Sjómannablaðið Víkingur - 01.02.1977, Page 4

Dr. Bjarni Sæmundss., fiskitr.
Bjarni var náttúrufræðingur að
menntun. Á þeim árum var fiski-
fræði ekki til sem sérstök fræði-
grein. Hann sigldi til Kaup-
mannahafnar og lærði náttúru-
fræði. Hann lærir um fiska, dýr og
steina, um Kína og sólkerfiö,
plöntur og bókstaflega allt, sem
rúmaðist innan hinnar gömlu
náttúrufræði. Síðan sérmenntaði
Bjarni sig í líffræðinni og var því
,vel undir störf sin búinn. Þessi
mikla breidd í menntun Bjarna
kemur fram meðal annars í þvi að
hann skrifar þrjár merkar bækur,
Fiskana, Fuglana og Spendýrin.
Þessar bækur eru skrifaðar fyrir
alþýðu og eru hiklaust meðal bestu
bóka sem til eru, a. m. k. Fiskarnir,
og þær hafa haft mjög góð áhrif á
þekkingu manna í náttúrufræði á
Islandi.
Þegar Bjarni kom heim frá
námi, varð hann kennari við
Menntaskólann i Reykjavik.
Hann hafði mikið að gera við það,
að byggja upp kennslu i náttúru-
fræði við skólann. Smám saman
tekur Bjarni þó að fást við fiski-
rannsóknir og mun upphafið vera
samstarf hans við prófessor Johs.
Schmidt, en hann var á sínum
tíma einn fremsti fiskifræðingur
Dana og maður á heimsmæli-
kvarða í fræðum sínum. Schmidt
kemur til Islands i byrjun aldar-
innar til rannsókna og leggur þar
t. d. grundvöllinn að fyrstu þekk-
ingu okkar á hrygningu þorskfiska
og fl. Bjarni vann með honum og
gerði þar til dæmis sínar fyrstu
merkingar á fiski, en það var um
borð í rannsóknaskipinu Þór, lik-
lega árið 1907 eða 1908.
Aðstaða dr. Bjarna Sæmunds-
sonar til rannsókna var mjög erfið.
Hann fóroftast til rannsóknastarfa
með íslenskum togurum. Fékk að
vinna þar um borð að athugunum
sínum og fræðum. Bjarni hefur
skrifað um þessar ferðir margar
skemmtilegar, fróðlegar greinar,
en hann var ekki aðeins vísinda-
maður, heldur líka ágætur rithöf-
undur og fyrirlesari.
4
V I K I N G U R