Sjómannablaðið Víkingur - 01.02.2003, Blaðsíða 42
Sjóklœðagerðin lif. - 66° NORÐUR hefur staðið af sér alla stórsjói við-
skiptalífsins áratugum saman og heldur áfram að koma með merkar
nýjungar í sjó- og útivistarfatnaði
íslendingar sem aðrir
velja gœðavöru
Elmar Freyr Vernharðsson og Þórarinn Elmar Jensen segjafrá framleiðslu 66° Norður.
Það eru hartnær 80 ár frá því Sjóklæða-
gerðin hf. hóf að framleiða skjólfatnað
fyrir sjómenn og fiskverkunarfólk. Síðan
hefur mikið vatn runnið til sjávar og
margt breyst í tímans rás. Fjölmörg fyrir-
tæki í fataiðnaði hafa risið og hnigið en á-
vallt hélt Sjóklæðagerðin velli. Nú er svo
komið að það fyrirtæki, sem heitir í dag
Sjóklæðagerðin - 66° Norður, er eina ís-
lenska fyrirtækið í þessum geira sem hef-
ur staðið af sér allar sviptingar á markaði
og opnun íslands fyrir óheftum innflutn-
ingi á hvers konar fatnaði.
Eitt af því sem hefur einkennt fyrir-
tækið frá upphafi er náið samráð við þá
sem nota framleiðsluna og íslenskir sjó-
menn hafa jafnan verið ósparir á yfiriýs-
ingar um hvað betur mætti fara að þeirra
áliti og fullt tillit hefur verið tekið til
þess. Pað er kannski þess vegna meðal
annars sem þetta fyrirtæki hefur ávallt
sótt fram og framleiðsla þess viðurkennd
gæðavara jafnt hérlendis sem í öðrum
löndum. Sjómannablaðið Víkingur heim-
sótti Sjóklæðagerðina - 66°Norður í
glæsileg húsakynni þess í Miðhrauni í
Garðabæ. Par sátu fyrir svörum þeir Þór-
arinn Elmar Jensen, Eskfirðingurinn og
eldhuginn sem áratugum saman hefur
staðið í stafni Sjóklæðagerðarinnar og átt
ómetanlegan þátt í vexti og viðgangi
þessa merka fyrirtækis ásamt sonum, og
svo barnabarn hans, Elmar Freyr Vern-
harðsson, sem nú er markaðsstjóri fyrir
innanlandsmarkað 66° NORÐUR. Þeir
nafnar og langfeðgar sögðu okkur undan
og ofan af starfseminni.
Um tvennt að velja
Við fengum harða samkeppni frá
keppinautum okkar i Skandinaviu um og
uppúr 1992 þegar þeir fóru að framleiða
vörur í Balkanlöndum. Við höfðum alltaf
haldið okkar markaði í samkeppninni
sem fyrir var, enda með vörur sem höfðu
verið þróaðar í samvinnu við íslenska
sjómenn alla tíð, þegar sjófatnaður er
annars vegar. Þegar við stóðum frammi
fyrir breyttri samkeppni og verðstríði átt-
um við um tvennt velja: Láta framleiða
vörurnar fyrir okkur annars staðar en hér
heima, eða við flyttum framleiðsluna
þangað þar sem keppinautar okkur voru
og framleiddum þá við sömu skilyrði og
þeir og héldum henni áfram sjálfir. Það
varð úr og þannig urðu við aftur sam-
keppnisfærir í verði á nýjan leik. Þar
með höfðum við einnig áfram stjórn á
gæðum og þróun framleiðslunnar. Um
gæði okkar framleiðslu þarf ekki að
deila, enda vilja sjómenn það sem gott er
og reynist þeim vel.
í dag erum við að nota efni sem eru
sérþróuð og mætir þörfum sjómanna
hvað varðar olíu- og kuldaþol. Nú eru
þessi efni sem við notum orðin umhverf-
isvænni. Það er að segja efnin eru sér-
staklega þróuð til að mæta kröfum mat-
vælaiðnaðar hvað snertir hreinleika efn-
isins þar sem óæskileg efni hafa verið
fjarlægð við samsetningu þeirra. Öll efni
í PU-flokki sem notuð eru i framleiðslu
42 - Sjómannablaðið Víkingur
J