Náttúrufræðingurinn - 1980, Blaðsíða 77

29. október:
Fyrirlesari: Páll Hersteinsson, dýrafræö-
ingur. Efni: íslenski refurinn.
26. nóvember:
Fyrirlesari: Markús Á. Einarsson, veður-
fræðingur. Efni: Veðurfarsbreytingar og
hugsanleg áhrif manna á veðurfar.
Stjórnin vill, fyrir hönd félagsins, þakka
öllum fyrirlesurunum kærlega þann velvilja
sem þeir hafa sýnt félaginu með því að koma
og halda erindi á fræðslusamkomum þess, og
einnig öllum þeim mörgu sem sóttu sam-
komurnar og þá einkum þeim sem tóku þátt
í umræðum.
FRÆÐSLUFERÐIR
Sumarið 1979 voru farnar fjórar fræðslu-
ferðir á vegum félagsins, eins og verið hefur
síðustu ár, þrjár einsdagsferðir og ein lengri
eða þriggjadagaferð. Þátttakendur i ferð-
unum urðu einnig nokkru fleiri en árið þar
áður, eða alls 148, þ. e. 37 að meðaltali.
Uppstigningardag 24. maí var farin fugla-
skoðunarferð á Krísuvíkurberg og komið við
í Húshólma í ögmundarhrauni og bæjar-
rústirnar j:>ar skoðaðar; einnig var hugað að
jarðfræði í ferðinni. Leiðbeinendur voru
Árni Waag og Leifur Símonarson. Þátttak-
endur voru 62, enda var veður með ein-
dæmum gott.
Laugardag 16. júni var svo farin ferð til
jarðfræðiskoðunar að Kaldárseli og gengið
þaðan um Helgadal að Búrfelli, og síðan um
Búrfellsgjá að Hjöllum í Heiðmerkurgirð-
ingu. Leiðbeinandi var Jón Jónsson, jarð-
fræðingur. Þátttakendur voru 27.
Sunnudaginn 1. júlí var farin ferð til grasa-
skoðunar í suðurhlíðar Esju í landi Mógilsár.
Leiðbeinandi var Eyþór Einarsson, þátttak-
endur voru 9.
Föstudag 17. — sunnudags 19. ágúst var
fjórða ferðin farin, langa ferðin svokallaða,
og haldið til náltúruskoðunar á sunnan-
verðum Kili.
Fyrsta daginn var ekið upp á Kjöl með
viðkomu hjá Geysi og Gullfossi, þar sem jreir
sprækustu príluðu niður í Pjaxa. Frá sælu-
húsinu í Hvítárnesi voru þræddar gamlar
slóðir austan girðingarinnar norður Tjarn-
heiði, norður undir Hrefnubúðir. Þar ókum
við yfir Fúlukvísl á ágætis vaði hindrunar-
lítið og vestur með Hrefnubúðum í Ytri
Fróðárdal, þar sem tjaldað var til tveggja
nátta á lækjarbakka.
Annan daginn var svo öslað þvert fyrir
mynni Fróðárdals og vaðið yfir Fróðá. Síðan
gengið yfir í Karlsdrátt, sem er mjög
gróðursæl vík norður úr Hvítárvatni, og er
aðeins yfir Iágan háls að fara. Þaðan var svo
haldið upp á Leggjabrjót, allt upp að gígn-
um Sólkötlu, en suddi og þoka var efst á
dyngjunni svo ekki fóru allir upp að gíg.
Allir hittust þó við Fróðá á eftir og þaðan var
stutt í tjöldin.
Síðasta daginn var svo ekin sama leið til
baka yfir Fúlukvisl, um Tjarnheiði og upp á
Bláfellsháls. Þar yfirgaf rúmur helmingur
hópsins bíla og gekk á Bláfell; veður var
ágætt en ský á toppi fjallsins byrgðu útsýn
þaðan annað veifið. Síðan var ekið rakleitt
til Reykjavíkur. Þátttakendur voru alls 50.
Leiðbeinendur voru Karl Grönvold og
Eyþór Einarsson.
ÚTGÁFU STARFSEMI
Af tímariti félagsins, Náttúrufræðingnum,
komu út tvö hefti á árinu, alls 216 tvídálka
síður, 3.—4. hefti 48. árgangs sem er 136
síður, og 1. hefti 49. árgangs upp á 80 blað-
síður. Ritstjóri Náttúrufræðingsins var
Kjartan Thors, jarðfræðingur eins og
undanfarin ár og ritið var prentað í Prent-
smiðjunni Odda eins og áður. Útgáfan er
enn nokkuð á eftir, en þó ekki eins mikið og
kann að virðast, því tvöfalt hefti er nú
fullsett og tilbúið til prentunar, að frátalinni
einni grein sem er tilbúin til setningar. Eins
og margir vita var þetta hefti tileinkað Finni
Guðmundssyni í tilefni af sjötugsafmæli
hans síðastliðið vor. Þegar heftið var að
verða tilbúið lést Finnur og þótti því sýnt að
minningargrein um hann yrði að vera í því
og þess vegna dróst útkoma þess, en nú er
greinin sem sagt tilbúin. Þar næsta hefti, eða
síðasta hefti 49. árgangs er svo jafnframt í
setningu og mun fylgja fast á eftir Finns-
hefti. Einnig er töluvert efni tiltækt 1 50.
árgang, m. a. verður i honum tvöfalt hefti
71