Náttúrufræðingurinn - 1945, Qupperneq 32

94
NÁTTÚRUFRÆÐINGURINN
byggðum en í byggðum, svo að hægt væri að verja allt að tveim sumr-
um til t. d. Suðurlandsundirlendisins, þá rnyndi öllum rannsóknar-
mönnum þykja fljótt farið yfir sögu, jafnvel þótt hver þeirra hefði
tvo til þrjá aðstoðarmenn.
Undirbúningur þessara rannsókna hygg ég að eigi að vera þannig,
að valin séu nokkuð lítil svæði, t. d. 25 km- að stærð og þau rann-
sökuð allýtarlega. Endanleg áætlun væri síðan byggð á þessum rann-
sóknum. 25km- svæði er nokkru minna en svæði það, sem að jafn-
aði verður að taka til meðferðar á einum degi, því í fæstum tilfell-
um má gera ráð fyrir 100 vinnudögum úti á ári. Samhliða yfirlits-
rannsóknunum, sem aðallega yrðu söfnun sýnishorna, flokkun land-
svæða eftir gróðurfari, dýralífi eða jarðfræðilegum einkennum, ætti
ávallt að fara fram nákvæmari rannsókn á smásvæðum víðsvegar um
landið. Þessar nákvæmari rannsóknir mynduðu svo grundvöll fyrir
flokkunina.
Kostnaðar vegna væri æskilegt að athugendur fylgdust sem mest
að. Færu flestir eða allir flokkarnir yfir sama svæði á sarna sumrinu
að svo miklu leyti sem við verður koniið. Bækistöðvar rannsóknar-
mann þyrftu að vera flytjanlegar og þar þyrfti hel/.t að vera rann-
sóknar aðstaða, svo að hægt væri að ganga frá sem mestu á stöðunum
sjálfum. Bílvegakerfi landsins er nú orðið svo stórt, að víðast hvar
um byggðir landsins er hægt að halda sig við vegina með aðalbæki-
stöðvar. Áður en rannsóknum þessurn er Jokið má gera ráð fyrir að
þær byggðir, sem enn eru ekki í sambandi við bílvegakerfi landsins,
verði einnig komnar í samband við bílvegakerfið. Má fyrst um sinn
láta þau landsvæði mæta afgangi, sem liafa ófullkomnast vegakerfi.
I óbyggðum, eða þar sem vegleysur eru, mætti ferðast með vélum,
sem óháðar eru vegum.
Á veturna væri unnið úr rannsóknunum, sýnishornum raðað og
gengið frá skýrslum. Eðiilegt væri að starf þetta færi frarn í sam-
bandi við Náttúrugripasafnið, sem að sjálfsögðu ætti að geyma þá
muni, sem safnað yrði. Hið nýja Náttúrugripa safn þyrfti m. a. að
miðast við starfsemi þessa.
Kostnaður við rannsóknir þessar yrði að sjálfsögðu mikill. Miðað
við verðlag fyrir stríð, hefði ég viljað áætla kr. 150 þúsund á ári
til þess að framkvæma áætlun þá, sem hér hefir verið lauslega rakin.
Er upphæð þessi um þreföld upphæð sú, sem árlega var greidd til
landmælinganna. Hér á eftir fer lausleg kostnaðaráætlun: