Náttúrufræðingurinn - 1992, Síða 32

veruleg aukning á útivist fólks og öðr-
um beinum samskiftum við náttúru
landsins. Auk þess er æ meir og oftar
stefnt að traustum og skynsamlegum
fræðagrunni að nýtingu náttúruauð-
linda og að náttúruvernd. Því virðist
nú vera stóraukin þörf á almennum
náttúrufræðilegum fróðleik, bæði um
náttúru landsins og nýjungar í nátt-
úrufræðunum. Framfarirnar í þekk-
ingunni kalla einnig æ oftar og þéttar
á yfirlit um stöðu einstakra greina.
Við þetta hefur þó engan veginn dreg-
ið úr þörfinni á þeim vettvangi fyrir
vísindalegar nýjungar í náttúrufræðum,
sem Náttúrufræðingurinn hefur verið.
í samræmi við þetta er það sameig-
inlegur og fullur vilji stjórnar Hins ís-
lenska náttúrufræðifélags og hins nýja
ritstjóra Náttúrufræðingsins að reyna
að mæta nýjum viðhorfum og nýjum
þörfum, sem nýir tímar kalla á, án
þess þó að missa þá rótgrónu fótfestu,
sem hefðir og venjur tímaritsins
skapa. Með þessu móti er þess vænst,
að Náttúrufræðingurinn verði áfram
sem hingað til frjór vettvangur lifandi
náttúrufræða í landinu.
Freysteinn Sigurðsson,
formaður Hins íslcnska
náttúrufr æðifélags.
110