Morgunblaðið - 06.09.2008, Page 8
8 LAUGARDAGUR 6. SEPTEMBER 2008 MORGUNBLAÐIÐ
FRÉTTIR
FRÉTTASKÝRING
Eftir Steinþór Guðbjartsson
steinthor@mbl.is
UM 20.000 nemendur eru skráðir í
háskólanám á Íslandi í haust og
hafa aldrei verið fleiri. Þeir voru
rúmlega sjö þúsund haustið 1997
og hefur fjölgað jafnt og þétt síð-
an, en 17.449 voru skráðir til leiks
í fyrrahaust, samkvæmt upplýs-
ingum Hagstofunnar.
Háskólanám fer ekki eingöngu
fram í staðbundnu námi í háskól-
um heldur er boðið upp á það með
ýmsum hætti eins og til dæmis
með miðlun háskólanáms í gegn-
um símenntunarmiðstöðvar, þekk-
ingarsetur og í einhverjum til-
fellum í gegnum fræðasetur
Háskóla Íslands.
Sjö háskólar eru á Íslandi og
þar af þrír í Reykjavík, Háskóli
Íslands, Háskólinn í Reykjavík og
Listaháskóli Íslands. Hinir eru
Landbúnaðarháskóli Íslands á
Hvanneyri, Háskólinn á Bifröst,
Háskólinn á Hólum og Háskólinn
á Akureyri.
Mikil fjarkennsla
Nær allir háskólarnir bjóða upp
á fjarkennslu, oftast í samvinnu
við símenntunarmiðstöðvar. Í
sumum tilfellum eru háskólar með
sérstakar starfsstöðvar og er Há-
skóli Íslands til dæmis með starfs-
stöð að Laugarvatni, þar sem há-
skólanám í íþróttafræðum fer
fram.
Háskólinn á Akureyri býður upp
á nám í hjúkrunarfræðum á Vest-
fjörðum auk þess sem fleiri mið-
stöðvar miðla námi frá skólanum.
Nýverið hófst heildstætt, stað-
bundið meistaranám í Háskóla-
setrinu á Ísafirði. Símenntunar-
miðstöðvar eru níu talsins. Í
Reykjanesbæ, á Selfossi, í Vest-
mannaeyjum, á Ísafirði, í Borgar-
nesi, á Sauðárkróki, Akureyri,
Húsavík og Egilsstöðum. Námið
fer oftast þar fram, en símenntun-
armiðstöðvar og fræðslunet eru
oft með útstöðvar og miðla þaðan
háskólamenntun. Fræðslunetið á
Egilsstöðum er til dæmis með út-
stöðvar í sínum landshluta og
rannsókna- og fræðasetur Vest-
fjarða í Bolungarvík er með
starfsstöð á Patreksfirði.
Fræðasetur HÍ eru ekki beint
með háskólanám heldur er um að
ræða rannsóknar- og þróunar-
vinnu. Í sumum tilfellum eru við-
komandi forstöðumenn eða starfs-
fólk setranna með meistara- og
doktorsnema undir sinni hand-
leiðslu. Þannig fer akademísk
starfsemi fram víða um land og í
því samhengi má benda á að slík
starfsemi er í átta náttúrufræði-
stofum. Eins má nefna að til stað-
ar eru setur, söfn eða menningar-
tengd ferðaþjónusta sem hafa
vaxið hratt á undanförnum árum.
!"
!
#
!" $
%
"
&
!
"#
$%
! %&
Straumur í háskóla
Fjöldi skráðra háskólanema hérlendis hefur nær þrefaldast frá því haustið 1997
Símenntunarmiðstöðvar, þekkingarsetur og fræðasetur viðbót við háskóla
Í HNOTSKURN
» Háskólanemendum hér-lendis hefur fjölgað jafnt
og þétt undanfarin ár.
» Háskólar hafa greitt sam-tals tugi milljóna króna
fyrir auglýsingar í sumar.
» Skólagjöld eru frá 45.000kr. við HÍ upp í 472.500 kr.
við Háskólann á Bifröst.
Morgunblaðið/Ásdís
FULLTRÚAR
Samfylkingar-
innar í borgar-
stjórn óttast
hvaða áhrif ný-
upptekin þjón-
ustutrygging
muni hafa á
börn innflytj-
enda.
„Það hefur
sýnt sig erlendis
að það eru hlutfallslega fleiri kon-
ur af erlendum uppruna sem
þiggja svona greiðslur, þó þær
dugi ekki fyrir framfærslu,“ segir
Bryndís Ísfold Hlöðversdóttir,
fulltrúi Samfylkingarinnar í leik-
skólaráði.
„Það sem gerist, þegar börn eru
lengur heima, er að þegar þau
koma loks inn í skólakerfið eru
þau ótalandi og það getur haft
mikil neikvæð, félagsleg áhrif á
aðlögunarferli þeirra.“ Þjónustu-
tryggingin hljóðar upp á 35 þús-
und krónur á mánuði.
Þjónustutrygging „plástraleið“
Þá segir Bryndís það gagnrýnivert
að formaður leikskólaráðs, Þor-
björg Helga Vigfúsdóttir, hafi
kynnt þjónustutryggingarnar
þannig að þær standi aðeins þeim
til boða sem fái ekki dagvistarúr-
ræði að fæðingarorlofi loknu og
falli þær niður um leið og úrræði
bjóðist. Í raun geta foreldrar fram
að 2 ára aldri barns „valið að nýta
sér þjónustutryggingu í stað leik-
skólapláss eða niðurgreiðslu frá
Leikskólasviði vegna annarra dag-
vistunarúrræða,“ eins og segir í
reglum sem leikskólaráð sam-
þykkti. Í raun sé um heimgreiðslur
að ræða, sem reynsla nágranna-
þjóða sýni að ýti undir gamaldags
hlutverkaskiptingu kynjanna.
Minnihlutinn telur að þeim 312
milljónum króna, sem verja á í
verkefnið fram til ársins 2011, sé
betur varið í framtíðarlausnir, s.s.
að hraða uppbyggingu leikskól-
anna, lækka leikskólaaldur og
fjölga leikskólaplássum. Þjónustu-
tryggingin sé aðeins tímabundin
„plástraleið“. ylfa@mbl.is
Bryndís Ísfold
Hlöðversdóttir
Slæm
áhrif á inn-
flytjendur
HÆSTIRÉTTUR vísaði í gær heim
í hérað kröfu Jóns Ólafssonar at-
hafnamanns um að Sigurður G.
Guðjónsson og Ragnar Aðalsteins-
son verði verjendur vegna meintra
skattalagabrota.
Misskilningur kom upp milli sak-
sóknara og dómara og verjandans
Ragnars Aðalsteinssonar en Ragn-
ar taldi að hann ætti að fá að gera
grein fyrir máli sínu áður en dómur
yrði kveðinn upp. Dómari las hins
vegar upp úrskurðinn um leið og
þinghald hófst. Ragnar taldi þetta
réttarfarsleg mistök.
Úrskurður dómara var að Sig-
urður gæti ekki varið Jón þar sem
hann kynni að verða kallaður fyrir
sem vitni í málinu. Þessi úrskurður
var kærður til Hæstaréttar sem nú
hefur ómerkt hann og vísað málinu
aftur heim í hérað.
Verjendadeilu
vísað heim
ÚTSKRIFAÐIR verða hátt í 100
nemendur frá Háskólanum á Bif-
röst á morgun, laugardag. Við at-
höfnina, sem hefst klukkan 14,
verður flutt tónlist og verðlaun
veitt fyrir góðan námsárangur. Dr.
Ágúst Einarsson rektor flytur há-
tíðarræðu.
Nemendur Háskólans á Bifröst
hafa aldrei verið fleiri, en þeir eru
nú á haustdögum rúmlega 1.300
talsins.
Hundrað nemar
útskrifaðir