Sjómannablaðið Víkingur - 01.02.2003, Page 40

Lóni í austri og vestur fyrir Eyjafjallajökul, eða um það
svæði sem oft er nefnt sunnan jökla. Höfundur staldrar við
á nokkrum landskunnum sögustöðum á leið sinni og rifjar
upp gang sögunnar. Textinn er hnitmiðaður og persónuleg-
ur og leiðir okkur um mestu náttúruperlur landsins með
nýstárlegum hætti.
Hundruð nýrra og gamalla ljósmynda skapa loks glæsilega
umgjörð um textann svo úr verður heillandi listaverk. Bók-
in er litprentuð og er hvergi til sparað að gera hana sem best
úr garði.
Atli Sigurðsson nemandi í fiskeldisdeild Hólaskóla
A sj ónum
Atli Sigurðsson er nemandi 1 fiskeldisdeild Hólaskóla. Hann er
ættaður úr Vestmannaeyjum og var í 33 ár til sjós áður en hann
ákvað að fara í fiskeldisnám.
„Ég hef verið á sjó frá því að ég var 17 ára gamall. í framhaldi
af því fór ég í Stýrimannaskólann og lauk honum 1973. Síðan þá
hef ég verið stýrimaður og skipstjóri á ýmsum bátum frá Vest-
mannaeyjum.
„Það má segja að það sé kvótakerfinu að þakka eða kenna að
ég fór í skóla. Ég var með útgerð og sérhæfði mig í veiðum á
skötusel og löngu sem voru utan kvóta. Útgerðin gekk vel og við
höfðum eins árs starfsfrið, en þá var settur kvóti á þessar tegund-
ir sem kippti grundvellinum undan útgerðinni.
Þar sem að atvinna var af skornum skammti í Vestmannaeyjum
stóð ég uppi atvinnulaus og ákvað því að drífa mig í skóla. Það
var meira tilviljun að ég fór í Hólaskóla. Ég heyrði um skólann í
útvarpinu, kíkti á heimasíðu skólans og leist vel á. í samráði við
fjölskylduna var ákveðið að kýla á þetta og við fluttum á Hóla.
Skólavistin hefur verið skemmtileg og lærdómsrík. Þetta er
mikið nám, miklu meira en ég hélt. Námið hefur gengið vel og
ég er ákveðinn í því að fara í framhaldsnámið. Okkur hefur liðið
vel á Hólum og þetta hefur verið farsæl breyting á okkar hög-
um.“
„Það er óvíst hvað við gerum í framtíðinni, en það væri gaman
að geta rekið eigin fiskeldisstöð.11 sagði Atli Sigurðsson að lokum.
Atli Sigurðsson
40 - Sjómannablaðið Víkingur