Náttúrufræðingurinn - 1985, Side 7

Dr. Sigurður Þórarinsson jarð-
fræðingur — Minningarorð
Sigurður Þórarinsson, jarðfræðing-
ur, lést á Borgarspítalanum að kvöldi
þriðjudagsins 8. febrúar 1983. Bana-
mein hans var hjartabilun. Sigurður
kenndi þessa sjúkdóms á föstu-
dagsmorgun 4. febrúar og varð sjúk-
dómslegan því stutt. Ég heimsótti
hann þetta þriðjudagskvöld og virtist
mér hann tiltölulega hress, svo að mér
brá ónotalega þegar ég frétti tveimur
tímum síðar að hann væri látinn, hrif-
inn beint úr önn dagsins þar sem hann
vann síðustu vikurnar að ritgerðum
um Skaftárelda.
Sigurður Þórarinsson var fæddur á
Hofi í Vopnafirði 8. janúar 1912 og
alinn upp á Teigi í sömu sveit. Foreldr-
ar hans voru þau hjónin Snjólaug Sig-
urðardóttir, járnsmiðs á Akureyri,
fædd 4.12.1879 og dáin 30.3.1954, og
Þórarinn Stefánsson bóndi í Teigi,
fæddur 16.5.1875 í Fossgerði (Stuðla-
fossi) í Jökuldal og dáinn 28.5.1924.
Sigurður naut barnafræðslu heima
fyrir og hjá prófastinum á Hofi, séra
Einari Jónssyni. Þótti hann snemma
gæddur góðum námshæfileikum. Þótt
efnin væru ekki mikil varð þó úr að
hann settist í annan bekk Gagnfræða-
skólans á Akureyri haustið 1926.
Hann var afbragðs námsmaður og
nokkuð jafnvígur á allar greinar.
Hann lauk stúdentsprófi frá Mennta-
skólanum á Akureyri vorið 1931.
Að stúdentsprófi loknu hafði hann
aðallega áhuga annars vegar á latínu
og bókmenntum og hins vegar á nátt-
úrufræði, einkum jarðfræði. Það mun
þó hafa auðveldað valið milli þessara
námsgreina að Pálmi Hannesson
kenndi honum náttúrufræði að hluta
við Menntaskólann á Akureyri og svo
einnig, að um þessar mundir var auð-
veldara að fá styrki til náms í jarðfræði
en latínu eða bókmenntum, en þá var
mikill hörgull á náttúrufræðilega mennt-
uðum mönnum hérlendis.
Haustið 1931 hélt hann til náms við
Hafnarháskóla og innritaðist í jarð-
fræði. Vorið 1932 lauk hann prófi í
forspjallsvísindum, þ.e. cand. phil,-
prófi. Ekki ílentist hann í Kaupmanna-
höfn, en hélt haustið 1932 til Stokk-
hólms og innritaðist í háskólann þar í
jarðfræði og landafræði. Ástæðan fyrir
þessum skiptum mun einkum hafa ver-
ið sú að honum þótti kennslan í Höfn
heldur gamaldags. í Stokkhólmi voru
jarðfræði og landafræði hins vegar
mjög blómleg, enda áttu Svíar þá á að
skipa heimsfrægum mönnum, t.d.
Gerard de Geer, þekktum fyrir hvarf-
lagatímatal sitt, og Lennart von Post,
frumkvöðli í frjógreiningu. Einnig var
þá nýkominn til Stokkhólmsháskóla
Hans W:son Ahlmann, landmótunar-
fræðingur, sem Sigurður starfaði síðan
með um langt árabil. Allir voru þessir
heimsfrægu fræðimenn kennarar hans
og varð vart á betra kosið um kennara-
lið í jarðvísindum við háskóla á þess-
um tíma.
Sigurður lauk fil.kand.-prófi við
Stokkhólmsháskóla 1938 í jarðfræði
og landafræði með bergfræði og grasa-
fræði sem aukagreinar. Fil.lic.-prófi
Náttúrufræðingurinn 54 (1), bls. 1-7, 1985
l