Sjómannablaðið Víkingur - 01.06.1994, Qupperneq 12

VÍKINGUR
Markmið kvótakerfisins
hafa brugðist
Þegar litið er til baka yfir tíu ára
sögu kvótakerfísins, sem komið var á
laggirnar árið 1984, má sjá að mark-
mið þess hafa brugðist. Höfuð-
markmið þessa kerfis voru að stuðla
að betri verndun og nýtingu fiskstofna
og minnka fiskiskipaflotann. Hvorugt
markmiðið hefur náðst: Flotinn hefur
stækkað og fiskstofnar minnkað þan-
nig að nú er þorskstofninn sá minnsti
sem sögur fara af. Fjárfesting í
flotanum hefur stöðugt vaxið og jókst
hún þannig um 119% milli áranna
1991 - '92 eða fór úr 2,8 milljörðum og
í 5,9 milljarða. Tvö síðustu ár hefur
fjárfestingin numið um 2,1 milljarði
hvort árið. Og þrátt fyrir ákvæði þess
efnis að fyrir hvert tonn sem keypt
væri nýtt í skipum bæri að úrelda hið
sama á móti hefur flotinn stöðugt
stækkað á fyrrgreindum tíu árum og
náði stærð hans hámarki 1992 í rúm-
lega 120.000 brúttólestum. Mælt í
vélarafli hefur aukningin orðið hlut-
fallslega meiri og hefur þannig vaxið
úr 490.000 ha árið 1984 og upp í
tæplega 600.000 ha árið 1992. Fjöldi
fiskiskipa samtals hefur vaxið á þessu
árabili úr rúmlega 1.800 og í 2.560.
Á þeim tíu árum sem liðin eru frá
því að fyrstu kvótalögin voru sett
hefur ríkisvaldið stöðugt breytt þeim
frá ári til árs. í upphafi voru lögin sett
til eins árs og kvóti aðeins settur á
botnfisktegundir eins og þorsk, ýsu,
ufsa, karfa, skarkola, grálúðu og stein-
bít. Kvóta fengu skip sem verið höfðu
í flotanum fyrir árslok 1983 eða samið
hafði verið um smíði á fyrir þann
tíma. Og kvóti viðkomandi fór eftir
aflareynslu síðustu þriggja ára á undan.
Tvö kerfi í gangi
I skýrslu þeirri sem Tvíhöfða-
nefndin skilaði til sjávarútvegs-
ráðherra í fyrra um mótun nýrrar sjá-
varútvegsstefnu er farið lauslega yfir
þær lagabreytingar sem gerðar hafa
verið á kerfinu á undanförnum áratug.
Raunar var það svo að árið 1984 voru
tvö fiskveiðistjórnunarkerfi í gangi,
því sóknarmarkskerfið var enn til
staðar að hluta til. Strax fyrsta árið
brást kerfið hvað varðar takmörkun á
sókn, því þorskaflinn varð tæplega
40.000 tonn umfram heimildir.
framhald ábls. 12
ÚTGERÐARMENN - SJÓMENN - AÐSTANDENDUR SJÓMANNA
Nýtið ykkur þjónustu strandarstöðvanna
Hringið og pantið samtal um eftirtaldar stöðvar:
Reykjavík Radíó (Gufunes) sími: 91 -11030/16030 skip 91-672062 bifreiðar
ísafjörður Radíó sími: 94-3065
Siglufjörður Radió sími: 96-71108
Nes Radíó sími: 97-71200
Hornafjörður Radíó sími: 97-81212
Vestmannaeyjar Radíó sími: 98-11021
Auk símtalaafgreiðslu, hlusta strandarstöðvarnar á kall- og
neyðartíðnum skipa og bifreiða, rás 16, 2182 KHz og 2790 KHz, allan
sólarhringinn, alla daga ársins, og annast fjarskipti við leit og björgun.
SJÓMENN - Munið tilkynningaskylduna
12