
gunnhildur@mbl.is
Á TÓNLEIKUM kammersveit-
arinnar Ísafoldar á Kjarvalsstöðum í
kvöld ganga gestir um húsið líkt og á
myndlistarsýningu. „Fólk labbar á
milli salanna eftir að hverju verki
líkur og í styttri verkunum er staðið
en í lengri verkunum er setið. Við
ætlum að hafa þetta svona létt og
skemmtilegt,“ segir Kristján Sig-
urleifsson kontrabassaleikari og
framkvæmdastjóri sveitarinnar. Á
tónleikunum verða flutt verk eftir
Ungverjann György Ligeti.
„Fyrst þegar við vorum að skoða
Kjarvalsstaði til þess að átta okkur á
því hvernig við myndum setja þetta
inn í salinn þá sáum við að á sýning-
unni sem er þar núna er mikið af víd-
eóverkum,“ segir Kristján og á þar
við sýninguna Draumar um ægifeg-
urð í íslenskri samtímalist. „Þar eru
verk sem er varpað upp á veggi og
við fórum að velta því fyrir okkur
hvernig við kæmumst fyrir þarna.
Þá komu upp hugmyndir um það
hvar væri skemmtilegast að spila
hvaða verk og við ákváðum að fara
með þetta út um allt og nýta rýmið.“
Stærra og meira batterí
Kammersveitin Ísafold hefur vak-
ið sífellt meiri athygli að undanförnu
og var til dæmis valin Tónlist-
arhópur Reykjavíkur í ár af menn-
ingar- og ferðamálaráði Reykjavík-
urborgar og flytjandi ársins í hópi
sígildra tónlistarmanna á Íslensku
tónlistarverðlaununum.
Sveitin stefnir á enn öflugra starf
á næstunni. „Þegar við byrjuðum þá
vorum við námsmenn og gátum bara
hist á sumrin. Nú langar okkur að
fara að gera þetta að stærra og
meira batteríi og hafa kannski fjóra
til fimm tónleika á ári til þess að
byrja með,“ segir Kristján.
Ísafold stendur nú í samninga-
viðræðum við tvær aðrar kamm-
ersveitir frá Vín og Madríd og skipu-
leggjanda frá Feneyjum um
samstarf um tónleikahald. „Það
myndi ná yfir þessi fjögur lönd og
við skipuleggjum tónleika fyrir þetta
fólk hér og þau fyrir okkur úti.“
Meðlimir Ísafoldar hyggjast gera
fleiri tilraunir með tónleikaformið að
sögn Kristjáns. „Það er hægt að
nýta ýmsa hluti til þess að gera tón-
leikana að stærri reynslu, til dæmis
með samstarfi við danshópa, lýsingu
og fleira.“
Ísafold á Kjarvalsstöðum
Ungversk tón-
verk á sýningu
Morgunblaðið/G.Rúnar
Ísafold Kammersveitin hefur verið í mikilli sókn að undanförnu.
JBK Ransu sýnir málverk í
húsakynnum SÍM, Hafn-
arstræti 16, frá 10 til 16 alla
virka daga út mánuðinn.
Ransu útskrifaðist úr Aka-
demie voor Beeldende
Kunst í Enschede í Hol-
landi árið 1995. Hann hefur
haldið fjölda samsýninga og
einkasýninga á Íslandi og
erlendis. Ransu hefur sinnt sýningarstjórnun
og unnið við kennslu í Myndlistarskólanum í
Reykjavík og við Listaháskóla Íslands. Ransu
hefur starfað sem myndlistargagnrýnandi hjá
Morgunblaðinu undanfarin ár. Þá hafa greinar
eftir hann birst í erlendum listatímaritum.
Myndlist
Ransu listamaður
mánaðarins í SÍM
JBK Ransu
DANSKI rithöfundurinn-
Vagn Lundbye kynnir nýj-
asta verk sitt Det Nordiske
Testamente í Norræna hús-
inu á morgun kl. 16. Det
Nordiske Testamente er
túlkun höfundarins á nor-
rænum goða- og hetju-
kvæðum. Verkið er í þrem
bindum sem höfundurinn
vann að í 5 ár og er ríkulega myndskreytt af
danska myndlistarmanninum Esben Hanefelt
Kristensen. Vagn Lundbye hefur m.a. hlotið
Det Danske Akademis Store Pris árið 2002 og
Föreningen Nordens Hederpris árið 2007. Að-
gangur að fyrirlestrinum er ókeypis.
Bókmenntir
Norræn goða-
og hetjukvæði
Vagn Lundbye
GYÖRGY Ligeti
fæddist inn í ung-
verska gyðinga-
fjölskyldu í Rúm-
eníu árið 1923.
Hann hóf tón-
skáldaferilinn
fremur seint, því
að þegar hann
var tvítugur var
hann tekinn til
fanga af nasistum og sendur í þrælk-
unarbúðir. Hann lauk námi í Búda-
pest eftir stríðið, en flúði til Austur-
ríkis eftir að ungverska byltingin
var brotin á bak aftur af Sovét-
mönnum árið 1956. Hann er hvað
þekktastur fyrir tónlistina í Kubrick
- myndunum 2001: A Space Odyssey,
The Shining og Eyes Wide Shut. Li-
geti lést fyrir tveimur árum.
Í kvöld verða flutt verkin Meta-
morphoses Nocturnes, Sechs Baga-
tellen, Melodien og Kammerkonsert
fyrir 13 hljóðfæri.
Tónleikarnir hefjast á Kjarvals-
stöðum klukkan átta.
Tónskáld
Kubricks
György Ligeti