Náttúrufræðingurinn - 2006, Blaðsíða 58

Náttúrufræðingurinn
Sturla Friðriksson
JÁRNHÓLKAR í DRUMBABÓT
1. mynd að ofan. Sturla Friðriksson og Grétar Guðbergsson við
gildan birkistofn sem grafinn er í öskulaginu í Drumbabót.
Ljósm. Borgþór Magm'isson, maí 2006.
2. mynd til vinstri. Brot úr járnhólkum og stönglar klóelftingar á
sandinum í Drumbabót. Ljósm. Borgþór Magmtsson.
Avordögum 2006, þann 28.
maí, fórum við þrír félagar
að skoða fornar skógarleifar
í Drumbabót úti á Þveráraurum í
Fljótshlíð. Auk greinarhöfundar
voru í ferðinni þeir Borgþór Magn-
ússon vistfræðingur og Grétar M.
Guðbergsson jarðfræðingur. í bót-
inni gat að líta birkilurka sem varð-
veist hafa í þéttri ösku. Líklegt er
talið að jökulhlaup sem varð við
umbrot í Kötlu skömmu fyrir land-
nám, eða fyrir um 1200 árum, hafi
eytt skóginum í Drumbabót.1 Á
þeirri tíð hefur því gróskumikill
skógur vaxið á aurunum. Áður hef-
ur verið greint frá rannsóknum á
þessum skógarleifum í erindum og
ritum þeirra Ólafs Eggertssonar,
Óskars Knudsens og Hjalta J. Guð-
mundssonar. Með árhringjagrein-
ingu á drumbunum hefur verið
sýnt fram á að rétt fyrir landnám
hefur þarna vaxið þróttmikill
skógur við loftslag sem líkst hefur
góðviðristímabilinu hér á landi á ár-
unum 1930-1940. Kom þetta fram
þegar árhringir drumbanna voru
bornir saman við hringi birkitrjáa
úr Bæjarstaðaskógi.2'3
118
Náttúrufræðingurinn 74 (3—4), bls. 118-119, 2006