Náttúrufræðingurinn - 1992, Qupperneq 14

AÐ GEFNU TILEFNI
A ferð Náttúruverndarráðs um Fljótsdalshérað haustið 1991 var athygli þess
vakin á berggangi einum fögrum í svonefndum Kirkjuhamri í landi Vallholts í
Fljótsdal. Það sem ráðsmönnum var ætlað að skoða var ekki eingöngu jarð-
myndunin sem slík heldur ummerki eftir jarðfræðinga sem höfðu verið við
sýnatöku. Svo sem sjá má á meðfylgjandi mynd hefur verið tekinn fjöldi bor-
kjarna úr berginu og það gert án umhugsunar um það hvernig berggangurinn og
umhverfi hans liti út á eftir. Auðvelt virðist vera að taka sýni úr berginu á
minna áberandi stað ofar í hlíðinni og einnig má velta fyrir sér þörfinni á þeim
fjölda sýna sem tekinn var.
Hér var á ferðinni erlendur vísindaleiðangur sem hafði öll tilskilin leyfi til
rannsókna. Rætt hefur verið við viðkomandi aðila og hafa þeir viðurkennt að
illa hafi verið að verki staðið.
Það er deginum ljósara að við ýmsar athuganir á náttúrunni er óhjákvæmilegt
að taka sýni til rannsókna. Það eru því vinsamleg tilmæli til allra þeirra sem
slíkar rannsóknir stunda að þeir geri það á sem snyrtilegastan hátt og velji sýna-
tökustaði og aðferðir með tilliti til þess að sem minnst beri á ummerkjum.
Ljósm. Þóroddur F. Þóroddsson.
Þóroddur F. Þóroddsson
Náttúrufræðingurinn 61 (2), bls. 92, 1992.
92