Morgunblaðið - 08.08.2008, Blaðsíða 18

Eftir Steingrím Sigurgeirsson
sts@mbl.is
Fyrir tæpum aldarfjórðungi, nánartiltekið árið 1984, ákvað OlivierLeflaive að slíta sig fráfjölskyldufyrirtækinu Domaine
Leflaive og hefja framleiðslu á vínum undir
eigin nafni. Þetta var stórt skref, enda Do-
maine Leflaive með virtari framleiðendum í
Bourgogne. Hann hefur hins vegar haslað
sér völl sem hágæðaframleiðandi og það er
mikill fengur í því að vín hans skuli frá og
með síðustu mánaðamótum vera fáanleg á
Íslandi í fyrsta skipti. “
Olivier Leflaive „Les Sétilles“ 2006 er
hvítvín sem ber einföldustu appelation-
skilgreininguna í Búrgundí eða „AOC Bour-
gogne“. Þetta er engu að síður hörkuvín.
Djúpur reykblandaður sítrusávöxtur, van-
illa og smjör, þétt og feitt í munni. 2.090
krónur. 90/100
Olivier Leflaive „Les deux Rives Chablis“
2006 er toppklassa Chablis. Þurr steinefna-
kenndur ilmur, brennisteinn, sítrónubörkur
og fíkjur. Þétt og langt, straumlínulagað og
tignarlegt. 2.190 krónur. 92/100
Annar ungur Frakki sem hóf eigin rekst-
ur um svipað leyti er Pascal Jolivet. Fjöl-
skylda hans hafði verið tengd vínframleiðslu
í Loire um langt skeið en átti engar eigin
ekrur. Pascal Jolivet starfaði í fyrstu fyrir
Yndisleg frönsk og hvít
kampavínshúsið Pommery en stofnaði sitt
eigið fyrirtæki í Poilly-sur-Loire árið 1982.
Reksturinn var smár í sniðum í fyrstu en
smám saman fór hann jafnt sem orðspor
vínanna að vinda upp á sig. Í dag er Pascal
Jolivet einn virtasti vínframleiðandi San-
cerre og Pouilly-Fumé-vína en í þessum
tveimur þorpum, Sancerre og Pouilly, nær
Sauvignon Blanc hvað hæstum hæðum í
heiminum.
Pascal Jolivet Pouilly-Fumé „Les Grivot-
tes“ 2007 er gott dæmi um hvers vegna
þessi vín hafa náð jafnmiklum vinsældum og
raun ber vitni. Fersk angan af ferskjum,
greip, stikilsberjum og kryddjurtum, jafn-
vel bergamot eins og í Earl Grey-tei. Þétt
og ferskt, langt og elegant. 2.900 krónur.
91/100
Höldum okkur í Frakklandi og förum
suður í Rhone-dalinn en þaðan kemur létt
og lipurt rauðvín sem fer vel með léttum
sumarmáltíðum.
Joseph Pellerin Cotes-du-Rhone 2006 er
milt – það er hreinn og tær rauður berjaá-
vöxtur og rabarbari, einfalt, mjúkt og þægi-
legt. 1.590 krónur. 88/100
Og við leyfum einu góðu Nýja-heimsvíni
að fljóta með en það kemur frá Suður-
Afríku. Glen Carlou Tortoise Hill 2005 er
þægilegt og sumarlegt rauðvín, þétt með
plómusultu og bláberjum í nefi, vel upp-
byggt og þokkafullt. 1.740 krónur. 88/100
Eftir Guðrúnu Huldu Pálsdóttur
gudrunhulda@mbl.is
Gönguhópur Félags sam-kynhneigðra foreldraverður mun stærri í GayPride-göngunni á morg-
un, en síðustu ár. Enda hefur
samkynhneigðum foreldrum fjölg-
að til muna eftir að lesbíum var
heimilað að fara í tæknifrjóvgun
með lagabreytingum árið 2006.
„Samkynhneigðir foreldrar og
börn þeirra ásamt öðrum fjöl-
skyldumeðlimum upphefja ólík
fjölskylduform í göngunni í ár
undir yfirskriftinni „Stoltar fjöl-
skyldur“,“ segir Kolbrún Edda
Sigurhansdóttir sem ásamt Guð-
rúnu Óskarsdóttur fer fyrir hópn-
um. Í ár fagna aðstandendur hags-
muna- og baráttusamtakanna
Samtökin 7́8 þrjátíu ára afmæli fé-
lagsins. Margt hefur áunnist í
réttindabaráttu tví- og samkyn-
hneigðra á síðustu árum og mega
samkynhneigðir nú m.a. staðfesta
samvist í kirkju.
Skilningur meðal barnanna
Guðrún segist lítið verða vör við
fordóma gagnvart börnum sam-
kynhneigðra foreldra. „Ég held að
þekkingarleysi sé orsök fordóm-
anna ef þeir eru til staðar. En það
er eðlilegt að fólk spyrji um fjöl-
skyldumynstur okkar því þjóðfé-
lagið mótast af vísitölufjölskyld-
unni sem inniheldur börn og
foreldri sitt af hvoru kyni.“
Kolbrún Edda bætir við að for-
dómar hafi minnkað gagnvart
ólíku fjölskyldumynstri, enda séu
sífellt fleiri fjölskyldur sem eru
ólíkar hinni stöðluðu vísitölu-
fjölskyldu. „Með hjálp frá sam-
félaginu og skólakerfinu held ég
að við þurfum ekki að hafa neinar
áhyggjur af þessu. Skólakerfið
verður stöðugt að takast á við ólík
fjölskyldumynstur. Nú eru til
dæmis sífellt fleiri börn sem koma
frá ólíkum menningarheimum.
Eftir því sem þeim fjölgar sem
ekki falla inn í staðlað form þá
hættir fólk smám saman að
spyrja. Þekkingin byggist upp og
verður að lokum til staðar.“
Kolbrún segir börn samkyn-
hneigðra sýna ólíkum fjölskyldu-
mynstrum mesta skilninginn af
öllum. „Fyrir barnið er ekkert
eðlilegra en sú fjölskylda sem um-
vefur það, hvernig sem hún svo er
uppbyggð.“
Morgunblaðið/Valdís Thor
Stoltar mæður Dagný Steinunn Hjörvarsdóttir, Guðrún Óskarsdóttir og Kolbrún Edda Sigurhansdóttir eru í óðaönn að undirbúa fjölskylduhluta Gay Pride-göngunnar.
„Fyrir barnið er ekkert
eðlilegra en sú fjöl-
skylda sem umvefur
það, hvernig sem hún
er svo uppbyggð.“
Stoltar fjölskyldur í Gay Pride
|föstudagur|8. 8. 2008| mbl.is
daglegtlíf
Elísabet Rut Haraldsdóttir er 13
ára og er að taka þátt í sinni
þriðju Gay Pride-hátíð í ár ásamt
yngri bróður sínum Alex Una,
móður sinni Lilju Torfadóttur og
konu hennar Kolbrúnu Ósk Skafta-
dóttur.
Elísabet Rut segir rosalega
skemmtilegt að taka þátt í göng-
unni enda sé það mikil upplifun,
stuð og gleði.
Hún segir að sér hafi aldrei ver-
ið strítt vegna fjölskyldu sinnar en
hún sé stundum spurð af jafnöldrum sínum af forvitni. „Ég þarf
stundum að svara spurningum um hvernig ég og bræður mínir urðum
til. En vinkonur mínar sem þekkja mig vita að mamma og Kolla eru
lesbíur og finnst það alveg eðlilegt.“
Elísabet Rut segist hlakka mikið til göngunnar í ár enda sé yngsti
bróðir hennar, Felix Skafti, að taka þátt í henni í fyrsta sinn.
Gaman í göngunni
Pétur Stefánsson orti í leiðindaaustan hvassviðri
sunnanlands með mold og sandfoki
frá Mýrdælingum, sem byrgði sýn
til fjalla.
Blés af krafti um víðan völl,
vindur óþrjótandi.
Sá ég hvergi í fögur fjöll
fyrir Mýrdalssandi.
Hálfdan Ármann Björnsson
svaraði að bragði:
Neytti sólar Norðurland,
– nú er misjafnt gefið –
meðan Pétur Mýrdalssand
mátti taka í nefið.
Pétur langaði norður er hann
heyrði vísuna:
Meðan borgarbúalið
berst við moldarvinda,
leikur blíðan löngum við
landsmenn norðan tinda.
Hólmfríður Bjartmarsdóttir á
Sandi var ánægð með veðrið fyrir
norðan, en annað truflaði hana:
Nú er sól á Norðurlandi
nú er logn og sléttur sjór
og ægifagurt úti á Sandi.
Æ, ég gleymdi að kaupa bjór.
VÍSNAHORN
pebl@mbl.is
Af moldviðri
og blíðu
vín