Fréttablaðið - 23.07.2009, Side 29
FIMMTUDAGUR 23. júlí 2009 3
Þó Michaels Jackson verði líklega fyrst og fremst minnst fyrir tón-listina, breytingar á and-
liti sínu og svo kannski hneyksl-
ismál, þá hafði hann gríðarleg
áhrif á tískuna og það þrátt fyrir
að mörgum finnist hann hafa
haft afar lélegan fatasmekk.
Föt hans voru oft skrautleg og
yfirhlaðin keðjum og pallíettum.
Við þau notaði hann hvíta eða
glitrandi sokka og hver man ekki
eftir kvartbuxunum sem minntu
helst á of stuttar buxur. Þrátt
fyrir að hann hafi kannski ekki
gjörbreytt tískunni er líkt og
hönnuðir hafi að einhverju leyti
tekið Jackson í sátt síðustu miss-
eri, einkennileg tilviljun í ljósi
síðustu atburða. Í október 2007
mátti sjá Michael Jackson á for-
síðu ítalska Uomo Vogue klædd-
an í föt eftir Roberto Cavalli, en
Cavalli átti að hanna föt fyrir
plötuumslag væntanlegrar plötu.
Áhrif Michaels Jackson sjást lík-
lega meira í kventísku enda var
hann ekki sá karlmannlegasti í
klæðaburði og stíl.
Á sýningu tískuhúss Pierre
Balmain fyrir sumarið sem nú
er að líða mátti sjá hermanna-
jakka að hætti yfirmanna, nán-
ast eins og jakka sem Jackson
notaði á einum af sínum fjöl-
mörgu tónleikaferðalögum.
Sjálfsagt hefur einhver góður
viðskiptavinur Balmains tekið
fram jakkann eftir að fréttir af
dauða kóngsins bárust. Á tísku-
sýningu fyrir komandi vetur
sýndi Jean-Charles de Castelba-
jac kjól með mynd af andliti
Michaels frá yngri árum
með líkt og svartri gæru
í kringum andlitið sem
minnir á afró-greiðslu.
Castelbajac hefur reynd-
ar áður gert svipaðan kjól
með mynd af Barack Obama.
Líklegt er að þessi kjóll eigi
eftir að slá í gegn í vetur. Síð-
asta vetur seldi tískuhús Mart-
ins Margiela eftirlíkingu frægs
jakka Thriller-myndbandsins
sem nú hlýtur að öðlast aukið
gildi og á jafnvel eftir að selj-
ast dýrt á Netinu.
Daginn eftir fráfall
Michaels ráku margir upp
stór augu á tískusýningu
Givenchy í París og fannst
sem þeir sæju drauga á sýn-
ingarpallinum en frá því fyrir
nokkrum mánuðum gekk
Michael Jackson aðeins í fötum
frá Givenchy, hönnuðum af
Riccardo Tisci. Tisci hann-
aði einmitt búninga sem átti að
nota í tónleikaferð poppkóngs-
ins sem átti að hefjast í júlí og
sýningin bar þess merki. Svona
geta örlögin breytt gangi mála
og fötin, sem sum hver minntu
á goðið, voru sýnd aðeins
nokkrum tímum eftir að frétt-
ir að bárust af dauða Jacksons.
Ótrúleg tilviljun sem auðvitað
setti drungalegan svip á sýn-
inguna. Nú er að sjá hvort fleiri
hönnuðir muni rjúka til og setja
smá Jacksonsyfirbragð á hönn-
un sína. Plöturnar rokseljast að
nýju og því ekki líka fatnaður-
inn? bergb75@free.fr
Poppkóngurinn í tískunni
ÚR HÁBORG TÍSKUNNAR
Bergþór Bjarnason skrifar frá París
Tískubylgjurnar hreyfa við sund-
fötum eins og öðrum og nú eru það
sundbolirnir sem blífa þótt þeir
hleypi ekki sólargeislum að eins
stórum hluta kroppsins og bikiní.
Í verslunum með notaðan og nýjan
fatnað er hægt að rekast á fal-
lega sundboli og í Sigurboganum
við Laugaveg fást vandaðir bolir
fyrir kvenfólk á öllum aldri. Meira
að segja flottir bolir fyrir þær sem
hafa misst brjóst.
Bolir með rykkingum skáhallt
að framan forma kroppinn betur
en þeir sem eru sléttir og hið sama
gildir um tvöfalt efni á vissum
stöðum.
gun@frettabladid.is
Flott á laugarbakkanum
Sundbolir sækja í sig veðrið í vinsældum. Jafnvel efnismiklir bolir sem minna á tískuna um miðja síðustu
öld. Tankiní kemur líka sterkt inn, með buxum og útsniðnum bol sem nær niður fyrir mitti.
Gamaldags og efnismiklir bolir þykja
ekki lengur gamaldags. MYND/GETTY IMAGES
Spúútnik,
Kringlunni
2.300 krónur.
Sigurboginn,
19.900 krónur.
Sigurboginn,
18.900 krónur.
Sigurboginn,
19.900 krónur.
Sigurboginn,
19.900 krónur.
Útilíf,
9.990 krónur.