Sjómannablaðið Víkingur - 01.12.1995, Qupperneq 49

að fá atvinnu í þessu fagi innanlands.
Þegar ég byrjaði hjá Eimskip 1976 átti
félagið 21 skip. Nú eru þau átta eða níu
og auk þess fækkar mannskap um borð.
Ég hafði verið atvinnulaus í níu mánuði
þegar ég frétti af þessu plássi í gegnum
kunningja minn sem starfar hjá sömu
útgerð. Það var ekki um annað að ræða
en að taka pokann sinn, kveðja konu og
börn og halda út í heim,“ segir Agnar.
Agnar réð sig á skipið Canopus sem er
23.000 lestir og 160 metra langt. Frá
Reykjavík flaug hann til Amsterdam, St.
Martin í Karíbahafi, Puerto Rico og lenti
að lokum í Dóminíska lýðveldinu. Það-
an var siglt upp Amazon-fljót til Manaus
í Brasilíu, í gegnum Panama til Esmer-
alda í Ekvador, Lake Charles í Texas í
Bandaríkjunum, Huston í Texas, aftur í
gegnum Panamaskurðinn til Gaya Maus
í Mexíkó, þaðan til Oinggaou í Kína,
Shanghai í Kína, frá Kína til Osaka,
Yokohama og þriggja annarra hafna í
Japan, til Bangkok í Taílandi og aftur til
Japans, þá til Suður-Kóreu, San Fran-
siskó og Brownswille í Texas.
ENGAR ATVINNULEYSISBÆTUR
TIL ÞEIRRA SEM VINNA HJÁ
„ÚTLENDUM" FYRIRTÆKJUM
Stýrimannsferil sinn byrjaði Agnar hjá
Eimskipafélaginu. Þaðan réð hann sig til
Nesskips og var þar í nokkur ár. Síðustu
tvö árin var hann ráðinn hjá dóttur-
fýrirtæki Nesskips á Kýpur. Þegar Agnar
missti vinnuna hjá dótturfyrirtækinu
stóð hann uppi réttlaus á íslandi þrátt
fyrir að hafa greitt skatta og skyldur. I
níu mánuði var Agnar atvinnulaus án
þess að fá nokkrar atvinnuleysisbætur.
Hann taldi fram samkvæmt íslenskum
lögum og greiddi sín stéttarfélagsgjöld til
Öldunnar. En því miður var sagt hjá
Atvinnuleysistryggingasjóði - engar
bætur greiddar til þín. Agnar varð að bíta
í það súra epli að hafa unnið hjá „út-
lendu“ fyrirtæki. Skítt með það þótt
heima biðu tvennir tvíburar, tólf ára og
tveggja ára, og eiginkona.
En aftur að útlegðinni á höfunum.
Fyrsti farmur skipsins var hluti olíu-
verksmiðju sem skipið flutti frá Manaus
í Brasilíu til Esmeralda í Ekvador. Frá
Ekvador var skipið tómt til Huston þar
sem lestaður var pappír til Mexíkó.
Þaðan var farið með baðmull til Kína.
Frá Kína var farið til Japans til að sigla
með gáma til Taílands og þaðan til
Japans. á ný Síðustu tvo mánuði hafði
skipið engin verkefni þrátt fyrir að alltaf
stæði til að lesta skipið og í þeim tilgangi
fór það til tíu hafna en ekkert að hafa.
Það hafði þó ekki áhrif á laun skipverja
heldur tapaði leigutaki skipsins mestu.
VANHÆFIR UNDIRSTÝRIMENN
Útgerðin sem Agnar réð sig til á fimm
skip í rekstri. Þegar áhöfn Canopus yfir-
gaf það í Brownsville var skipið selt.
Agnar veit að það vantar stýrimann á
annað skip hjá sömu útgerð og ef ekkert
annað verður í boði ætlar hann að falast
efir því plássi.
„Það er allt í lagi að vera hjá þessari
útgerð. Miðað við vinnuálag eru launin
lægri en hér heima en heildartekjur eru
svipaðar. Ekki er greitt fyrir yfirtíð og
Agnar á veitingastað í Kína. Kín-
verska stúlkan borðaði matinn sem
hann hafði ekki lyst á þar sem kjúk-
lingurinn var hrár.
Raytheon
V850 and V8010
Color Fishf inder/Plotters
DÝPTARMÆLAR
fyrir lítil og stór skip
RAFHUS
Fiskislóð 94-101 Reykjavík
Sími: 562 1616 - Fax: 562 7366
Hafnargötu 38 - 230 Keflavík
Sími:-421 1775 - Fax: 421 5844
49