Skinfaxi - 01.12.2003, Page 13
Sigurbjörn Gunnarsson
í nóvember s.l. var tekin fyrsta skóflustungan aö
nýjum og glæsilegum veitingaskála í Þrastaskógi
sem á að verða tilbúinn í vor. Sigurbjörn Gunnarsson
situr í byggingarnefnd Þrastalundar. Valdimar T.
Kristófersson hitti hann að máli og fékk nánari útlist-
un á framkvæmdum í Þrastaskógi og forvitnaðist
einnig um stjórnsetu hans í UMFÍ. En Sigurbjörn gaf
ekki kost á sér í til áframhaldandi setu í stjórn UMFÍ
á síðasta Sambandsþingi hreyfingarinnar sem fram
fór á Sauðárkróki í október. Tuttugu ár er liðin síðan
Sigubjörn settist fyrst í stjórn UMFÍ og þar hefur hann
setið samfleytt fyrir utan tvö ár.
Hugað að nýtingu Þrastaskógar
- segir Sigurbjörn Gunnarsson er situr í byggingarnefnd Þrastalundar
Nýr veitingaskáli tilbúinn í vor
Veitingaskálinn sem stendur nú í Þrastaskógi var byggður
fyrir 1970 og er því kominn til ára sinna en „fróðir" menn í
byggingariðnaðinum innan UMFÍ segja að hann hafi verið
orðinn ónýtur fyrir tíu árum síðan þótt hann hafi verið notaður
allt til dagsins í dag. Það hafa verið uppi hugmyndir allt frá
1990 að gera einhverjar breytingar í Þrastaskógi
og því löngu orðið tímabært að byggja nýjan skála.
En hvenær á nýji skálinn að verða tilbúinn til
notkunar?
„Það er búið að gera samning við byggingarverktaka,
Agnar Pétursson á Selfossi, um að reisa húsið og
hann skili okkur því 1. maí tilbúnu þ.e.a.s. með gólf-
efnum, Ijósum, máluðu og öllu sem slíku húsi fylgir
nema innréttingum."
Er þetta mikið mannvirki?
„Þetta er 420 fm2 hús sem er steinsteypt að hluta með
klæðningu að utan og miklu gleri. Innandyra er lítil
verslun, sjoppa og einn stór veitingasalur þar sem
hægt er að taka á móti 120 gestum. Veitingasalurinn
er með glugga sem snúa að Sogi og Ingólfsfjalli. Þar
verður því mjög gott útsýni og fyrir framan veitingasalinn verður
stór pallur."
Gamli skálinn er 200 fm2. Hvernig stendur á því að þið farið í
svona viðamiklar framkvæmdir?
,,Eins og fram hefur komið er gamli skálinn ónýtur og fyrst UMFÍ
tók þá ákvörðun að byggja annan skála þurfti hann að vera af þeirri
stærðargráðu að hann gæti borið reksturinn sem þar
er með góðu móti. Stærðareiningin þarf því að vera
hagkvæm gagnvart rekstrinum. Með þessari stækk-
un verður t.d. hægt með góðu móti að taka á móti
tveimur 60 manna rútum á sama tíma sem ekki var
hægt áður.
Þá hafði það líka mikil áhrif, varðandi þá ákvörðun
að byggja nýjan skála í Þrastaskógi, hver nýtingin
yrði í skóginum ef það yrði engin skáli á staðnum.
UMFÍ hefur haft tekjur af því að halda úti þessum
rekstri sem hafa farið í að byggja upp aðra aðstöðu í
Þrastaskógi. Það var kannski fyrst og fremst á þess-
um forsendum sem ákvörðun var tekin um að byggja
nýjan skála því það er ekki tilgangur UMFÍ að standa
í veitingastarfsemi. En tekjurnar sem koma af þessu
er grunnurinn af rekstri skógarins og þeim verkefnum
sem þar hafa verið unnin.“
UMFÍ hefur haft
tekjur af því að
halda úti þessum
rekstri sem hafa
farið í að byggja
upp aðra aðstöðu í
Þrastaskógi. Það
var kannski fyrst
og fremst á
þessum forsendum
sem ákvörðun var
tekin um að byggja
nýjan skála því það
er ekki tilgangur
UMFÍ að standa í
veitingastarfsemi.
13