Skinfaxi - 01.12.1942, Qupperneq 48

SKINFAXI
9(5
7. Umf. Austri á Raufarhöfn undirbýr byggingu iþróttavallar.
8. Umf. Langnesinga hefir um það bil lokið sundlaugar-
byggingu á Þórshöfn, er i'ær heitt vatn frá frystihúsi líaup-
félags Langnesinga.
9. Umf. Leiknir á Búðum í Fáskrúðsfirði hefir sundlaugar-
byggingu í undirbúningi og einnig leikvöll i grennd við
kauptúnið.
10. Umf. Sindri á Höfn í Hornafirði vinnur að leikvelli
og íþróttahússbyggingu.
11. Umf. Dagsbrún í Austur-Landeyjum vinnur að íþrótta-
velli og baðstað.
Vafalaust hafa fleiri Umf. svipuð áform, þótt sambands-
stjórn sé einkum kunnugt um framangreint. Enda þótt þarna
sé um þarfar framkvæmdir að ræða, er hilt enn mikilvægara,
að félögin noti yfirstandandi tíma rækilega til fjársöfnunar
vegna framkvæmda að stríðslokum. Slikt tækifæri, sem nú
er til fjársöfnunar, gefst ekki á næstunni, og þau félög, sem
eru hirðulaus um sjóðmyndanir nú, geta tæplega vænst mik-
illa afreka í verklegum framkvæmdum fyrstu árin eftir
stríðið.
Ungmennasamband Kjalarnessþings
hélt hátíðlegt 20 ára afmæli sitt að Brúarlandi i Mosfells-
sveit 13. desember s.l. að afloknu 20. héraðsþingi sambands-
ins. Þar voru fluttar ræður um starfsemi.U.M.S.K. og Umf. al-
mennt og blandaður kór úr Umf. Dreng i Kjós söng mörg
lög við ágætar undirtektir, m. a. hið nýja lag Kaldalóns, er
birtist í síðasta hefti Skinfaxa. Var samkoman öll hin mynd-
arlegasta. Stjórn sambandsins skipa: Formaður Páll S. Páls-
son, Reykjavík, ritari Gísli Andrésson, Hálsi, Kjós og féhirðir
Ólafur Þórðarson, Æsustöðum, Mosfellssveit.
Stúdentafélag Reykjavíkur
hefir sýnt U.M.F.f. þá vinsemd, að láta því í té 1200 ein-
tök af tveimur sérprentuðum erindum um þjóðernismál eftir
þá próf. Ólaf Lárusson og dr. Einar Ól. Sveinsson. Hefir
stjórn U.M.F.L dreift ritunum meðal Umf. og veit lnin, að
félögin hafa tekið þeim með þökkum. Væntir U.M.F.f. frek-
ari samvinnu við Stúdentafélagið um ýms þjóðernis- og menn-
ingarmál.
D. Á.
Félagsprentsmiðjan h.f.