Sjómannablaðið Víkingur - 01.02.2003, Blaðsíða 9
Ljósmyndakeppni sjómanna
Ljósmynd Þorgeirs Baldurssonar af Óla
á Stað í kröppum sjó hlaut 4. verðlaun í
norrænni ljósmyndakeppni sjómanna.
Þetta er í fyrsta skipti sem Islendingar
taka þátt í keppninni, sem haldin er í
framhaldi af keppni í hverju landi fyrir
sig. Að mati dómnefndar er mynd Þor-
geirs velheppnuð og raunsætt dæmi um
hvunndag í lífi fiskimanna nútímans. Við
óskum Þorgeiri til hamingju með þennan
góða árangur.
Fyrstu verðlaun í norrænu keppninni
féllu í skaut Krislian Bertelsen á Alacatel
frá Danmörku. í 2. sæti var mynd tekin
af Svianum Jorgen Simonsen, m/s Stena
Jutlandica og í 3. sæti var mynd Norð-
mannsins Finn Jorgensen á m/s Vidar
Viking. Daninn Bertelsen fékk einnig 5.
verðlaun í keppninni.
Formaður dómnefndar íslensku
keppninnar, Hilmar Snorrason, var við-
staddur úrslit norrænu keppninnar í
Osló í byrjun janúar. Samtals höfðu 772
"lyndir verið sendar til þátttöku í heima-
keppni landanna, en aðeins brot af þeim
fjölda fór áfram í samnorrænu úrslitin. í
íslensku keppnina voru sendar inn sam-
tals 69 myndir. Danskir sjómenn virðast
mjög iðnir við myndatökur því í dönsku
keppnina bárust 232 myndir og þar hlaut
einmitt verðlaunamynd Bertelsen 1. sæti.
Norðmenn sendu 201 mynd, Svíar 155
°g Finnar 115.
Þorgeir Baldursson fékk 1. verðlaun í
íslensku keppninni. Þau er hin stór-
merka bók Gísla Sigurðssonar, Seiður
lands og sagna - Sunnan jökla, sem Mál
°g mynd gaf út fyrir síðustu jól. Auk
texta prýða bókina hundruð nýrra og
gamalla ljósmynda. Önnur verðlaun
hlaut Hlynur Ársælsson, bókina íslands-
sýn eftir Sigurgeir Sigurjónsson sem For-
lagið gaf út fyrir jólin. Jón Páll Ásgeirs-
son hreppti 3. verðlaun og fékk að laun-
um bókina Sjósókn og sjávarfang sent
Hólar gáfu út.
Þessi mynd Finn Jorgensen
hlaut 3. verðlaun í norrænu
keppninni en hún sýnir að
gamlir siðir cru enn í heiðri
hafðir.
Sjómannablaðið Víkingur - 9