Sjómannablaðið Víkingur


Sjómannablaðið Víkingur - 01.02.1977, Blaðsíða 40

Sjómannablaðið Víkingur - 01.02.1977, Blaðsíða 40
Guðjón Ármarín Eyjólfsson.- Alþjóðlegar siglingareglur Alþjóðasiglingareglur 1972 taka gildi 15. júlí 1977 Greinin er byggð á erindi, sem höfundur flutti í þættinum við sjóinn 4. nóv. s.l. Aukið hefur verið við inngang. Síðari hluti greinar um nýju siglingareglurnar birtist í næsta tbl. Víkingsins. I. Sögulegt ágrip. Siglingareglurnar heita í raun og veru alþjóðareglur til að koma í veg jyrir árekstra á sjó; enda er það meg- inmarkmið þeirra og hlutverk. 1 aldanna rás mótuðust ákveðn- ar reglur um siglingar skipa. I siglinga- og verzlunarlögum fyrri tíma er þó í sambandi við árekstur skipa einungis að finna reglur um hvernig skipta skuli tjóni af völd- um áreksturs með málsaðilum, en ekki reglur um hvernig bezt megi afstýra árekstri á milli skipa. Á 16. og 17. öld aukast mjög siglingar um heimshöfin og þörfin á sérstökum siglingareglum til að komast hjá árekstrum verður brýnni en áður var. Elztu ritaðar heimildir um sigl- ingareglur má rekja til merkja- bókar Ríkharðs Howes (1726— 1799), aðmíráls í breska flotanum. Vitnað er í siglingareglur Howes að- míráls fyrir 200 árum síðan, eða snemma sumars árið 1776. Howe aðmíráll var þá með flota sinn fyrir utan strendur hinna 13 nýlendna 40 Breta á meginlandi N-Ameríku. Þar gætti þá mikils óróa og nokkru síðar eða 4. júlí lýstu þær sem kunnugt er yfir sjálfstæði sem Bandaríki Ameríku. I merkjabók Howes eru í fyrsta skipti skrijlega settar fram skýrar og ákveðnar reglur um siglingu skipa til að afstýra árekstri. Reglur Howes eru enn í fullu gildi og hafa fram á þennan dag verið grund- vallaratriði siglingareglnanna. Mikilvægasta boðorð í reglum Howes er: „Þegar skip hafa vind á gagnstœð borð, skal skipið, sem hefur virídinn á bakborða víkja fyrir hinu, sem hefur vind á stjórnborða." Howe aömíráll brezka flotans (1726—1799) VÍKINGUR

x

Sjómannablaðið Víkingur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Sjómannablaðið Víkingur
https://timarit.is/publication/335

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.