Sjómannablaðið Víkingur - 01.02.2003, Blaðsíða 28

Aldreifékk Túlli svona einkennisklœðnað. Björgvin
varfenginn til að skemmla um borð í farþegaskipinu
Eddu og dressaður uppfyrir jómfrúarferðina.
fór að þvo og taka til“ i herberginu okk-
ar. Það var svona prýðilega gert. Allt svo
fágað og snyrtilegt. í dag er sunnudagur
og kl. er 13.00. Björgvin er sofnaður hér
á bekknum. Hann borðaði svo mikið af
steik og ís. Ég ætla að vita hvort hann
sefur í allan dag. Því næst slekk ég bæði
ljósin og á útvarpinu og fer að leggja
mig. Þegar ég vaknaði kl. 9,30 var Björg-
vin aftur í , hálfdaufur fannst mér. Það
kom líka á daginn þvi hann var hálf
lumpinn. Hann segist ætla að fara
snemma að sofa. Var sofnaður kl 10.
24. júní
Sá sem ætlaði að fara snemma á fætur,
vaknaði ekki fyrr en 11,30. Þegar pabbi
vakti hann kl 10 bað hann utn að fá að
sofa lengur og var það veitt góðfúslega.
En nú á hann að fara að þvo sér og fara
að borða. Hann borðaði með mér og
borðaði vel „kjöt í karrí“ og kjötsúpu.
Þegar ég fór upp þá sat hann aftur í
borðsal og lapti kaffi. Ætli hann fái sér
ekki smók á eftir?
Ekki hafði hann verið að „smóka“,
enda var þetta grín. Þegar ég vaknaði lá
vel á stráksa. Hann hafði verið í sólbaði.
Hann var að tefla um kvöldið svo var
hann uppí brú hjá mér til kl. 2 um nótt-
ina og fór svo að sofa.
25. júní
Nú er fyrst að koma lag á Björgvin,
hann borðar vel, og er ekki eins úrillur á
morgnana. Þegar ég ætlaði að vekja hann
í morgun var hann vaknaður og kominn
á fætur. Búinn að þvo sér og bursta
tennur og búinn að fá sér morgungöngu
á bátadekkinu. Hann fór með mér að
borða og nú verð ég að passa að hann
borði ekki yfir sig. Hann borðaði sig
belgfullan af nautasteik. Honum fannst
hún góð. Hann fær sér sopa eftir matinn
eins og rótgróinn togarakarl. Núna er
hádegi og hann er að spila við karlana.
Hann var að leika sér allan daginn og lá
prýðilega á honum. Hann virðist vera
farinn að sætta sig við sjómennskuna.
Fór að sofa á skikkanlegum tíma.
26. júní
Var ekkert úrillur þegar hann vaknaði.
Hann spurði, hvað væri til matar. Það
var saltfiskur og mjólkurgrautur. Hann
var nú ekki hrifinn af því, og skaust í
mat á undan mér, til þess að þurfa ekki
að éta saltfiskinn. Situr nú í borðsalnum
og sötrar kaffi uppað 10.
Þegar ég kom úr koju var Björgvin að
háma í sig smásteik, hann kunni víst bet-
ur við hana heldur en saltfiskinn. Ann-
ars er hann farinn að borða sæmilega.
Hann var að kjafta við strákana fram eftir
öllu
27. júní
Kl. 3 i nótt kom hann upp i brú til
mín, til að sjá stórt skip sem við mætt-
um. Þá sá hann tunglið og spurði mig
hvort mamma sæi það alveg eins. Nú er
kl 5 að nóttu og hann steinsefur hér á
bekknum. Ég tek eftir því að hann hefur
ekki þvegið sér, áður en hann fór í koju,
hann hefur stundum gleymt því. Hann er
voða kátur núna, því að við lögðum af
stað heim í nótt. Ég reif Björgvin upp kl.
10 og fór með hann í bað. En veðrið er
hálf slæmt svo hann átti bágt með að
standa. Það voru drullugar lappir sem ég
varð að bursta. Hann varð hálfsjóveikur í
látunum, át búðing og borðaði ekki
baunir um hádegið. Hann svaf megin-
partinn af deginum. Borðaði lúðu og
majónes og brauðsneið kl 6. Veðrið er
skárra. Við vorum að lesa og hlusta á út-
varpið. Ég sofnaði aðeins um átta leytið.
Þegar ég vaknaði kl. 8.30 var Björgvin
búinn að klæða sig og farinn aftur i,
glorhungraður og sjóveikin horfin.
28. júní
Ég fór að fá mér snarl um miðnættið,
en hvergi sá ég Björgvin. Ég bað Bjössa
að svipast um eftir honum og hann frétti
af honum fram í lúkar. Hann átti að reka
hann í koju. Urn tvö leytið sé ég ein-
hvern vera að paufast i myrkrinu. Það
var þá Björgvin. Hann kom upp til mín,
og sagðist hafa verið að spila. Hann var
hjá mér til kl. 3. Ég kom niður 3.30 og
við vorum að rabba lil kl 4,30.
Nú er kl. 10 að morgni og hann
steinsefur auðvitað. Hann fór ekki í
mat en svaf til kl. 8. Ég færði hon-
um mat í kojuna. Hann fór á fætur
kl 9 um kvöldið.
29. júní
Kl. er 24.00 og Björgvin er aftur í
borðsal. Ég sagði honum að hann
yrði að fara að sofa svo hann næðist
út á daginn. Þetta er það sem hann
vill gera heima, hafa endaskipti á
nóttu og degi. Það kom líka á dag-
inn, að hann gerði það. Ég vakti
hann kl 10 en það var ómögulegt að
ná honum fram úr. Hann er alveg
eins og Magga. Hann vill sofa á dag-
inn en vaka á næturnar.
Þegar ég kom niður kl. 3.30 í nótt
var hann að lesa og vildi fara að
rabba. Við röbbuðum saman til kl
4.00 þá sagði ég honum að hann
ætti að fara að leggja sig. Hann var
sofnaður kl 4.30. Þegar ég var að
vekja hann kl 10.30 sagði hann að
sér væri flökurt. Ég hef tekið eftir
því að hann er farinn að nota sér
linkind mína lil þess að fá að
dorma. Honurn er aldrei nökurt á
kvöldin, þó það sé kolbrjálað veður.
Það kom á daginn þegar hann loks
fór í mat var hann auðvitað glor-
hungraður. Hann át saltfisk og
graut, þá er hann hungraður.
Hann er búinn að vera að leika sér í
góða veðrinu í allan dag. Nú er kl. 4 um
nótl. Mér sýnist Björgvin vera nýsofnað-
ur. Hann er kominn öfugu megin á sól-
arhringinn.
30. júní
Já, hann er ábyggilega kominn á vit-
lausan helming sólarhringsins. Hann var
að leika sér einn lil kl 2 í nótt. Var dálítið
„svekktur" fyrst þegar túrinn var dreginn
um einn dag, en það lagaðist. Þegar ég
leit til hans kl. 3 var hann að lesa.
1. júlí
Nú er kl. 11,30 og ég er að reyna að
vekja hann, en það gengur hálf illa. Þó
náðist hann nú út.
Kl. 3 vakti hann mig, það var tann-
pína. Codephin og svaf til 6. Þá var farið
í bað í annað skiptið í túrnum og farið að
gera klárt til heimferðar. En þá var þvi
frestað um sólarhring. Minn maður setti
upp skeifu. En jafnaði sig von bráðar, og
spurði: „Þarf ég að fara í bað aftur á
morgun?“
2. júlí
Ég ætla að reyna að hátta hann - Ég
háttaði hann, og hann vaknaði ekki fyrr
en 6 um kvöldið. Þá var hann glaður og
kátur því nú var verið að halda heim.
Þá er þessari sjóferð lokið.
HB
28 - Sjómannablaðið Víkingur