Fréttablaðið - 18.04.2009, Síða 65

LAUGARDAGUR 18. apríl 2009 37
BAKHÚS AÐ HVERFISGÖTU 58A Ekki er hægt að leigja mönnum þetta
bakhús. Það er í eigu Samson Properties. FRÉTTABLAÐIÐ/VILHELM
KLAPPARSTÍGUR 30 Það er búið að gera ráðstafanir til þess að enginn
fari á gamla Sirkus aftur þótt oft hafi verið glatt þar á hjalla.
FRÉTTABLAÐIÐ/VILHELM
LAUGAVEGUR 33, 33B OG 33A Þessi hús eru í eigu ÁF-húsa. Þau eru
öll skráð auð á úttektarlista slökkviliðsins en eigandi segir nú einungis
miðhúsið ónotað. FRÉTTABLAÐIÐ/VILHELM
HVERFISGATA 28 Þetta hús er í eigu Festa. Rætt hefur verið um að
færa það að Bergstaðastræti. FRÉTTABLAÐIÐ/VILHELM
HVERFISGATA 32 OG 34 Framtíð þessara húsa, sem eru í eigu Festa, er
í algjörri óvissu. Félagið segist vera að gefast upp á óreiðu í yfirstjórn
borgarinnar. Húsin eru á reit Vatnsstígur-Klappastígur. FRÉTTABLAÐIÐ/VILHELM
Eignarhaldsfélagið Festar ehf. á húsin við Hverfisgötu 28, 32 og
34. Eins Laugaveg 21, en öll þessi hús standa auð. Hvað hyggst
félagið gera við þau?
Festar ehf. lögðu fram tillögu um breytingu á deiliskipulagi fyrir
allan Hljómalindarreitinn en húsin á þeim reit eru í eigu Festa
ehf. Benedikt Sigurðsson, stjórnarformaður Festa, segir málið
hins vegar komið í hnút. Hann segir að húsin á Hverfisgötu 32 og
34 hafi verið keypt til niðurrifs og íbúðir séu leigðar í húsi númer
28 þó það sé á skrá hjá Slökkviliði höfuðborgarsvæðisins sem
autt hús.
„Þessi tíðu stjórnarskipti í yfirstjórn Reykjavíkur hafa komið
framtíð húsanna í algjöra óvissu,“ segir hann. „Þau tefja málið og
svo vil ég segja það að ákvarðanataka í skipulagsmálum hlýtur að
grundvallast á langtímamarkmiðum en ekki á geðþótta ein-
staklinga, mér liggur við að segja frá mánuði til mánaðar.“ Hann
segir að eignarhaldsfélagið muni líklegast á næstu mánuðum
taka ákvörðun um framtíð húsanna en hann er svartsýnn á að
óvissuástandið breytist. Hann var spurður hvort félagið muni
losa sig við húsin. „Ja, hver getur keypt þau? Ef einkaaðilar eiga
að gera það verður að vera einhver hagur af húsunum.“ Hann
segir að rætt hafi verið um að færa húsið á Hverfisgötu 28 að
Bergstaðastræti.
FESTAR EIGA HÚSIN Á HLJÓMALINDARREIT EN ÞAR ERU AÐ MINNSTA KOSTI FJÖGUR AUÐ:
Segir húsin föst í óráði borgarinnar
Húsin að Laugavegi 33, 33a, 33b og 35 voru öll á skrá hjá
Slökkviliði höfuðborgarsvæðisins sem auð. Nú eru öll í notkun
nema hús númer 33b. Eins og alþjóð veit stendur svo húsið
við Vatnsstíg 4 autt. Þessi hús eru öll í eigu ÁF-húsa ehf. sem
hyggst byggja verslunar-, atvinnu- og íbúðarhúsnæði á reitn-
um sem húsin eru á. Hvar stendur það mál? „Það er verið að
afgreiða þetta í skipulagsráði, þetta er spurning um einhverjar
vikur eða mánuði,“ segir Ágúst Friðgeirsson, eigandi ÁF-húsa.
Hann segir að efnahagsástandið muni vissulega hafa áhrif
á framkvæmdir. „En fyrst er að klára skipulagið og svo er að
vinna markvisst í þessu.“
LAUGAVEGUR 33B OG VATNSSTÍGUR:
SKIPULAGSRÁÐ ER AÐ KLÁRA MÁLIÐ