Morgunblaðið - 06.09.2008, Blaðsíða 6
6 LAUGARDAGUR 6. SEPTEMBER 2008 MORGUNBLAÐIÐ
FRÉTTIR
Eftir Elvu Björk Sverrisdóttur
elva@mbl.is
„VIÐ finnum að það eru vaxandi erf-
iðleikar á þessu ári hjá fólki með að
láta enda ná saman. Fólk leitar til
okkar, til Ráðgjafarstofu heimilanna
og til bankanna sinna,“ segir Hall-
dór Sævar Guðbergsson, formaður
Öryrkjabandalags Íslands.
Stjórn félagsins sendi á fimmtu-
dag frá sér ályktun þar sem lýst er
þungum áhyggjum yfir bágri fjár-
hagsstöðu fjölda öryrkja og sjúk-
linga vegna sívaxandi verðbólgu og
hækkandi verðlags.
Vísað er í stjórnarsáttmála Sam-
fylkingar og Sjálfstæðisflokks þar
sem fram kemur að hlúa eigi sér-
staklega að þeim sem minnstar
tekjur hafa. Skorar ÖBÍ á stjórnvöld
að bregðast við vanda þeirra sem
verst eru settir.
Erfitt að ná endum saman
„Það sem okkur finnst verst í
þessu varðandi kjarasamningana í
vor er að þar eru slitin úr samhengi
kjarasamningar og bæturnar. Þetta
hefur haldist í hendur síðustu ár,
þangað til núna í ár,“ segir Halldór.
Misjafnt sé hvað öryrkjar fái í líf-
eyri en algengt sé að fólk hafi á
bilinu 110-130.000 eftir skatta.
„Það þarf engan snilling til að átta
sig á því að það er erfitt að ná endum
saman með þessa peninga milli
handanna,“ segir Halldór.
Öryrkjar leita eftir aðstoð
Greiðslur hafa ekki haldist í hendur við hækkanir á
almennum markaði og verðbólgan reynist þungur baggi
Í HNOTSKURN
»Stjórn ÖBÍ bendir á að lágmarkslaun hafi hækk-
að um 18.000 krónur í ný-
gerðum kjarasamningum, en
lífeyrir almannatrygginga
einungis um 7%.
»Það gerir 9.000 krónahækkun ef einstaklingur
hefur fulla greiðslu úr öllum
fjórum bótaflokkum al-
mannatrygginga.
»Kveðst stjórnin treystaþví að á fjárlögum fyrir
næsta ár verði að finna um-
talsvert auknar fjárhæðir til
handa þeim sem verst
standa.
MAÐURINN sem slasaðist þegar
hann féll af reiðhjóli ofan Ak-
ureyrar á þriðjudagskvöldið
hlaut alvarlegan mænuskaða.
Hann heitir Gísli Sverrisson, er
47 ára, kvæntur og fjögurra
barna faðir. Gísli liggur á Land-
spítalanum þar sem hann fór í
aðgerð og er enn á gjörgæslu-
deild.
Vinir Gísla hafa ákveðið að
hefja fjársöfnun til styrktar hon-
um og fjölskyldunni.
Mikill útivistarmaður
Gísli er mikill útivistarmaður,
gengur gjarnan á fjöll og er í
hópi fólks sem hjólar vítt og
breitt um Eyjafjörð tvisvar í
viku. Það er sá hópur sem hrind-
ir af stað söfnuninni. Gísli hefur
mátt í höndum en ekki fyrir neð-
an brjóst, enn sem komið er.
Reikningur vegna söfnunar-
innar hefur verið stofnaður hjá
Glitni. Númerið er 0565-14-
400216. Reikningurinn er skráð-
ur á nafn og kennitölu Gísla,
180561-7069. skapti@mbl.is
Hlaut
alvarlegan
mænuskaða
Fjallagarpur Gísli Sverrisson í 24
tinda göngunni sumarið 2007.
Myndin er tekin á Vindheimajökli,
ofan Akureyrar.
Fjársöfnun til styrkt-
ar fjölskyldunni
STAÐAN er óbreytt í kjaradeilu
sjómanna og útvegsmanna og hefur
næsti fundur verið boðaður á mið-
vikudag.
Fulltrúar LÍÚ, Sjómannasam-
bands, Íslands, Farmanna- og fiski-
mannasambandsins og VM-Félags
vélstjóra og málmtæknimanna áttu
fund hjá ríkissáttasemjara í fyrra-
dag, þó deilunni hafi ekki verið vís-
að formlega til sáttasemjara. Sævar
Gunnarsson, formaður Sjómanna-
sambandsins, segir að ekkert hafi
gerst og ekki séu miklar líkur á ár-
angri á meðan útvegsmenn standi
fast á kröfum sínum um aukna
kostnaðarþátttöku sjómanna í
slysatryggingu og olíu. Sævar segir
að lagfæra þurfi ýmis mál og það
helsta sé að endurskoða alla verð-
myndun á fiski.
Sjómannafélag Íslands hefur vís-
að kjaradeilu sinni til sáttameð-
ferðar og bíður eftir fundarboði.
steinthor@mbl.is
Pattstaða hjá
sjómönnum
Eftir Unu Sighvatsdóttur
unas@mbl.is
AGNESI Bragadóttur blaðamanni
Morgunblaðsins hefur nú verið birt
stefna vegna ummæla sinna um Árna
Johnsen í morgunþættinum Í bítið á
Bylgjunni hinn 9. júlí síðastliðinn.
Í þættinum sagði Agnes meðal ann-
ars að Árni ætti að hafa vit á því að
„halda kjafti“. „Mér fannst þessi
grein Árna náttúrlega algjört regin-
hneyksli enda finnst mér maðurinn
vera reginhneyksli. Hann er eiginlega
hálfgert stórslys þessi maður,“ sagði
Agnes aðspurð um blaðagrein Árna
um Baugsmálið og bætti við: „Hann
er dæmdur glæpamaður. Hann var
mútuþægur, dæmdur fyrir umboðs-
svik í tveggja ára fangelsi og svo stíg-
ur hann fram, maðurinn sem aldrei
iðraðist, hafði aldrei gert neitt rangt
og upphefur sjálfan sig …“
Árni krefst þess í kærunni að
Agnes greiði honum 5 milljónir kr. í
miskabætur vegna þess skaða sem
hann hafi orðið fyrir vegna ummæl-
ana. Þá krefst hann 500.000 kr. í birt-
ingarkostnað á dómnum í þremur
dagblöðum auk þess að málskostnað-
ur falli á Agnesi.
Agnesi Bragadóttur
stefnt fyrir meiðyrði
Kæru Árna Johnsen verður þinglýst hinn 9. september
Í HNOTSKURN
»6. febrúar 2003 dæmdiHæstiréttur Árna Johnsen
í 2 ára fangelsi fyrir fjárdrátt,
mútuþægni og umboðssvik.
» Í ágúst 2006 veittu svohandhafar forsetavalds
Árna uppreisn æru.
Agnes Bragadóttir Árni Johnsen
RAUÐUR símklefi var formlega af-
hjúpaður á nýju Lundúnatorgi í
Reykjanesbæ á Ljósanæturhátíð-
inni í gærkvöldi en torgið er annað í
röð fimm torga sem öll verða nefnd
eftir þekktum heimsborgum. Fyrir
er Reykjavíkurtorg með listaverki
eftir Ásmund Sveinsson.
Verkið sem afhjúpað var er ná-
kvæm eftirlíking af breskum síma-
klefa en hugmyndin, útfærsla og
önnur vinna við verkið var unnin af
Þorsteini Jónssyni og Katrínu Haf-
steinsdóttur hjá fyrirtækinu Kator.
Það var sendiherra Breta, Ian
Whitting, sem afhjúpaði verkið og
var það eitt af hans fyrstu embætt-
isverkum.
Ljósmynd/Dagný Gísladóttir
Lundúnatorg á Ljósanótt
„ÉG finn mikinn mun frá áramótum.
Hækkanir á mat og öðrum nauð-
synjavörum haldast ekkert í hendur
við það sem öryrkjar fá útborgað,“
segir Stefán Þórðarson. Hann er ör-
yrki og býr í 32 fermetra íbúð í Há-
túni. „Maður hefur horft upp á 30-
60% hækkun á sumum vöruflokkum.
Pulsupakki sem kostar 270 krónur
er kominn upp í 310 krónur,“ bendir
Stefán á.
Öryrkjar hafi fengið 6.000 króna
hækkun um áramót en svo hafi ekk-
ert gerst. Menn hafi vonað að hækk-
anir sem urðu á almennum vinnu-
markaði skiluðu sér til öryrkja en
það hafi ekki gerst.
Stefán, sem er 55 ára, fær fram-
færslu sína frá Tryggingastofnun.
Hann hefur um 140.000 krónur á
mánuði, en rúmar 10.000 krónur af
„Hækkanir haldast ekki
í hendur við laun öryrkja“
þeirri upphæð er svonefnd aldurs-
tengd hækkun á greiðslunum. Hann
borgar um 32.000 krónur á mánuði í
húsaleigu. Stefán hefur hug á að
komast í stærri íbúð, en þá hækkar
leigan um 20.000 á mánuði. Stefán
segir að það sem hann hefur milli
handanna hrökkvi til, enda sé hann
ekki mikið á ferðinni. Þeir öryrkjar
sem vilji stunda félagslíf af ein-
hverju tagi, eða reka bíl, séu hins
vegar fljótir að verða blankir.
Hann segir þröngt í búi fram-
undan í haust hjá mörgum ör-
yrkjum. Nú fari ástandið í þjóðfélag-
inu að skella á fólki með fullum
þunga.
„Fólk er kannski búið að vera að
skuldsetja sig smám saman [á árinu],
en það má ekkert við því. Róðurinn
þyngist því smám saman.“
LÖGREGLAN á Blönduósi fram-
kvæmdi í gær húsleit að undan-
gengnum úrskurði Héraðsdóms
Norðurlands vestra. Ástæðan var
grunur um vörslu, neyslu, sölu og
dreifingu fíkniefna á svæðinu.
Við húsleitina naut lögreglan á
Blönduósi aðstoðar fíkniefnalög-
reglumanna frá lögreglunni á Akur-
eyri. Við leitina voru notaðir fíkni-
efnaleitarhundar lögreglunnar á
Blönduósi sem og á Akureyri. Nokk-
ur grömm af ætluðum kannabisefn-
um fundust. Við yfirheyrslur játuðu
mennirnir að eiga fíkniefnin og hafa
neytt þeirra.
Gripnir með
fíkniefni
BÚIÐ er að veiða 37 hrefnur af 40
dýra kvóta, sem gefinn var út fyrr
á þessu ári.
Hrefnuveiðibáturinn Njörður
KÓ hefur verið að veiðum í Faxa-
flóa síðustu daga og kom með þrjú
dýr í land á miðvikudag og tvö í
gær.
Samkvæmt upplýsingum frá Fé-
lagi hrefnuveiðimanna er stefnt að
því að klára kvótann í september,
en heimilt er að veiða út árið 2008.
Kvótinn að
klárast
Búið er að veiða 37
hrefnur í sumar