Tímarit íslenzkra samvinnufélaga - 01.03.1922, Qupperneq 16
10 Tímarit íslenskra samvinnufélaga.
skammvinnur vorgróður, sem deyr á fyrstu frostnótt. Frá
sjónarmiði leiðandi manna í nýju félögunum er þessvegna
hin mesta grunnhyggni að óska þess, að samvinnufræðslan
minki í landinu. Þvert á móti er einnn'tt þessi fræðsla
aðalhjálp slíkra manna. Þeir standa í baráttunni, þar sem
hún er hörðust. Vilja vinna fyrir almenning, gera lífskjör
manna betri. En alstaðar eru andstæðingar, sem hvar-
vetna leggja hindranir í veginn. Við því má búast. En
hitt er verra, þegar mótbyrinn er í liði samherjanna. Þar
koma í ljós ávextir fáfræðinnar, tortrygninnar og nær-
sýninnar sjálfselsku.
Það ber því að sama brunni, hvernig sem litið er á
málið, livort heldur frá sjónarmiði gömlu félaganna, ungu
félaganna, eða tekið tillit til sérkennilegra staðhátta, sem
auka erflðleikana hér á landi, og fordæma erlendra þjóða.
Samvinnumentun er nauðsynleg hér á landi, eða öllu
heldur óhjákvæmileg. Að fella niður liina andlegu, vekj-
andi og fræðandi starfsemi félaganna, en að búa þeirn
bráðan dauða. Eldur hugsjónanna og ljós þekkingarinnar
hafa skapað og eflt samvinnuna. An þeirra getur sam-
vinnan ekki starfað og notið sín.
Samvinnuskólinn er enn ungur. Samt hygg eg að
varla verði með sanngirni sagt að hann hafi ekki haft
töluverð áhrif. Því nær allir efnilegustu nemendurnir eru
nú annað hvort starfsmenn í félögunum, dugandi stuðn-
ingsmenn heima fyrir, eða að halda áfram námi í sam-
vinnufræðum hér heima eða erlendis. Endurskoðandi Sam-
bandsins hefir fullyrt við mig, að bókfærsla félaganna
hafi batnað mjög mikið síðan nemendur frá Samvinnu-
skólanum komu að félögunum. Sömu breytingar má vænta
á fleiri sviðum, ekki síst þar sem margir af nemendun-
um sigla, að skólanámi loknu, og kynna sér nýtísku
vinnubrögð í daglegum rekstri fyrirmyndarfélaga erlendis.
En á þá hlið minnist eg síðar. Þá þykir mér engu síður
skifta miklu um gagnleg áhrif þeirra unglinga, karla og
kvenna, sem koma í skólann, til að fá þar almenna fé-