Tímarit íslenzkra samvinnufélaga - 01.03.1922, Blaðsíða 32

26 Tímarit íslenskra samvinnufélaga.
En hversvegna hafa þessa kenslu í Samvinnuskóla,
munu suinir spyrja. Af því að tvær leiðir liggja. að sama
marki. Það takmark er framför íslensku þjóðarinnar í
samúð og samhjálp. Fyrir suma menn liggur leiðin að
þessu marki eftir vegum félagsmálaþekkingar, en fyrir
aðra eftir vegi listanna og fegurðarinnar. Aðalatriðið er
að auka víðsýni og stórhug, og að því er stei'nt eftir þess-
um tveim aðalleiðum.
Skólinn veitir nemendum aðgang að lestrarherbergi
og bókasafni, sem miðað er við kensluna. Síðar er hugs-
anlegt, að bætt verði við áframhaldsnámi í annari deild,
þar sem úrvalsrit hinna annara Norðurlandaþjóða verða
lesin og kent um á sama hátt.
Kvöldskólinn er í tveim deildum. Önnur þar sem fé-
lagsmálakenslan er aðalatriði, hin þar sem mest áhersla
er lögð á íslenskar bókmentir. Er þar sami munur til-
tölulega, eins og á fyrstu og annari deild dagskólans.
Kvöldskólinn er miðaður við kringumstæður fólks, ein-
kum aðkomandi, sem atvinnu heflr í Reykjavík, en vill
jafnframt sinna námi.
VII.
Samvinnuskólinn og aðrir skólar.
Hingað til hafa sumir ókunnugir menn álitið Sam-
vinnuskólann og Verslunarskólann alveg samskonar stofn-
anir. Alitið best að sameina þær og láta ríkið kosta einn
skóla fyrir báða. Þetta er bygt á ókunnugleika, og stund-
um kala til samvinnunnar.
Fyrst er gengið fram hjá þ'eim eðlismun, að Sam-
vinnuskóli leitast við að undirbúa menn, sem vilja að
verslun landsins sé rekin þannig, að liver maður fái
sannvirði fyrir vöru sína eða vinnu. Þeir menn, sem
starfa þannig að verslunarmálunum, verða í einu þjónar
og leiðtogar þeirra, sem þeir starfa fyrir. Kaupmanna-