Sjómannablaðið Víkingur - 01.12.2005, Blaðsíða 56
Hilmar Snorrason skipstjóri
Utan úr
heimi
Morðákæra
Tævanskur skipstjóri og tveir kinverskir skipverjar af stór-
flutningaskipinu Well Pescadores eiga yfir höfði sér allt að 20
ára fangelsisdóm fyrir morð. Skipið, sem siglir undir fána
Panama, hafði verið á siglingu í Karabíska hafinu þegar fimrn
laumufarþegar fundust um borð. Laumufarþegarnir voru allir
frá dóminíkanska og ætlaði skipstjórinn ekki að lenda í vand-
ræðum með þá. Fyrirskipaði hann að þeir yrðu settir í bát og
var þeim þröngvað til að yfirgefa skipið. Þegar tveir þeir siðustu
voru að fara niður leiðarann (kaðalstiga) skáru skipverjarnir á
böndin með þeim afleiðingum að mennirnir tveir féllu í sjóinn
og hurfu. Engir mannanna voru syndir.
Dráttarbátarisínn Fairplay Towage hófst með kaupum á fiskibát fyrir
100 árum.
Dregið í 100 ár
Fyrir þá sjómenn sem sigla á hafnir i Þýskalandi hafa dráttar-
bátar af ýmsum stærðum og gerðum verið tíð sjón. Fairpaly
Towing fyrirtækið átti nýlega 100 ára afmæli og var þá mikið um
dýrðir. Ekki verður fjallað um veisluhöldin heldur hvernig þetta
veldi varð til.
Pað var Richard nokkur Borchard sem lagði grunninn að
þessu stórveldi með því að kaupa sér lítinn fiskibát sem hann
nefndi eftir eiginkonu sinnar, Lucy. Mannaði hann bátinn með
atvinnulausum fiskimönnum sem deildu aflanum á milli sín.
Nokkrum árum síðar fór hann út í að breyta fiskibátnum í drátt-
arbát og eftir það var ekki aftur snúið.
Árið 1930 lést Richard langt um aldur fram og tók eiginkon-
an, Lucy Borchard, þá við rekstri fyrirtækisins. Var hún í mörg
ár eina konan í Evrópu sem var í skipaútgerð. Hefur hún gjarn-
an verið kölluð móðir Borchard. Enn í dag er útgerðin í eigu
fjölskyldunnar en þriðji ættliður situr við völdin. Eru það systk-
inin Richard og Lucy.
Þess má geta i lokin að fjögur fyrrum íslensk skip hafa borið
nöfn úr Borchard fjölskyldunni áður en þau voru keypt til lands-
ins og eitt þeirra, Dísarfell (III), hét áður Lucy Borchard.
Áfengi úthýst
Þýska ríkisstjórnin ætlar að gera þá kröfu til alþjóðasiglinga-
stofnunarinnar (IMO) að settar verði strangar alþjóðakröfur
hvað varðar áfengisnotkun til sjós. Ætla þeir að taka upp á
svokölluðum MSC fundi að algjört áfengisbann verði sett á
áhafnir ferja og skipa sem flytja hættulegan varning. Hvað varð-
ar öll önnur skip þá verði mörkin 0,5 prómill. Á þessu ári, hér
á landi, hafa reglur um áfengismörk verið gerð skýrari hvað
varðar sjómenn.
Neitaði kyrrsetningu
Aðstoðarlögreglustjóri Suður Afríku mátti þakka sínum sæla
að sleppa frá borði stórflutningaskips sem átti að kyrrsetja í
Höfðaborg fyrir skömmu. Hafði hann verið sendur um borð til
að stöðva för skipsins en kínverskur skipstjóri skipsins var á allt
öðru máli. Hann ætlaði nú ekki að láta stöðva för sína og lét úr
höfn og hélt til hafs á fullri ferð. Skipverjar tók þá að ógna
stjóranum með lífláti og líkamsmeiðingum. Tókst honum að ná
sambandi við land og með þátttöku tryggingafélags skipsins og
útgerð þess tókst að fá skipstjórann til að slá nægjanlega mikið
af ferð skipsins til að aðstoðarlögreglustjórinn kæmist frá borði
og i lóðsbát. Skipstjórinn hafði gefið það út að aðstoðarlög-
reglustjórinn yrði settur af í næstu höfn sem væri í Argentínu.
Búið er að gefa út ákæru á hendur skipinu og skipverjum fyrir
athæfið.
Hungurverkfall
Þrettán pólskir rafvirkjar við skipasmíðastöðina Chantiers de
l’Atlantique í Nazaire fóru í viku hungurverkfall þar sem þeir
höfðu ekki fengið greidd laun fyrir þau störf sem þeir höfðu
unnið hjá skipasmíðastöðinni. Þeir höfðu verið ráðnir í gegn-
um pólska starfsmannaleigu sem hafði ekki staðið við sinn
hluta hvað varðaði greiðslur til mannanna.
Eftir viku hungurverkfall var það fyrirtæki að nafni Gestal
sem lagði fram 30 þúsund evrur til greiðslu launa til mannanna
og lét fyrirtækið það fylgja með að þetta væri gert af mannúðar-
ástæðum. í kjölfarið héldu Pólverjarnir til síns heima en fjöldi
fólks hafði stutt þá í baráttunni fyrir launum sínum. Hafði
meðal annars verið slegið upp tjaldbúðum til að gefa Pólverjun-
um næturskjól. Skipasmíðastöðin Chantiers de l’Atlantique er
þekkt fyrir smíði farþegaskipa á borð við Queen Mary 2.
Gámaskipum fjölgar stöðugt og þau verða sífellt stærri og stœrri.
Grete Mœrsk var stœrst þegar þessí mynd var tekin.
Gámaskipin fylla hafnir
Hin gífurlega aukning sem hefur orðið í fjölda gámaskipa í
heiminum hefur valdið margskonar vandræðum. Bryggjupláss
er orðið af skornum skammti í mörgum höfnum og er ekki óal-
gengt að sjá allt að 30 til 50 skip bíða við akkeri eftir að
bryggjupláss losni í stærstu höfnunum.
Sem dæmi þá eru tvöfalt fleiri skipakomur til Southampton
en höfnin var hönnuð fyrir. Þá eru skipin einnig að stækka og
ekki lengur hægt að fullyrða hér hvað sé stærsta gámaskip
heims því áður en blekið er þornað á blaðinu hefur enn stærra
gámaskipi verið hleypt af stokkunum.
56 - Sjómannablaðið Víkingur