Sjómannablaðið Víkingur - 01.08.1973, Blaðsíða 14

Vestmannaeyjum nú í vetur, sáu
menn, að án hafnar við suður-
ströndina væri í mikið óefni kom-
ið, hvergi lands að leita frá
Hornafirði til Þorlákshafnar. —
Hófust þá enn á ný umræður
um hafnargerð á suðurströnd-
inni, og var Dyrhólaey þar á
meðal í sviðsljósinu. Undanfarin
ár hefur verið unnið að rann-
sóknum á hafnarstæði þar, sam-
kvæmt því er fé hefur verið veitt
til frá Alþingi og fyrir þrýsting
heiman úr héraði. Sjálfsagt er
þeim rannsóknum hvergi nærri
lokið, ef til alvarlegrar ákvörð-
unar kæmi með höfn við Dyr-
hólaey.
Það hefur komið fram við
hreyfingu þessa máls, að hafn-
argerð þar mundi verða mjög
dýr, en að staðhættir og aðstæður
allar mæltu ekki á móti því, að
það væri framkvæmanlegt.
En nú er talið, að eldgosinu við
Vestmannaeyjakaupstað sé lokið
og að þar geti á ný hafizt at-
hafnalíf, og höfnin þar sé ef til
vill betri en áður var. Þessar
staðreyndir mæla ekki á móti
því, að við Dyrhólaey geti og eigi
að koma höfn með aðstöðu til
sjósóknar með nútíma sniði.
Það er að vísu rétt, að þeir,
sem nú kæmu til með að njóta
hafnar við Dyrhólaey, Skaftfell-
ingar og austurhluti Rangárvalla-
sýslu, eru fáir og nú þegar bundn-
ir við önnur störf, en það er
mín skoðun, að hafnargerð við
Dyrhólaey sé mál miklu fleiri,
mál þeirra, sem þurfa að stofna
heimili einhvers staðar á land-
inu, og þá væri stefnt að byggða-
jafnvægi, ef þessu fólki, viðkomu
þjóðarinnar, væri gert kleift að
setja sig niður til framtíðarbú-
setu í Mýrdal og gerast þar
landnemar, þá er höfn væri kom-
in við Dyrhólaey, og aðstaða
sköpuð til þéttbýlismyndunar við
auðug og nærtæk fiskimið. Ég
efa ekki, að þetta mál verður
flutt enn á ný inn á Alþingi í
vetur, og þá verður fróðlegt að
fylgjast með hversu því reiðir af
á eftir það sem gerðist í Vest-
mannaeyjum nú á þessu ári.
Nýr forstjóri
Hrafnistu
Stjórn Sjómannadagsráðsins í
Reykjavík og Hafnarfirði aug-
lýsti í vor lausa stöðu forstjóra
Dvalarheimilis aldraðra sjó-
manna, Hrafnistu. Margar um-
sóknir bárust, og hefur stjórn
ráðsins sett Rafn E. Sigurðsson
bryta í starfið til eins árs. Rafn
E. Sigurðsson fæddist á Aki'anesi
20. ágúst 1938, foreldrar hans
eru hjónin Ólöf Guðmundsdóttir
frá Súgandafirði og Sigurður
Hallbj örnsson, ættaður frá
Tálknafirði, hann var útgerðar-
maður á Akranesi. Hann lézt ár-
ið 1946.
Rafn E. Sigurðsson hóf sinn
sjómannsferil sem vikadrengur á
hvalveiðiskipum Lofts Bjarna-
sonar árið 1953 og var þar í tvö
sumur. Síðan vann hann við mat-
reiðslustörf á skipum Eimskipa-
félags Islands á árunum 1955—
1957, að hann hóf matreiðslunám
í Kaupmannahöfn og lauk þar
sveinsprófi, síðan hóf hann mat-
reiðslustörf á ms. Gullfossi unz
hann varð bryti hjá Eimskipafé-
laginu 1963, og starfaði þar til
ársins 1969, að hann varð for-
stjóri veitingahússins SKIP-
Rafn E. Sigurðsson.
HÓLL í Hafnarfirði, og gegndi
hann því starfi þar til hann nú í
ágústmánuði tók við hinu nýja
starfi sínu sem forstjóri Hrafn-
istu.
Hann hefur mikið látið félags-
mál til sín taka, hefur um árabil
átt sæti í stjórn Félags bryta og
er nú ritari þess, hann er fulltrúi
í Sjómannadagsráði og varamað-
ur í stjórn Farmanna- og fiski-
mannasambands íslands, einnig
er hann varamaður í ritnefnd
Sjómannablaðsins Víkingur.
Rafn E. Sigurðsson er kvænt-
ur Rannveigu Þóroddsdóttur frá
Hafnarfirði og eiga þau þrjú
börn.
Sjómannablaðið Víkingur árn-
ar Rafni allra heilla í hinu nýja
starfi sem forstjóri Hrafnistu.
262
VlKINGUR