Tímarit íslenzkra samvinnufélaga - 01.08.1922, Blaðsíða 36

82 Tímarit íslenskra samvinufélaga.
Samkvæmt ávörðun fundarins skyldu vörupantanir
komnar til formanns félagsins 15. febrúar næst á eftir.
Voru svo þær pantanir samandregnar af formanni, og
pöntunarskráin undirskrifuð af stjórnarnefndinni 22. febr.
og pöntun sú svo send Jóni Vídalín, sem þá var versl-
unarfélagi Zöllners.
Aætlað verð á vörum þeim, sem pantaðar voru, var
tæplega 20000 kr. og til borgunar á þeim var lofað:
1951 pd. af hvítri vorull (sem afhendast skyldi á
Sauðárkróki),
54 hrossum og
1486 sauðurn.
I byrjun marsmánaðar barst hingað sú frétt, að lagt
hefði verið fyrir enska þingið frumvarp til laga um að
banna þar inníiutning á lifandi sauðfé, og að líkur væru
til að það næði fram að ganga.
Formaður félagsins boðaði því meðstjórnendur sína
og alla deildarstjórana á fund, sem haldinn var 24. mars.
A þeim fundi var ákveðið að afturkalla pöntun þá sem
send hafði verið, en að safna aftur nýjum pöntunum gegn
ull, hrossum og peningum. Bauðst þá formaður til að slá
V?1 af kaupi sínu, sem ákveðið hafði verið á stofnfundin-
um 300 kr.
Pöntun þessi varð ekki helmingur við það sem fyrri
pöntunin hafði verið, og lofað var af íslenskum vörum:
3700 pd. af vorull, 95 hrossum og 2000 kr. í peningum.
Pöntun þessi var svo send með þeim fyrirvara, að ef
sauðfjár innfiutningsbannið kæmist ekki á í Englandi, þá
skyldi fyrri pöntunin gilda.
Tilraunir voru gjörðar til að reyna að hindra fram-
gang þessara laga- i Englandi eða að fá undanþágu hvað
ísland snerti, en það gekk ekki, og að síðustu voru lögin
samþykt i The House of Lords (Lávarðadeildinni) 7. júlí
1896, en samkvæmt tillögum landbúnaðarráðaneytisins,
gengu þau ekki í gildi fyr en 1. janúar 1897. Pyrri pönt-
unin sem send var í febrúarmánuði kom því til félagsins