Morgunblaðið - 06.09.2008, Qupperneq 14
14 LAUGARDAGUR 6. SEPTEMBER 2008 MORGUNBLAÐIÐ
FRÉTTIR
STANGVEIÐI
Eftir Einar Fal Ingólfsson
efi@mbl.is
ÁIN er bókstaflega stöppuð af laxi,“
sögðu fjórir lukkulegir veiðifélagar
sem voru að taka saman við Ytri-
Rangá. Þeir voru í fyrsta maðkaholl-
inu, þar sem veiðin var með ólík-
indum góð. Þeir fengu 112 laxa á
tvær stangir á þremur dögum.
„Á bestu vaktinni fengum við 25 á
tveimur tímum,“ sögðu þeir.
Í fyrsta maðkahollinu veiddust
1.119 laxar á 18 stangir, eða 62 að
meðaltali á stöng! Jafnast það á við
meðal-sumarveiði í ám eins og Mið-
fjarðará og Laxá í Dölum. Svona töl-
ur hafa ekki sést í stangveiði hér.
Þegar er metveiði í ánni, 9.154 laxar,
en 7.497 veiddust í Eystri-Rangá í
fyrra. „Ætli þetta sé ekki heims-
met,“ sagði einn veiðimannanna.
Þegar morgunvaktinni lauk
renndi hver bíllinn af öðrum að
skráningarhúsinu, þar sem Matthías
Þorsteinsson veiðivörður tók á móti
veiðimönnum, vó og mældi hvern
fisk og skráði í veiðibókina. Veiði-
menn tíndu laxa úr bílunum og þeg-
ar myndaðist röð þar sem beðið var
skráningar. Það var hálftíma ferli.
Fólk skiptist á sögum af vaktinni.
Einn fékk þrjá neðan við Ægis-
síðufoss og missti tvo, annar landaði
tveimur á Rangárflúðum en setti í
sjö sem láku af. Veiðin fékkst ýmist
á flugu, maðk og spún.
„Það er ofboðslega mikið af fiski
hér,“ sagði einn. „Hann stekkur um
allt en er ekki eins viljugur að taka
maðkinn og hjá fyrsta maðkahollinu.
Ég heyrði af einni stöng sem fékk
300 þá. Nú virkar allt agn vel.“ Svo
lækkaði hann röddina: „Kannski er
bara allt of mikið af fiski í ánni.“
Þegar skráningu lauk og veiði-
menn voru farnir í mat taldi Matth-
ías laxa morgunsins. Þeir voru 78.
„Það var meira síðustu dagana.“ Svo
brosti hann og sagði: „En þetta er
frábær veiði og mikið gaman.“
Morgunblaðið/Einar Falur
Landburður Löng röð veiðimanna með laxa myndast við skráningarborðið við Ytri-Rangá í vaktarlok.
„Stöppuð af laxi“
Átök Stefnir Helgason togast á við vænan lax í kvöldsólinni á Rangár-
flúðum. Félagarnir voru komnir með 15 á stöngina eftir þrjár vaktir.
1.119 laxar veiddust í fyrsta laxahollinu í Ytri-Rangá
„Ætli þetta sé ekki heimsmet,“ sagði einn veiðimannanna
JÓNMUNDUR Guðmarsson, bæjarstjóri Sel-
tjarnarness, Þorgerður Katrín Gunnarsdóttir
menntamálaráðherra, Margrét Hallgrímsdóttir
þjóðminjavörður, Birna Jónsdóttir, formaður
Læknafélags Íslands, og Anna K. Jóhannsdóttir,
ritari Læknafélags Reykjavíkur, tóku fyrstu
skóflustunguna að byggingu Lækningaminjasafns
Íslands í gær. Safnið mun rísa á safnasvæði Sel-
tjarnarness við Nesstofu.
Bygging og rekstur Lækningaminjasafns Ís-
lands er samstarfsverkefni Seltjarnarnesbæjar,
menntamálaráðuneytis, Þjóðminjasafns Íslands,
Læknafélags Reykjavíkur og Læknafélags Ís-
lands.
Byggingin verður á tveimur hæðum. Á jarðhæð
er gert ráð fyrir sýningar- og fundarsölum, kaffi-
stofu og safnbúð auk skrifstofurýmis og bóka-
safns. Kjallarinn verður nýttur undir geymslur og
tæknirými.
Gert er ráð fyrir að safnhúsið sem að auki mun
nýtast undir aðra menningartengda starfsemi
Seltjarnarnesbæjar verði risið árið 2010.
Stungið fyrir
safni á Nesinu
Morgunblaðið/Kristinn
Lækningaminjasafn Fyrsta skóflustungan var tekin í gær. Safnið á að vera risið árið 2010 og verður á safnasvæði Seltjarnarness við Nesstofu.
Steingrímur J. Sigfússon hafðiverið í átta ár á Alþingi þeg-ar Össur Skarphéðinssonvar fyrst kjörinn á þing.
Báðir hafa þeir gegnt embætti ráð-
herra og setið sem formenn sinna
flokka. Þetta eru litríkir stjórn-
málamenn sem hafa upplifað hæðir
og lægðir á sínum ferli. Þeir hafa
lagst í dvala en risið upp að nýju; fíl-
efldir og skeinuhættir andstæðingum
sínum. Eflaust hafa þeir báðir rennt
hýru auga til annarra og valdameiri
ráðuneyta en þeir hafa fengið tæki-
færi til að stýra. Össur og Stein-
grímur hafa barist hlið við hlið en líka
hvor á móti öðrum. Þeir eru með
betri ræðumönnum þingsins, stál-
minnugir og vita hvar á að leita þegar
kemur að því að hanka andstæðing-
inn á gömlum yfirlýsingum.
Þess vegna var stórskemmtilegt
að fylgjast með þeim eigast við í um-
ræðum um virkjana- og stóriðjumál á
Alþingi í vikunni. Steingrímur náði
sér lítið á strik síðasta vetur og virtist
satt að segja alls ekki hafa gaman af
hinu pólitíska harki lengur. Í ræðu-
stóli á miðvikudag kom hann til baka.
„Þegiðu Guðni,“ sagði Steigrímur
við framsóknarframmíköllum á milli
þess sem hann rifjaði upp hátíðleg
loforð Samfylkingarinnar um nátt-
úruvernd ofar öllu.
Össur gerði Steingrími hins vegar
þann grikk að rifja upp gömul um-
mæli um virkjanir og álver. Rimman
varð hin skemmtilegasta og ekki síst
þegar gripið var til fótboltalíkinga-
máls. Það finnst mér alltaf gaman.
Já eða nei við hráu kjöti
Svo virðist sem ágætlega hafi tek-
ist til við að semja um hvaða mál
hljóta lokaafgreiðslu á þessu þingi
sem nú er að klárast. Hið umdeilda
matvælafrumvarp fær að bíða næsta
þings en um Evróputilskipun er að
ræða sem felur m.a. í sér að innflutn-
ingur á hráu kjöti yrði heimilaður. Ís-
land hefur hingað til haft ákveðnar
undanþágur þegar kemur að við-
skiptum með landbúnaðarvörur en
verði frumvarpið að lögum þurfa ís-
lenskir matvælaframleiðendur að
fylgja öllum reglum Evrópusam-
bandsins um meðhöndlun landbún-
aðarafurða.
Bændur og matvælaframleiðendur
hafa lagst mjög harðlega gegn frum-
varpinu og ýmsir orðið til að lýsa
áhyggjum sínum af því að smit-
sjúkdómar eigi greiðari leið inn í
landið verði það að lögum. Skiptar
skoðanir eru meðal þingmanna og
flokkslínur ráða ekki endilega öllu.
En þá vaknar spurningin: Eigum við
val?
Staðreyndin er nefnilega sú að
hafni Alþingi frumvarpinu er EES-
samningurinn kominn í uppnám. Sú
ákvörðun myndi því aldrei snúast
einvörðungu um umrætt frumvarp
heldur væri um mjög róttæka breyt-
ingu á stöðu Íslands innan Evrópu að
ræða.
Það kviknaði ljós
Ljósmæðradeilan er að verða hin
vandræðalegasta fyrir ríkisstjórn-
arflokkana. Ljósmæður segja kostn-
að ríkisins við að verða við óskum
þeirra nema um tíu milljónum króna
á mánuði. Það eru 120 milljónir á ári.
Katrín Jakobsdóttir, þingmaður
VG, setti þetta í samhengi við her-
æfinguna Norðurvíking, sem nú
stendur yfir á Íslandi, en samhliða
henni sinnir bandarísk flugsveit loft-
rýmiseftirliti hér á landi. Kostnaður-
inn er 100 milljónir.
Nú kunna að heyrast þau rök að
ekki sé hægt að bera ólíka út-
gjaldaliði saman á þennan hátt. Stað-
reyndin er hins vegar sú að stjórnmál
snúast um forgangsröðun og stjórn-
völd verða að standa með því hvernig
þau hátta henni. Síðan getur fólk ver-
ið ósammála um forgangsröðunina
og beint atkvæði sínu í kosningum
eftir því.
Kliður fór um þingsal undir ræðu
Ástu Möller, formanns heilbrigð-
isnefndar, á fimmtudagsmorgun þeg-
ar hún lýsti yfir stuðningi við kröfur
ljósmæðra og minnti á loforð stjórn-
arsáttmálans um að leiðrétta kyn-
bundinn launamun. Á sínum tíma
töldu sumir Ástu eiga meira erindi í
embætti heilbrigðisráðherra en Guð-
laug Þór Þórðarson, enda með mikla
reynslu úr heilbrigðisgeiranum. Guð-
laugur átti hins vegar tilkall til ráð-
herrastóls vegna góðs gengis í próf-
kjöri og Ásta mátti víkja.
Embætti heilbrigðisráðherra fer
ekki alltaf vel með þá sem því gegna
enda gríðarlega viðamikið og að
sumu leyti vanþakklátt embætti.
Á meðan Guðlaugur hefur hvergi
verið sjáanlegur á Alþingi þessa vik-
una stelur Ásta senunni með því að
styðja konur sem fá menntun og
hæfni ekki metna til fjár.
Samfylkingin kemur illa út úr ljós-
mæðradeilunni þó að hvorki heil-
brigðis- né fjármálaráðuneytið sé á
hennar valdi. Tal um jafnréttisþing í
haust er máttlítið þegar ljósmæður
eru í verkfalli með tilheyrandi óþæg-
indum og óvissu fyrir verðandi mæð-
ur, feður og ófædd börn. „Tækifærið
er núna,“ segir stjórnarandstaðan.
Og það er rétt.
Hrátt kjöt og
fjársveltar konur
ÞINGBRÉF
Halla Gunnarsdóttir