Tímarit íslenzkra samvinnufélaga - 01.03.1922, Síða 17

Tímarit íslenskra samvinnufélaga. 11
lagslega mentun. Einmitt þeir menn og konur munu fá
einna mesta þýðingu fyrir samvinnustarfsemina hér á
landi. Því fleiri sem vilja vinna hugsjóninni gagn, án
launa, nema þeirra, að fylgja máli, sem þeir telja rétt,
því betur vegnar hréyfingunni.
Það er rétt að taka það fram undir eins, að sum fé-
lögin hafa svo mjög misskilið hlutverk sitt, að ganga
fram hjá nemendum af samvinnuskólanum við störf
og stöður sínar. í þess stað hafa á ýmsum héruðum
búfræðingar, gagnfræðingar, kvennaskólastúlkur, jafnvel
í einstaka stað piltar úr kaupmannaskólanum, eða
gamlir kaupmenn og þjónar þeirra liafa verið teknir fram
yfir nemendur úr skóla Sambandsins. Eg lít svo á að
þetta muni tæplega koma til greina í nokkru félagi, þegar
augu manna opnast fyrir erfiðleikum þessa starfs, og að
undirbúningurinn getur aldrei verið of mikill eða góður.
í framtíðinni vona eg að hver einasti fullorðinn starfs-
maður í samvinnufélagi hafi búið sig undir starfið í Sam-
vinnuskólanum, alveg eins og engum dettur nú í hug að
að veita læknisembætti nema manni, sem fengið hefir
fullkomna sérmentun á því sviði í læknadeild háskólans.
Ef til vill er ekki úr vegi að minnast á það hér að
bændastétt landsins hefir á undanförnum árum þrásinnis
rekið sig á það, að hann hefir vantað talsmenn á ýmsum
stöðum með nægilegri félagsmentun og þekkingu á tungu-
málum. Eg vil nefna í því sambandi ensku samningana,
þar sem tvívegis varð að taka sem fulltrúa fyrir bænda
hönd menn, sem uppfyltu hvorugt skilyrðið. Sama má
segja um ýrnsar aðrar vandasamar stöður t. d. banka-
stjóra beggja bankanna. Þar hefir á undanförnum árum
mjög vanhagað um sérfróða menn um banka og búnaðar-
mál. En þó leitað hafi verið með ljósi um landið alt liefir
fárra slíki'a manna verið völ, eða þeir þá gengt öðrum
trúnaðarstörfum, sem þeir verða ekki teknir frá. Þetta er
vitanlega alls ekki af því að í bændastétt landsins sé
ekki fjöldi gáfaðra manna, sem þeh'ra hluta vegna gætu