Sjómannablaðið Víkingur - 01.02.1960, Blaðsíða 2

~j* M.s. Rafnkell ferst
Vélskipið Rafnkel úr Garði fór
í sinn fyrsta róður á nýbyrjaðri
vetrarvertíð, um kl. 2 aðfaranótt
mánudagsins 5. janúar s.l. Nótt-
ina sem Rafnkell fór í róðurinn
úr Sandgerði, höfðu farið þaðan
nokkrir aðrir bátar. Út á miðin
er talin um hálfs annars tíma
sigling. Eru þau beint vestur af
Garðsskaga, 10—15 mílur. Ekki
var vitað um ferðir annarra skipa
á þessum slóðum, en fiskibáta úr
verstöðvum á Suðurnesjum. — Á
miðunum var slæmt veður og
munu Rafnkels-menn ekki hafa
lagt línuna. Á svipuðum slóðum
var og Víðir II. úr Garði, og einn-
ig vélbáturinn Mummi.
Sást síðast á mánudagsmorgun.
Um klukkan fimm ámánudags-
morgun hafði Eggert skipstjóri
á Víði II. samband við Rafnkel.
Víðir var þá að leggja línu sína.
Um borð í Rafnkeli var þá allt
með eðlilegum hætti. Skömmu
eftir þetta samtal milli bátanna,
hafði skipstjórinn á Mumma, Sig-
urður Bjamason, séð til Rafn-
kels. Rétt á eftir brá Sigurður
sér niður til þess að fá sér kaffi-
sopa, en þegar hann kom upp í
brúna aftur, sá hann ekki Ijósin
á Rafnkeli. Mun Sigurður þá ekki
hafa talið ástæðu til að grennsl-
ast um ferðir Rafnkels. Þetta er
hið síðasta sem til Rafnkels sást.
Aðrir Sandgerðisbátar komu úr
róðri á áætluðum tíma á þriðju-
dag.
Leitað var til Slysavarnafé-
lagsins, og var hafin leit á sjó
og í landi. Fóru björgunarsveitir
af stað meðfram ströndinni, en
björgunarskipið Sæbjörg, sem
var á næstu grösum, hóf leit.
Menn gengu á fjörur í Kirkju-
vogi og fundu ýmis veiðarfæri
rekin merkt Rafnkeli, svo og þil-
farsplanka.
Garðar Guðmundsson, skip-
stjóri á bátnum, var meðal kunn-
ustu aflamanna á Suð-Vestur-
landi. Hann var sonur hins þjóð-
kunna atorkumanns, Guðmundar
Jónssonar, útgerðannanns á
Rafnkelsstöðum í Garði, en hann
var eigandi bátsins. — Rafnkell
var byggður í Þýzkalandi 1957
og var 70 tonn.
Þeir, sem fórust, voru þessir:
Garðar Guðmundsson skipstj.,
41 árs. Hann lætur eftir sig konu
og 9 börn. Kona hans er Guðrún
Ása Eyjólfsdóttir. Eru þrjú börn
þeirra fermd. Var Garðar sonur
Guðmundar á Rafnkelsstöðum og
konu hans, Guðrúnar Jónsdóttur.
Björn Antoníusson stýrimaður,
Skipasundi 31, þrítugur. Hann
var frá Fáskrúðsfirði. Kona hans
er Guðrún Mikkelsen og eiga þau
tvær dætur, 5 og 2ja ára. Móðir
Björns, Sigrún Björnsdóttir, var
og í heimili þeirra.
Vilhjálmur Ásmundsson 1. vél-
stjóri, Sandgerði, 33 ára. Hann
lætur eftir sig konu og tvö böm,
hið eldra 10 ára en hið yngra 6
mánaða. Kona hans er Gróa Ax-
elsdóttir. Faðir hans er Ásmund-
ur, bóndi á Kverná í Grundar-
firði.
Magnús Berentsson matsveinn,
Sandgerði, 32 ára. Hann bjó hjá
foreldrum sínum, Berent Magn-
ússyni og Kristínu Þorsteinsdótt-
ur í Krókskoti.
Jón Sveinsson háseti, 36 ára,
Sandgerði. Hann lætur eftir sig
unnustu, Unni Lárusdóttur, og
móður átti hann á lífi, Kristínu
Guðmundsdóttur, sem hjá honum
var.
Ólafur Guðmundsson háseti, 36
ára, Sandgerði. Hann var fyrir-
vinna aldraðra foreldra sinna,
Guðmundar Eyjólfssonar og Guð-
rúnar Ölafsdóttur í Amarbæli í
Sandgerði.
i (.! V ■" <• '
til skipverja
á m/s Rafnkeli GK 510.
Aðfaranótt 4. janúar lagði m.s.
Rafnkell frá Garði upp í sína
fyrstu sjóferð á nýbyrjuðu ári,
sem um leið varð hans síðasta.
Hlekkir hafa brostið í íslenzkri
sjómannastétt. Það er okkar hlut-
verk, sem eftir stöndum, að
tengja þá á ný. 1 dag kveðjum
við þessa sex eftirtöldu félaga og
þökkum þeim fyrir liðnar sam-
verustundir.
Garðar Guðmundsson, skipstj.,
Vilhjálmur Ásmundsson, vél-
stjóri,
Jón Sveinsson, háseti,
Björn Antoníusson, stýrimað-
ur,
Magnús Berentsson, matsv.,
ólafur Guðmundsson, háseti,
VÍKINGUR
2